અમદાવાદ પોલીસને બ્લાસ્ટનો ધમકીભર્યો પત્ર મોકલવા મામલે ક્રાઈમ બ્રાન્ચે કુલ 4 લોકોની અટકાયત કરી

22:53 January 25

અમદાવાદ પોલીસને બ્લાસ્ટનો ધમકીભર્યો પત્ર મોકલવા મામલે ક્રાઈમ બ્રાન્ચે કુલ 4 લોકોની અટકાયત કરી

અમદાવાદ પોલીસને બ્લાસ્ટનો ધમકીભર્યો પત્ર મોકલવા મામલે ક્રાઈમ બ્રાન્ચે કુલ 4 લોકોની અટકાયત કરી છે. 2 શખ્સોને ગુજરાતથી અને 2 શખ્સોને યુપીથી ઝડપ્યા છે. પત્રમાં જેનું નામ હતું તેને યુપીના બલિયાથી ઝડપ્યો છે. તમામ શખ્સોની પૂછપરછ હાથ ધરાઈ છે.

22:44 January 25

ત્રણ ગુજરાતીઓને મળશે પદ્મ શ્રી, ORSની શોધ માટે ડો. દિલીપ મહાલનાબીસને મરણોત્તર પદ્મ વિભૂષણ એનાયત

દિલ્હી:ગણતંત્ર દિવસની પૂર્વસંધ્યાએ રાષ્ટ્રપતિ કાર્યાલય દ્વારા પદ્મ વિભૂષણ અને પદ્મશ્રી પુરસ્કારોની જાહેરાત કરવામાં આવી છે. જેમાં ત્રણ ગુજરાતીઓ હીરાબાઈ લોબી, ભાનુભાઈ ચૈતારા અને પરેશ રાઠવાને પદ્મ શ્રી મળશે. પશ્ચિમ બંગાળના ડો. દિલીપ મહાલનાબીસને ORSની શોધ માટે પદ્મ વિભૂષણ એનાયત કરવામાં આવશે.

19:12 January 25

પ્રજાસત્તાક પર્વની પૂર્વ સંધ્યાએ રાષ્ટ્રપતિ દ્રૌપદી મુર્મુનું રાષ્ટ્રને નામ સંબોધન- દુનિયામાં સૌથી જુની સભ્યતા ભારતમાં

પ્રજાસત્તાક પર્વની પૂર્વ સંધ્યાએ રાષ્ટ્રપતિ દ્રૌપદી મુર્મુએ રાષ્ટ્રને નામ સંબોધન કર્યું હતું. તેમણે જણાવ્યું હતું કે દુનિયામાં સૌથી જુની સભ્યતા ભારતમાં છે. નવી શિક્ષણનીતિથી દેશને ફાયદો થશે. કોરોનાના સમયમાં ગરીબ લોકોને મફત અનાજ આપવામાં આવ્યું. આજે ભારત દેશમાં ઝડપથી આગળ વઘતી અર્થ વ્યવસ્થા છે.

19:12 January 25

નડિયાદના વેપારીએ પ્લાસ્ટિકના દાણાના સોદો કરવા આમોદ બોલાવી છેતરપિંડી કરી હતી. વ્યારાના વેપારીને સસ્તામાં સોનું આપવાની લાલચ આપી રૂપિયા 50 લાખ પડાવ્યા હતા. પોલીસની ખોટી ઓળખ આપી લૂંટી લીધો હતો.ક્રાઈમ બ્રાન્ચે 5ની ધરપકડ કરી, બે વોન્ટેડ છે.

19:06 January 25

અમદાવાદ શહેરમાં અંગત અદાવતમાં વધુ એક ફાયરિંગની ઘટના

અમદાવાદ:શહેરમાં વધુ એક ફાયરિંગની ઘટના સામે આવી છે. અંગત અદાવતમાં ફાયરિંગ કરાયું હતું. સરખેજમાં સલમાન પઠાણ નામના વ્યક્તિના ઘરે 3 રાઉન્ડ ફાયરિંગ કર્યું હતું. ફાયરિંગ કરનાર શખ્સો સીસીટીવીમાં કેદ થયા હતા. સલમાન અને મુદ્દસરખાન વચ્ચે કોલસેન્ટર પૈસાની લેતીદેતીને લઈને બબાલ ચાલતી હતી. આરોપી મુદ્દસરખાને સલમાન પર હુમલો કરવા મેસેજ કર્યો હતો.

