હૈદરાબાદ: સેન્ટ્રલ બ્યુરો ઑફ ઇન્વેસ્ટિગેશન (CBI) એ રવિવારે તેલંગાણાના મુખ્ય પ્રધાન કે ચંદ્રશેખર રાવની પુત્રી અને(HYDERABAD CBI QUESTION TRS MLC K KAVITHA ) ભારત રાષ્ટ્ર સમિતિ (બીઆરએસ) વિધાન પરિષદના સભ્ય કે.કે. કવિતા પૂછપરછ કરશે. પૂછપરછના એક દિવસ પહેલા તેમના ઘરની નજીક તેમના સમર્થકો અને પક્ષના કાર્યકરોએ પોસ્ટર લગાવ્યા હતા. જેના પર તેમની તસવીર અને સૂત્રો લખેલા હતા. પોસ્ટરમાં લખવામાં આવ્યું છે કે, 'યોદ્ધાની પુત્રી ડરશે નહીં. અમે કવિતા અક્કા સાથે છીએ.
નિવાસસ્થાને પહોંચશે:CBIએ મંગળવારે કવિતાને જાણ કરી હતી કે, તપાસ માટે એક ટીમ 11 ડિસેમ્બરે હૈદરાબાદ સ્થિત તેમના નિવાસસ્થાને પહોંચશે. CBIએ તેમને અહીં બંજારા હિલ્સ ખાતેના તેમના નિવાસસ્થાને સંબંધિત તારીખ અને સમયે તેમની હાજરીની પુષ્ટિ કરવા કહ્યું હતું. તેના જવાબમાં કવિતાએ તપાસ એજન્સીને કહ્યું કે, તે કેસની તપાસના સંબંધમાં 11 ડિસેમ્બરે સવારે 11 વાગ્યે તેના ઘરે હાજર રહેશે.
પૂછપરછ માટે નોટિસ:તેણીએ તાજેતરમાં કહ્યું હતું કે, તે 11-15 ડિસેમ્બર દરમિયાન (13 ડિસેમ્બર સિવાય) તપાસ ટીમને મળવા માટે ઉપલબ્ધ રહેશે. CBIએ તેમને દિલ્હી એક્સાઇઝ પોલિસી કેસમાં પૂછપરછ માટે નોટિસ પાઠવી હતી. તપાસ એજન્સીને મોકલવામાં આવેલા પત્રમાં કવિતાએ કહ્યું હતું કે તેણે આ મામલે વેબસાઈટ પર ઉપલબ્ધ FIRની કોપી અને ફરિયાદ વાંચી છે, પરંતુ હજુ સુધી તેનું નામ કોઈપણ રીતે સામે આવ્યું નથી.
કૌંભાડમાં કથિત લાંચ:CBI એ 2 ડિસેમ્બરે કવિતાને દિલ્હી એક્સાઈઝ પોલિસી કેસમાં પૂછપરછ માટે નોટિસ પાઠવી હતી. તપાસ એજન્સીએ તેને 'તપાસ' માટે તેની અનુકૂળતા મુજબ સ્થળ વિશે જણાવવાનું કહ્યું હતું. કૌંભાડમાં કથિત લાંચ અંગે દિલ્હીની કોર્ટમાં એન્ફોર્સમેન્ટ ડિરેક્ટોરેટ (ED) દ્વારા દાખલ કરાયેલ કસ્ટડી રિપોર્ટમાં કવિતાનું નામ સામે આવ્યા બાદ, તેણીએ કહ્યું હતું કે, તે કોઈપણ તપાસનો સામનો કરવા તૈયાર છે.
100 કરોડની લાંચ:25 નવેમ્બરના રોજ,CBIએ આ કેસમાં સાત આરોપીઓ વિરુદ્ધ તેની પ્રથમ ચાર્જશીટ દાખલ કરી. દિલ્હીની કોર્ટમાં આરોપી અમિત અરોરા પર દાખલ કરાયેલ કસ્ટોડિયલ રિપોર્ટમાં EDએ કહ્યું હતું કે, "અત્યાર સુધીની તપાસ મુજબ, AAP (આમ આદમી પાર્ટી)ના નેતાઓ વતી વિજય નાયરે સાઉથ ગ્રૂપ (સરથ દ્વારા નિયંત્રિત) નામના જૂથનું આયોજન કર્યું હતું. અમિત અરોરા સહિત વિવિધ વ્યક્તિઓ દ્વારા ઓછામાં ઓછા રૂપિયા 100 કરોડની લાંચ લીધી હતી.
