હૈદરાબાદ : કેન્દ્ર સરકારે ધ વોશિંગ્ટન પોસ્ટના એ રિપોર્ટને "half facts, fully embellished" ગણાવતા રદિયો આપ્યો છે કે, ભારત સરકાર એપલને કથિત રૂપે નિશાન બનાવી રહી છે. કંપનીએ સ્વતંત્ર ભારતીય પત્રકારો અને વિપક્ષી પક્ષના રાજકારણીઓને ચેતવણી આપી હતી કે સરકારી હેકર્સે તેમના iPhonesમાં ઘૂસવાનો પ્રયાસ કર્યો હશે.
કેન્દ્રીય માહિતી પ્રૌદ્યોગિકી રાજ્ય પ્રધાન રાજીવ ચંદ્રશેખરે અહેવાલને ભયંકર અને કંટાળાજનક ગણાવતા તેમના સોશિયલ મીડિયા પ્લેટફોર્મ X પર કહ્યું કે, @washingtonpost ની ભયંકર કાલ્પનિક વાર્તાનું ખંડન કરવું કંટાળાજનક છે, પરંતુ કોઈએ તે કરવું પડશે. આ વાર્તા half facts, fully embellished છે.
વોશિંગ્ટન પોસ્ટ દ્વારા એમ્નેસ્ટી સાથે મળીને 27 ડિસેમ્બરના રોજ એક અહેવાલ પ્રકાશિત કરવામાં આવ્યો હતો. જેમાં ઓક્ટોબરમાં સામે આવેલા કેસના આધારે દાવો કર્યો હતો કે કેટલાક પત્રકારોને તેમના iPhones પર સ્પાયવેર વડે નિશાન બનાવવામાં આવ્યા હતા.
વોશિંગ્ટન પોસ્ટે X પરની તેની પોસ્ટમાં દાવો કર્યો હતો કે, એપલે ઓક્ટોબરમાં સ્વતંત્ર ભારતીય પત્રકારો અને વિપક્ષી પાર્ટીના રાજકારણીઓને ચેતવણી આપી હતી કે સરકારી હેકર્સે કદાચ તેમના iPhones માં ઘુસવાનો પ્રયાસ કર્યો છે. તેના એક દિવસ પછી વડાપ્રધાન નરેન્દ્ર મોદીના નેતૃત્વ હેઠળના અધિકારીઓએ તરત જ એપલ સામે પગલાં લીધા હતા.
રાજીવ ચંદ્રશેખરે ચિંતા વ્યક્ત કરી છે અને ભાર મૂક્યો છે કે, 31 ઓક્ટોબરના રોજ પ્રકાશિત થયેલા બાકીના અહેવાલમાં એપલના પ્રતિભાવનો સમાવેશ થાય છે. બાકીની સ્ટોરીમાં 31 ઓક્ટોબર, ખતરાની નોટિફિકેશન મળ્યાના દિવસે એપલનો પ્રતિભાવ છે.
ચંદ્રશેખરે બાકીની સ્ટોરી શેર કરતા કહ્યું કે કેટલાક Apple ખતરાની નોટિફિકેશન ખોટા એલાર્મ હોઈ શકે છે અથવા ધ્યાનમાં ન આવ્યા હોય શોધાયેલ નથી. ઉપરાંત એપલના પ્રતિભાવનો ઉલ્લેખ કર્યો જેમાં લખ્યું હતું કે, Apple કોઈ ચોક્કસ રાજ્ય-પ્રાયોજિત હુમલાખોરને ખતરાની નોટિફિકેશનનું કારણ આપતું નથી.
Apple ના જણાવ્યા અનુસાર કંપની કોઈ ચોક્કસ રાજ્ય-પ્રાયોજિત હુમલાખોરને ખતરાની નોટિફિકેશનનું કારણ આપતી નથી. રાજ્ય-પ્રાયોજિત હુમલાખોરો ખૂબ જ સારી રીતે ભંડોળ ધરાવતા અને અત્યાધુનિક હોય છે અને તેમના હુમલાઓ સમયાંતરે વિકસિત થાય છે. આવા હુમલાઓને શોધી કાઢવું એ ધમકીના ગુપ્ત સંકેતો પર આધાર રાખે છે જે ઘણીવાર અધૂરા હોય છે. શક્ય છે કે કેટલીક Apple ખતરાની નોટિફિકેશન ખોટા એલાર્મ હોઈ શકે છે, અથવા કેટલાક હુમલા શોધી શક્યા નથી.
રાજીવ ચંદ્રશેખરે માહિતી આપી હતી કે Apple ને CERT-In સાથે તપાસમાં જોડાવા માટે કહેવામાં આવ્યું હતું અને બેઠકો યોજવામાં આવી છે. ઉપરાંત Apple alert row પર તપાસ ચાલુ છે.
Apple દ્વારા ગયા મહિને કેટલાક ભારતીય રાજકારણીઓને ખતરાની નોટિફિકેશન પ્રાપ્ત થઈ હોવાના મુદ્દાની ઊંડાણપૂર્વક તપાસ કરવા નિષ્ણાતોની એક ટીમ મોકલવામાં આવી હતી. તેમને રાજ્ય-પ્રાયોજિત હેકર્સ તેમના ઉપકરણોને નિશાન બનાવવાની ચેતવણી આપી. Apple એ એવા વ્યક્તિઓને ખતરાની નોટિફિકેશન મોકલી હતી જેમના ખાતા લગભગ 150 દેશોમાં છે.
- Bangladesh polls : અવામી લીગે મેનિફેસ્ટોમાં ભારત સાથે મૈત્રીપૂર્ણ સહકાર ચાલુ રાખવા માટેની ઘોષણા કરી
- મોસ્ટ વોન્ટેડ આરોપી દાઉદ ઈબ્રાહિમનું ગુજરાત કનેકશન, વડોદરા કોર્ટમાં દાઉદ વિરુદ્ધ આર્મ્સ એક્ટ ભંગનો કેસ હજી પણ પેન્ડિંગ