18:35 January 25

ધારાસભ્ય હાર્દિક પટેલની મુશ્કેલીમાં વધારો

અમદાવાદઃ ધારાસભ્ય હાર્દિક પટેલની મુશ્કેલીમાં વધારો થયો છે. પાટીદાર અનામત આંદોલન સમયે નિકોલમાં જે કેસ થયો હતો તેમાં ગ્રામ્ય કોર્ટે હાર્દિક પટેલને સમન્સ પાઠવ્યુ છે. હાર્દિક પટેલ વિરુદ્ધ 100 થી વધુ પેજની ચાર્જશીટ દાખલ કરવામાં આવી. 10 થી વધુ સાક્ષીઓનું આ કેસમાં સમાવેશ કરવામાં આવ્યો.

18:32 January 25

અમદાવાદમાં 26 જાન્યુઆરીએ બ્લાસ્ટની ધમકી, પોલીસને મળ્યો નનામો પત્ર , ક્રાઈમ બ્રાન્ચે તપાસ હાથ ધરી

અમદાવાદ શહેર પોલીસને નનામો પત્ર મળ્યો છે. જેમાં અમદાવાદમાં 26 જાન્યુઆરીએ કાલુપુર રેલ્વે સ્ટેશન અને ગીતામંદિર બસ સ્ટેશનને બ્લાસ્ટથી ઉડાડી દેવાની ધમકી મળી છે. નનામા પત્રને આધારે ક્રાઈમ બ્રાન્ચે તપાસ હાથ ધરી છે.

17:03 January 25

વઘઇ ખાતે જિલ્લા કક્ષાનો તેરમો 'રાષ્ટ્રીય મતદાતા દિવસ' ઉજવાયો

ડાંગ: વઘઇ ખાતે જિલ્લા કક્ષાનો તેરમો 'રાષ્ટ્રીય મતદાતા દિવસ' ઉજવાયો હતો. ચૂંટણી શાખા દ્વારા મતદાનનું મહત્વ દર્શાવતી એપ્લિકેશન અંગેની ફિલ્મનું નિદર્શન, મેં ભારત હું ગીતનું પ્રસારણ કરાયું હતું. રાષ્ટ્રીય મતદાતા દિવસે ડાંગ કલેકટર ધર્મેન્દ્રસિંહજી જાડેજાએ 'અચૂક મતદાન કરવાના' શપથ લેવડાવ્યા હતા.

16:37 January 25

ગૌતમ અદાણીએ ખરીદી અમદાવાદની મહિલા IPL ટીમ, અંબાણીએ મુંબઈની ટીમ ખરીદી

2023ની મહિલા આઈપીએલમાં કુલ પાંચ ટીમો રમશે જેનું વેચાણ પણ થઈ ગયું છે. જેમાં અમદાવાદ, મુંબઇ, બેંગ્લોર, દિલ્હી અને લખનઉનો સમાવેશ થાય છે. ઘણી મોટી કંપનીઓએ આ ટીમોને ખરીદવા માટે દાવ લગાવ્યો હતો. અદાણી ગ્રુપે અમદાવાદની ટીમને ખરીદી લીધી છે. વિમેન્સ પ્રીમિયર લીગની પાંચ ટીમોની કુલ કિંમત રુપિયા 4669.99 કરોડ છે.

16:13 January 25

સુરતમાં અલથાણ વિસ્તારમાં ફિઝિયોથેરાપીની મહિલા ડોક્ટર સાથે દુષ્કર્મ

સુરત:અલથાણ વિસ્તારમાં ફિઝિયોથેરાપીની મહિલા ડોક્ટર સાથે દુષ્કર્મની ઘટના સામે આવી છે. બિલ્ડીંગમાં જ રહેતા પરણિત યુવકે પ્રેમજાળમાં ફસાવીને બળજબરીથી કારમાં દુષ્કર્મ આચર્યું હતું. પોલીસે આરોપી વિરુદ્ધ દુષ્કર્મનો ગુનો નોંધી આરોપીની કરી ધરપકડ છે.

