અમૃતસર(પંજાબ): અટારી નજીકના કક્કર ગામમાંડ્રગ્સના મોટા કન્સાઈનમેન્ટની રિકવરીનો મામલો સામે આવ્યો છે. (Pak smugglers conspiracy failed )ગત રાત્રે એક ખેડૂત ગામમાં તેના ખેતર તરફ ગયો હતો. આ દરમિયાન તેને ખેતરમાં પીળી અને વાદળી ટેપનું પેકેટ મળ્યું. જે બાદ બીએસએફની ટીમ ઘટનાસ્થળે પહોંચી અને તેને પોતાના કબજામાં લઈ લીધો.
ડ્રોનમાંથી પડ્યું હેરોઈનઃમળતી માહિતી મુજબ જ્યારે BSFએ આ કન્સાઈનમેન્ટનું વજન કર્યું ત્યારે તે લગભગ 1 કિલોગ્રામ છે. (7 crore heroin )આંતરરાષ્ટ્રીય બજારમાં તેની કિંમત 7 કરોડ રૂપિયા જણાવવામાં આવી રહી છે. પ્રારંભિક તપાસમાં માલૂમ પડ્યું હતું કે, આ કન્સાઈનમેન્ટ પાકિસ્તાની દાણચોરો દ્વારા ડ્રોન દ્વારા ફેંકવામાં આવ્યું હતું. હાલમાં, કન્સાઇનમેન્ટને જપ્ત કરીને પરીક્ષણ માટે લેબમાં મોકલવામાં આવ્યું છે.
ડ્રોન પર ગોળીબાર:નોંધનીય છે કે, આ પહેલા સોમવારે રાત્રે લગભગ 8.27 વાગ્યે, BSF જવાનોએ અમૃતસરના છના ગામમાં પાકિસ્તાની ડ્રોન ભારતીય ક્ષેત્રમાં ઘૂસવાનો અવાજ સાંભળ્યો હતો. આ પછી બીએસએફ જવાનોએ ડ્રોન પર ગોળીબાર કર્યો હતો. ગોળીબારમાં ડ્રોન નીચે આવી ગયું. ડ્રોનની તલાશી લેતા તેમાં બાંધેલા બે પેકેટમાંથી 2.5 કિલો શંકાસ્પદ હેરોઈન પણ મળી આવ્યું હતું. સમગ્ર ઓપરેશન બીએસએફની 183મી બટાલિયન દ્વારા હાથ ધરવામાં આવ્યું હતું. આ પહેલા 14 ઓક્ટોબરે ગુરદાસપુર સેક્ટરમાં અને 16 ઓક્ટોબરે અમૃતસર સેક્ટરમાં BSF જવાનોએ પાકિસ્તાની ડ્રોનને તોડી પાડ્યું હતું.
150 થી વધુ કેસ:પંજાબમાં, ભારત-પાકિસ્તાન સરહદ નજીકના કેટલાક સ્થળોએ આ વર્ષે ડ્રોન દ્વારા મોકલવામાં આવતા માદક દ્રવ્યો, શસ્ત્રો અને દારૂગોળાના 150 થી વધુ કેસ નોંધાયા છે. પાકિસ્તાન સાથેની 553 કિમી સરહદની સુરક્ષા માટે તૈનાત બોર્ડર સિક્યુરિટી ફોર્સ (BSF)એ આ વર્ષે 10 થી વધુ ડ્રોન તોડી પાડ્યા છે.
