વડાપ્રધાનના જન્મદિવસ પર Happy Birthday To You નહી ગાવવામાં આવે, મચશે ધૂમ રામ ધૂનની

17 સપ્ટેમ્બરના દિવસે વડાપ્રધાન નરેન્દ્ર મોદીનો જન્મદિવસ છે. તેમના જન્મદિવસને ખાસ બનાવવા માટે ગુજરાત ભાજપ દ્રારા એક કાર્યક્રમનું આયોજન કરવામાં આવ્યું છે. ગુજરાતના 7100 ગામડામાં સાંજના રામધૂનના કાર્યક્રમ રાખવામાં આવ્યો છે.

• PM મોદીના 71માં જન્મદિવસની તૈયારી શરૂ
• ગુજરાતના ગામડાઓમાં થશે અનોખી ઊજવણી
• 17 સ્પ્ટેમ્બર ના છે વડાપ્રધાનનો જન્મ દિવસ

ન્યુઝ ડેસ્ક: 17 સ્પ્ટેમ્બર ના રોજ પ્રધાનમંત્રી નરેન્દ્ર મોદીનો જન્મદિવસ છે. આ દિવસને ખાસ બનાવવા માટે ગુજરાતમાં ભારતીય જનતા પાર્ટી (BJP) એક અનોખો કાર્યક્રમ કરવાની તૈયારીમાં છે. ગુજરાત BJPના પ્રદેશ અધ્યક્ષ સી.આર.પાટીલે એક પ્રેસ કોન્ફરન્સમાં જણાવ્યું કે PM મોદીના જન્મદિવસે ગુજરાતના 7100 ગામડાઓમાં 'રામધૂન કાર્યક્રમ' યોજવામાં આવશે".

ગુજરાત બનશે રામ ધૂનમાં મગ્ન

જેના અંતર્ગત સાંજના 7 વાગ્યે આ ગામડાઓમાં રામધૂનનો સાદ ગુંજશે. વધુમાં તેમણે જણાવ્યું કે," દરેક કાર્યકર્તાએ દરેક બૂથ પર ઓછામાં ઓછા 50 લોકોના ફોનમાં NAMO APP ડાઉનલોડ કરવાની રહેશે. આ સાથે જ 10 લોકોએ પ્રધાનમંત્રી વીમા સુરક્ષા યોજનાથી જોડાવા માટે પણ કહેવામાં આવ્યું છે. સી.આર.પાટીલે જણાવ્યું કે, "9 ઑક્ટોબરના દિવસે જ નરેન્દ્ર મોદી પહેલીવાર ગુજરાતના મુખ્યમંત્રી બન્યા હતાં અને 9 ઑક્ટોબરે તેના 20 વર્ષ પૂર્ણ થશે".

આ પણ વાંચો : કેરળમાં 3 મહિના પછી એક દિવસમાં કોરોનાના નવા 31,445 કેસ નોંધાયા, 215ના મોત

17 સપ્ટેમ્બરે છે 71મો જન્મદિવસ

પ્રધાનમંત્રી મોદીનો જન્મ 17 સપ્ટેમ્બર 1950ના રોજ ગુજરાતના એક નાનકડા શહેર વડનગરમાં થયો હતો. નરેન્દ્ર મોદીએ 1972માં RSS સાથે જોડાઇને પોતાના રાજનૈતિક કરિયરની શરૂઆત કરી હતી. 1987માં મોદી BJP સાથે જોડાયા અને 1995માં પાર્ટીના અધ્યક્ષ બન્યા અને 2001માં ગુજરાતના મુખ્યપ્રધાન બન્યા હતા.

આ પણ વાંચો :Women's Equality Day 2021 : નારી આજની તારીખમાં પણ પોતાના હક્ક માટે સંઘર્ષ કરી રહી છે

3 વાર ગુજરાતના મુખ્યપ્રધાન

1998માં તેઓ રાષ્ટ્રીય મહાસચીવ પણ બન્યા. નરેન્દ્ર મોદી 3 વાર ગુજરાતના મુખ્યમંત્રી રહી ચૂક્યા છે. 2001માં તે પહેલીવાર ગુજરાતના CM બન્યા અને 2013માં ભાજપે તેમનું નામ પ્રધાનમંત્રી પદના ઉમ્મેદવાર તરીકે જાહેર કર્યું. જેની ચૂંટણીમાં ભાજપે 282 સીટો પર વિજય હાંસીલ કર્યો અને નરેન્દ્ર મોદી દેશના પ્રધાનમંત્રી બન્યા. ત્યારબાદ 2019ની ચૂંટણીમાં ભાજપે 300 સીટોથી વિજય મેળવ્યો.