15:35 January 25

સુરતમાં ધબોલી વિસ્તારમાં ચાલતી ગાડીમાં આગ, સમય સૂચકતાને લીધે જાનહાની ટળી

સુરત: ધબોલી વિસ્તારમાં ચાલતી ગાડીમાં આગ લાગી હતી. આગ લાગતા બેઠેલા લોકો ગાડી બહાર ઉતારી ગયા હતા. ફાયર વિભાગને જાણ કરતા જ ફાયર વિભાગ ઘટના સ્થળ ઉપર પહોંચી આગ ઉપર કાબુ મેળવ્યો હતો. સમય સૂચકતાને લીધે કોઈ જાનહાની થઇ ન હતી. આગ લાગવાનું કારણ અકબંધ છે.

15:16 January 25

રાજકોટમાં બે ગઠિયા વૃદ્ધાના સોનાના દાગીના ઉતારી ફરાર

રાજકોટ:શહેરમાં બે ગઠિયા વૃદ્ધાના સોનાના દાગીના ઉતારી ફરાર થઈ ગયા હતા. બન્ને ગઠિયાની કળાના CCTV ફૂટેજ વાયરલ થયા છે. બી ડિવિજન પોલીસે સીસીટીવીના આધારે વધુ તપાસ શરૂ કરી છે.

14:45 January 25

JNUમાં BBCની વિવાદાસ્પદ ડોક્યુમેન્ટરીના સ્ક્રીનિંગને લઈને હંગામો, વિદ્યાર્થીઓ પર પથ્થરમારો

દિલ્હી:JNUમાં BBCની વિવાદાસ્પદ ડોક્યુમેન્ટરીના સ્ક્રીનિંગને લઈને હંગામો ચાલુ છે. વિદ્યાર્થીઓએ મોડી રાત સુધી દેખાવો કર્યા હતા. વિદ્યાર્થીઓનો આરોપ છે કે, અહીં કેમ્પસ પ્રશાસને PM મોદી પર બનેલી ડોક્યુમેન્ટરીનું સ્ક્રીનિંગ રોકવા માટે વીજળી કાપી નાખી અને ઈન્ટરનેટ બંધ કરી દીધું હતું. જ્યારે વિદ્યાર્થીઓએ તેનો વિરોધ કર્યો ત્યારે તેમના પર પથ્થરમારો થયો હતો. આ ઘટનાઓ વચ્ચે મોડી રાત્રે વિદ્યાર્થીઓએ વસંત કુંજ પોલીસ સ્ટેશનની બહાર પ્રદર્શન કર્યું હતું.

14:37 January 25

ગુજરાતના નવા મુખ્ય સચિવ તરીકે રાજકુમારને જવાબદારી સોંપાઈ

ગાંધીનગર:ગુજરાતના મુખ્ય સચિવ તરીકે ગૃહ વિભાગના રાજકુમારને જવાબદારી સોંપવામાં આવી છે. રાજકુમાર ગુજરાતના નવા મુખ્ય સચિવ બન્યા છે. પંકજ કુમાર 31 જાન્યુઆરીએ નિવૃત્ત થશે.

14:36 January 25

મોરબી દુર્ધટના અંગે હાઇકોર્ટમાં સુનાવણી, ઓરેવા ગ્રુપના માલિક જયસુખ પટેલનું નિવેદન આવ્યું સામે

અમદાવાદઃમોરબી દુર્ધટના અંગે હાઇકોર્ટમાં સુનાવણી થઈ હતી. હાઇકોર્ટે જે સુઓમોટો પિટિશન દાખલ કરી છે તેના પર થઈ સૂનાવણી યોજાય. ઓરેવા ગ્રુપના માલિક જયસુખ પટેલને પક્ષકાર બનાવવામાં આવ્યા છે. હાઇકોર્ટમાં સુનાવણી દરમિયાન જયસુખ પટેલે કોર્ટમાં નિવેદન આપ્યું હતું કે બ્રિજ તૂટવાની ઘટનાથી અમને અફસોસ થયો છે. કર્મશિયલ પ્રવૃતિનો અમારો કોઈ જ ઇરાદો ન હતો. 135 લોકોના જીવ જવાંથી અમે પણ દુઃખી છીએ.

