પુતિને 'આતંકવાદી જૂથ'ની શ્રેણીમાંથી હટાવવાનો આપ્યો સંકેત, તાલિબાને નિર્ણયને આવકાર્યો

અફઘાનિસ્તાનમાં તાલિબાન શાસનના પગલે વૈશ્વિક નેતાઓના વલણ પર સમગ્ર વિશ્વની નજર છે. તાલિબાન શાસનને માન્યતા આપવા અંગે અમેરિકાએ કહ્યું છે કે અમેરિકી વહીવટીતંત્ર તાલિબાનને માન્યતા આપવાની કોઈ ઉતાવળમાં નથી. નવીનતમ ઘટનાક્રમમાં રશિયાના રાષ્ટ્રપતિ પુતિને તાલિબાનને આતંકવાદીઓની (Taliban removal from terror list)યાદીમાંથી બહાર કાવાના સંકેત આપ્યા છે.

• રશિયા તાલિબાનને ઉગ્રવાદી જૂથોની યાદીમાંથી હટાવવા પર વિચાર
• તાલિબાનોએ પુતિનના સ્ટેન્ડનું સ્વાગત કર્યું
• વ્લાદિમીર પુતિને તાલિબાનને આતંકવાદીઓની યાદીમાંથી બહાર કાઢવાના સંકેત આપ્યા

મોસ્કો: રશિયાના રાષ્ટ્રપતિ વ્લાદિમીર પુતિને તાલિબાનને આતંકવાદીઓની યાદીમાંથી બહાર કાઢવાના સંકેત આપ્યા છે. તાલિબાનોએ પુતિનના સ્ટેન્ડનું સ્વાગત કર્યું છે. સમાચાર એજન્સી TASS એ તાલિબાનને આતંકવાદીઓની યાદીમાંથી બહાર કાવાની સંભાવના અંગે પુતિનની ટિપ્પણી વિશે માહિતી આપી છે.

તાલિબાન આતંકવાદી સંગઠનોની યાદીમાંથી હટાવવું શક્ય

પુતિને આંતરરાષ્ટ્રીય વલદાઈ ક્લબની (International Valdai Club)બેઠકમાં કહ્યું હતું કે, તાલિબાન ચળવળને આતંકવાદી સંગઠનોની યાદીમાંથી હટાવવું (Taliban removal from terror list)શક્ય છે. રશિયન ન્યૂઝ એજન્સી TASS અનુસાર, પુતિને એ વાત પર પણ ભાર મૂક્યો હતો કે તાલિબાનને આતંકવાદી યાદીમાંથી હટાવવાની પહેલ સંયુક્ત રાષ્ટ્રના સ્તરે થવી જોઈએ.

તાલિબાન નિઃશંકાપણે અફઘાનિસ્તાનમાં પરિસ્થિતિને નિયંત્રિત

પુતિને કહ્યું છે કે, રશિયા તાલિબાનને ઉગ્રવાદી જૂથોની યાદીમાંથી હટાવવા પર વિચાર કરી રહ્યું છે. પુતિને કહ્યું, "અમે બધા આશા રાખીએ છીએ કે તાલિબાન નિઃશંકાપણે અફઘાનિસ્તાનમાં પરિસ્થિતિને નિયંત્રિત કરી રહ્યું છે. તાલિબાન સુનિશ્ચિત કરશે કે પરિસ્થિતિ સકારાત્મક રીતે વિકસિત થાય.

તાલિબાન પર પુતિનના વલણ

તાલિબાન પર પુતિનના વલણ પર, અફઘાનિસ્તાનની વચગાળાની સરકારમાં વિદેશ મંત્રાલયના પ્રવક્તા અબ્દુલ કહાર બલ્ખીએ (Abdul Qahar Balkhi)રવિવારે કહ્યું કે અફઘાનિસ્તાનના ઇસ્લામિક અમીરાતનું વિદેશ મંત્રાલય રશિયન રાષ્ટ્રપતિ વ્લાદિમીર પુતિનની ટિપ્પણીને આવકારે છે.

આતંકવાદી યાદીમાંથી નામ હટાવવા અંગે પુતિનની ટિપ્પણી

આતંકવાદી યાદીમાંથી નામ હટાવવા અંગે પુતિનની ટિપ્પણી પર અબ્દુલ કહાર બલ્કીએ(Abdul Qahar Balkhi) કહ્યું કે તાલિબાન બ્લેકલિસ્ટમાંથી IEA નેતાઓના નામ હટાવવાના (removal of names of IEA leaders from the blacklist) નિવેદનનું સ્વાગત કરે છે.

વિશ્વના દેશોએ અફઘાનિસ્તાન પ્રત્યેના વલણમાં સકારાત્મક પરિવર્તન લાવવું

તાલિબાન પ્રવક્તાએ ટ્વિટ કર્યું કે યુદ્ધનું પ્રકરણ સમાપ્ત થઈ ગયું છે, વિશ્વના દેશોએ તેમના સંબંધો અને અફઘાનિસ્તાન પ્રત્યેના વલણમાં સકારાત્મક પરિવર્તન લાવવું જોઈએ.અમે આંતરરાષ્ટ્રીય સમુદાય સાથે પારસ્પરિકતાના સિદ્ધાંતના (principle of reciprocity) આધારે સકારાત્મક સંબંધો ઈચ્છીએ છીએ.

તાલિબાન આંતરરાષ્ટ્રીય માન્યતા માટે દબાણ કરી રહ્યું

ઓગસ્ટમાં તાલિબાને કાબુલ પર કબજો કર્યો હતો. ત્યારબાદ તેણે સપ્ટેમ્બરમાં અફઘાનિસ્તાનના ઇસ્લામિક અમીરાતની વચગાળાની સરકારની જાહેરાત કરી.તાલિબાન આંતરરાષ્ટ્રીય માન્યતા માટે દબાણ કરી રહ્યું છે. જો કે, વિશ્વ સમુદાયે સ્પષ્ટ કર્યું છે કે તાલિબાને કોઈપણ માન્યતા આપતા પહેલા આપેલા વચનો પૂરા કરવા જોઈએ.

આ પણ વાંચોઃ'મન કી બાત' માં વડાપ્રધાન મોદીએ કહ્યું, 100 કરોડ વેક્સિનેશન બાદ દેશમાં નવી ઉર્જાનો સંચાર

આ પણ વાંચોઃગિરનાર રોપ-વે ને 1 વર્ષ પૂર્ણ થતાં વૃદ્ધાશ્રમનાં વડીલોની હાજરીમાં કરાઈ વિશેષ ઉજવણી