Bullish Share Market : ભારતીય શેરબજારનો ઐતિહાસિક દિવસ, BSE Sensex એ 72,100 રેકોર્ડ બ્રેકિંગ સપાટી વટાવી

વર્ષ 2023 ની પૂર્ણાહુતી પહેલા ભારતીય શેરબજાર માટે 27 ડિસેમ્બર, બુધવારનો દિવસ ઐતિહાસિક રહ્યો છે. મજબૂત વૈશ્વિક સંકેતો વચ્ચે આજે ટ્રેડિંગ સેશન દરમિયાન BSE Sensex અને NSE Nifty રેકોર્ડ બ્રેકિંગ સપાટી વટાવી ગયા હતા. રોકાણકારોનો અંદાજે રુ.10 લાખ કરોડનો ફાયદો થયો છે. Share Market Update

મુંબઈ :ભારતીય શેરબજારના મુખ્ય સૂચકાંક સતત ચોથા દિવસે તેજી સાથે સાપ્તાહિક એકસ્પાયરી પહેલા ઓલ ટાઈમ હાઈને સ્પર્શ્યા છે. 27 ડિસેમ્બર બુધવારના ઐતિહાસિક દિવસે પ્રથમવાર BSE Sensex 72,119 અને NSE Nifty 21,675 રેકોર્ડ બ્રેકિંગ સપાટીએ પહોંચ્યા હતા. ઉપરાંત Nifty BANK પણ 48,347 પોઈન્ટની ઐતિહાસિક સપાટી નોંધાવી ગ્રીન ઝોનમાં બંધ થયો હતો.

BSE Sensex : આજે 27 ડિસેમ્બર બુધવારના રોજ BSE Sensex ગતરોજના 71,336 બંધની સામે 156 પોઈન્ટ સુધારા સાથે 71,492 ના ઊંચા મથાળે ખુલ્યો હતો. ત્યારબાદ દિવસ દરમિયાન સતત મજબૂત વલણને જાળવી રાખી ભારે લેવાલીના પગલે સતત ઉપર ચડતા રહી 72,119 ઓલ ટાઈમ હાઈ બનાવી હતી. ટ્રેડિંગ સેશનના અંતે BSE Sensex 701 પોઈન્ટનો હનુમાન કૂદકો મારી 70,038 ના ઊંચા મથાળે બંધ થયો હતો. જે લગભગ 0.98 ટકાનો વધારો દર્શાવે છે.

NSE Nifty : આજના ટ્રેડિંગ સેશનના અંતે NSE Nifty ઈનડેક્સ લગભગ 213 પોઈન્ટ (1 %) ઉછળીને 21,655 પોઈન્ટ પર બંધ થયો હતો. ઉલ્લેખનિય છે કે, NSE Nifty ઈનડેક્સ આજે ગતરોજના 21,441 બંધની સામે 56 પોઈન્ટ સુધારા સાથે 21,798 ના મથાળે ખુલ્યો હતો. ટ્રેડિંગ સેશન દરમિયાન સતત મજબૂત વલણને જાળવી રાખી NSE Nifty છેલ્લા એક વર્ષમાં ઓલટાઇમ હાઈ 21,675 પોઈન્ટના સ્તરે પહોંચ્યો હતો.

રોકાણકારોને મોજ :ભારતીય શેરબજારની ધૂમ તેજીથી આજે રોકાણકારોને આશરે રૂ. 10 લાખ કરોડનો નફો થયો હતો. ઉપરાંત BSE પર લિસ્ટેડ કંપનીઓનું માર્કેટ કેપ આજે રૂ. 361.28 લાખ કરોડના સ્તરે પહોંચ્યું છે. 20 ડિસેમ્બરના રોજ લિસ્ટેડ કંપનીઓનું કુલ માર્કેટકેપ રૂ. 350.19 લાખ કરોડ હતું. બજારમાં તેજીના વલણના પરિણામે રોકાણકારોએ 4 દિવસમાં લગભગ 11 લાખ કરોડ રૂપિયાનો નફો કર્યો છે.

IPO Listing :

• મુફ્તી (Mufti) -રુ. 282 પર લિસ્ટિંગ, ઈશ્યૂ પ્રાઈસ રુ. 280
• હેપી ફોર્જિંગ્સ (Happy Forgings)- રુ. 1001.25 પર લિસ્ટિંગ, ઈશ્યૂ પ્રાઈસ રુ. 850
• RBZ જ્વેલર્સ (RBZ Jewellers)- રુ. 100 પર લિસ્ટિંગ, ઈશ્યૂ પ્રાઈસ રુ. 100

વૈશ્વિક બજાર :અમેરિકન શેરબજાર S&P 500 ઇન્ડેક્સ સર્વકાલીન ઉચ્ચ સ્તરે પહોંચ્યો હતો, જેની સીધી અસર ભારતીય સ્થાનિક બજારમાં જોવા મળી હતી. BSE મિડકેપ અને સ્મોલકેપ સૂચકાંકો સપાટ કારોબાર કરી રહ્યા છે. જ્યારે ઓટો, ફાર્મા, બેન્ક અને મેટલ ઈન્ડેક્સમાં 0.5-1 ટકાનો ઉછાળો છે. બીજી તરફ ઓઇલ, ગેસ અને પાવરમાં વેચવાલી જોવા મળી રહી છે.

ટોપ ગેઈનર શેર : આજે BSE Sensex માં સૌથી વધુ ઊંચકાયેલા શેરમાં અલ્ટ્રાટેક સિમેન્ટ (4.23 %), JSW સ્ટીલ (2.97 %), ટાટા મોટર્સ (2.91 %), ભારતી એરટેલ (2.15%) અને SBI (1.63 %) સમાવેશ થાય છે.

ટોપ લુઝર શેર :જ્યારે BSE Sensex માં સૌથી વધુ ગગડેલા શેરોમાં એનટીપીસી (-1.53 %), ટેક મહિન્દ્રા (-0.53 %) અને આઇટીસી (-0.25 %), ટીસીએસ (-0.21 %) અને પાવર ગ્રીડ કોર્પોનો (-0.13 %) સમાવેશ થાય છે.

ADR : આજે શેરબજારનો એડવાન્સ ડેકલાઈન રેશિયો પોઝિટિવ રહ્યો હતો. આજે નેશનલ સ્ટોક એક્સચેન્જમાં 1105 શેરના ભાવ વધ્યા હતા. જેની સામે 1034 શેરના ભાવ ઘટ્યા હતા. જોકે, BSE સેન્સેક્સમાં સૌથી વધુ એક્ટિવ શેરમાં HDFC બેંક, ટાટા મોટર્સ, ટાટા સ્ટીલ અને ઇન્ફોસીસના સ્ટોક રહ્યા હતા.