14:36 January 25

રાહદારી નિર્દોષ યુવક પર જીવલેણ હુમલો

ભાઠેના પંચશીલ નગર-1 માં રાહદારી નિર્દોષ યુવક પર જીવલેણ હુમલો થયો હતો. બે પક્ષકારોની લડાઈમાં રાહદારી પર બે વાર હુમલો કરાયો. મરનાર સાગર નામનો યુવક નશાખોર હોવાની વાત સામે આવી છે. ઇજાગ્રસ્તને તાત્કાલિક સારવાર માટે સિવિલ લવાયો હતો. આખી ઘટના CCTVમાં કેદ થઈ છે.

13:47 January 25

ઈન્કમટેક્સ ચાર રસ્તા પાસે વિકરાળ આગ લાગી

અમદાવાદ:આશ્રમ રોડ પર આવેલી એક ફર્નિયરની દુકાનમાં વિકરાળ આગ લાગતા ફાયર બ્રિગેડ ધટના સ્થળે પહોંચી. ઈન્કમટેક્સ ચાર રસ્તા પાસે વિકરાળ આગ લાગી. આરબીઆઈ બેંક પાસે લાકડાની દુકાનમા આગ લાગી. ફાયર બ્રિગેડની 3 ગાડી ઘટના સ્થળે પહોંચી.

13:19 January 25

લોક પ્રશ્નોને વિધાનસભા ગૃહમાં ઉઠાવી શકાય તે માટે કોંગ્રેસનું જનતાલક્ષી આયોજન

ગાંધીનગર:વિપક્ષ નેતા અમિત ચાવડાએ જાહેરાત કરી છે. ટૂંક સમયમાં વોટસએપ નંબર અને ઈમેઇલ આઈડી જાહેરાત કરવામાં આવશે. લોકો સીધી જ ફરિયાદ કરી શકે તે માટે કોંગ્રેસ પક્ષનું આયોજન થયું. લોક પ્રશ્નોને વિધાનસભા ગૃહમાં ઉઠાવી શકાય તે માટે કોંગ્રેસનું જનતાલક્ષી આયોજન થયું.

12:55 January 25

આર્ટ ઓફ લિવિંગના શ્રી શ્રી રવિ શંકર અને અન્ય ચાર લોકો હેલિકોપ્ટરમાં હતા સવાર

તમિલનાડુ: આર્ટ ઓફ લિવિંગના શ્રી શ્રી રવિ શંકર અને અન્ય ચારને લઈ જતું હતું હેલિકોપ્ટર આજે સવારે ઈરોડના સત્યમંગલમ ખાતે ખરાબ હવામાનને કારણે ઈમરજન્સી લેન્ડિંગ કરાવ્યું હતું. તમામ મુસાફરો સુરક્ષિત છે. હવામાન સાફ થતાં 50 મિનિટ પછી હેલિકોપ્ટરે ઉડાન ભરી હતી.

12:45 January 25

જિલ્લા કલેક્ટરને પાઠવ્યું આવેદનપત્ર

રાજકોટ: બોટાદ ખાતે દેવીપૂજક સમાજની બાળકી સાથે દુષ્કર્મ બાદ હત્યાનો મામલો સામે આવ્યો છે. રાજકોટમાં દેવીપૂજક સમાજ દ્વારા મોટી સંખ્યામાં એકઠા થઈને વિરોધ કર્યો. જિલ્લા કલેક્ટરને આવેદનપત્ર પાઠવ્યું.

12:05 January 25

વડાપ્રધાનના હસ્તે 297.56 કરોડના કામોનું ઈ-લોકાર્પણ કર્યું

બોટાદ: પ્રજાસતાક પર્વની રાજ્ય કક્ષાની ઉજવણીને લઈ વડાપ્રધાન બોટાદ માં આવ્યા. માર્કેટિંગ યાર્ડ ખાતે વડાપ્રધાનના હસ્તે 297.56 કરોડના કામોનું ઈ-લોકાર્પણ કર્યું. ખાત મુહૂર્ત તેમજ ભૂમિ પૂજન કરવામાં આવ્યું. બોટાદ જિલ્લાના રમતવીરો માટે 15.47 કરોડના ખર્ચે બનનાર સ્પોર્ટ્સ સંકુલનું વડાપ્રધાને ઈ- ખાત મુહૂર્ત કર્યું. ધારાસભ્ય સહિત મોટી સંખ્યામાં શહેરના નાગરિકો હાજર રહ્યા.

11:28 January 25

પોલીસ બંદોબસ્ત સાથે ઇન્કમટેક્સના દરોડા પડ્યા

જામનગર: સૌરાષ્ટ્રમાં ઇન્કમટેક્સના દરોડાનો દોર આજે પણ ચાલુ છે. ભાવનગર અને કંડલા બાદ જામનગરમાં ઇન્કમટેક્સના દરોડા પડ્યા. શીપના સ્પેરપાર્ટસ બનાવતી ઇનાયત મુસા કંપની પર સર્ચ કરવામાં આવી. હાપા પાસે આવેલ શીપના સ્પેરપાર્ટસ બનાવતી કંપનીમાં દરોડા પડ્યા છે. પોલીસ બંદોબસ્ત સાથે ઇન્કમટેક્સના દરોડા પડ્યા છે.

11:25 January 25

થીયેટરોમાં કોઈ પણ પ્રકારનો અનિચ્છનીય બનાવ ન બને તે માટે પોલીસ બંદોબસ્ત

સુરત:પઠાણ ફિલ્મ આજે રીલીઝ થઇ છે. રીલીઝ પહેલા આ ફિલ્મના બેશરમ રંગ ગીતને લઈને ભારે વિવાદ પણ ઉભો થયો હતો ત્યારે આજે ફિલ્મ રીલીઝ થઇ છે અને થીયેટરોમાં કોઈ પણ પ્રકારનો અનિચ્છનીય બનાવ ન બને તે માટે સુરતમાં થીયેટર બહાર પોલીસ બંદોબસ્ત પણ ગોઠવી દેવામાં આવ્યો હતો.

10:45 January 25

ચીફ કોર્ટમાં 500 પાનાંની ચાર્જશીટ રજૂ કરાઈ

સુરત:2700 કરોડના બોગસ બિલિંગનો મામલો સામે આવ્યો છે. આ મામલે ચીફ કોર્ટમાં 500 પાનાંની ચાર્જશીટ રજૂ કરાઈ છે. કુલ 16 ભેજાબાજોની ધરપકડ કરવામાં આવી છે. 17 ભેજાબાજો વોન્ટેડ જાહેર કરાયા છે. મુખ્ય આરોપીઓ હજી ભૂગર્ભમાં છે. બોગસ બીલિંગ કરી 490 કરોડની ઇનપુટ ટેક્સ ક્રેડિટનો લાભ લેવાયો હતો. આ કાંડ બાદ જીએસટીએ સમગ્ર રાજ્યમાં શરૂ કરેલા બોગસ બિલિંગ ઓપરેશનમાં અત્યાર સુધીમાં 12 હજાર કરોડથી વધુના ટ્રાન્ઝેક્શન પકડાયા છે.

09:41 January 25

બાઈક સવાર યુવકને લક્ઝરી બસે મારી ટક્કર

સુરત: કાપોદ્રા વિસ્તારમાં હિટ એન્ડ રનની ઘટનામાં એક વ્યક્તિનું મોત થયું છે. બાઈક સવાર યુવકને લક્ઝરી બસે ટક્કર મારી હતી. ટક્કર મારી બસ ચાલાક ફરાર થઈ ગયો. પોલીસે સીસીટીવીના આધારે ફરાર બસ ચાલકની શોધ ખોર હાથ ધરી છે.

09:37 January 25

ફોન પર વાત કરતા પકડયા બાદ દીકરી દવા પી લેતા ખાનગી હોસ્પિટલમાં દાખલ

સુરત: ધોરણ-5 માં અભ્યાસ કરતી 13 વર્ષની દીકરીનું રહસ્ય મોત થયું છે. ફોન પર વાત કરતા પકડયા બાદ દીકરી દવા પી લેતા ખાનગી હોસ્પિટલમાં દાખલ કરાઈ હતી. બુધવારની ઘટના બાદ પોલીસે તપાસ હાથ ધરી છે. દીકરીને સોમવારે રજા આપઇ હતી 50 હજારનો ખર્ચ થયો હતો. છેલ્લા બે દિવસથી તાવ આવતો હોવાથી પરિવાર દીકરીને આજે સવારે સિવિલ લઈ આવતા મૃત જાહેર કરાય છે.

09:34 January 25

યુવકે 20 દિવસ પેહલા જ પ્રેમ લગ્નન કર્યા હતા

સુરત: સુરત સચીન વિસ્તારમાં 18 વર્ષના યુવકે આપઘાત કર્યો. યુવકે 20 દિવસ પેહલા જ પ્રેમ લગ્નન કર્યા હતા. તે યુવક સંચાના કારખાનામાં કામ કરતો હતો. પરિવાર મૂળ બિહારમાં આવલ મધુબની જિલ્લાના કોરહિયાગામના છે. હાલ આ મામલે સચીન પોલીસે આપઘાતનો ગુન્હોનોંધી આગળની તપાસ હાથ ધરી છે.

08:30 January 25

દુપટ્ટાંથી ગળો ફાસો ખાઈ કર્યો આપઘાત

સુરત:સુરતમાં આત્મહત્યાનો સિલસિલો યથાવત છે. 17 વર્ષીય કિશોરીએ આપઘાત કર્યો. દુપટ્ટાંથી ગળો ફાસો ખાઈ આપઘાત કર્યો. 17 વર્ષીય કિશોરી ધોરણ-12 કોમર્સમાં અભ્યાસ કરતી હતી. પોલીસે આપઘાતનો ગુન્હો નોંધી આગળની તપાસ હાથ ધરી છે. સુરતમાં છેલ્લા ત્રણ દિવસમાં મહિલા સહીત કુલ 6 લોકોએ આપઘાત કર્યો છે .

07:03 January 25

દરેક મલ્ટિપ્લેક્સ, થિયેટર, મોલ બહાર બંદોબસ્ત ગોઠવશે

અમદાવાદ: અમદાવાદમાં આજે બુધવારે બોલીવુડ ફિલ્મ પઠાણ રિલીઝ થશે. જેમાં અમદાવાદ શહેરના દરેક થિયેટર અને મલ્ટીપ્લેક્ષમાં ચુસ્ત પોલીસ બંદોબસ્ત ગોઠવાશે. ફિલ્મને લઇને ઉભા થયેલા વિવાદના પગલે શહેર પોલીસ દરેક મલ્ટિપ્લેક્સ, થિયેટર, મોલ બહાર બંદોબસ્ત ગોઠવશે. તેમજ ફિલ્મ રિલીઝ મામલે કોઈ અનિચ્છનીય બનાવ ન બને તેવી તૈયારી કરી છે.

06:36 January 25

રહેણાંક મકાન ધરાશાયી થતાં લોકોમાં ચિંતાનો માહોલ

ઉત્તર પ્રદેશ: ઉત્તર પ્રદેશલખનૌમાં મકાન ધરાશાયી થયું. લખનૌના વઝીર હસનગંજ રોડ પર ગઈકાલે એક રહેણાંક મકાન ધરાશાયી થતાં અત્યાર સુધીમાં 14 લોકોને રેસ્કયું કરવામાં આવ્યા છે.

06:23 January 25

GUJARAT BREAKING NEWS: ગુજરાતના નવા મુખ્ય સચિવ તરીકે રાજકુમારને જવાબદારી સોંપાઈ

પંચમહાલ:2002ના ગુજરાત રમખાણો દરમિયાન પંચમહાલમાં દેલોલ હત્યાકાંડ થયો હતો, જેમાં 6 લોકોની હત્યા કરવામાં આવી હતી. આ કેસમાં 19 લોકોને આરોપી બનાવવામાં આવ્યા હતા. તે 19 લોકોને સેશન્સ કોર્ટે નિર્દોષ જાહેર કર્યા છે. જેમાંથી કેટલાક અમુક લોકોના મૃત્યુ થયા છે. આ કેસમાં તમામ આરોપીઓને નિર્દોષ જાહેર કરવામાં આવ્યા છે.