- ઘણા રાજ્યોમાં 18 થી 44 વર્ષની વયના લોકોમાં રસીકરણ શરૂ થયું નથી
- સરકારી પેનલે કોવિશીલ્ડના બે ડોઝ વચ્ચેનું અંતર વધારવાની ભલામણ કરી છે
- જ્યારે કોવિશીલ્ડના ડોઝ વચ્ચે અંતર વધારવામાં આવ્યું છે
ન્યુ દિલ્હી: સરકારના રાષ્ટ્રીય રસીકરણ તકનીકી સલાહકાર જૂથ (એનટીએજીઆઈ)એ કોવિડ-19 એન્ટી-કોવિશીલ્ડ રસીના બે ડોઝ વચ્ચેનો તફાવત વધારીને 12-16 અઠવાડિયા કરવાની ભલામણ કરી છે. જો કે, કોવેક્સિનના ડોઝને બદલવાની ભલામણ કરવામાં આવતી નથી. ગુરુવારે સૂત્રોએ આ માહિતી આપી હતી.
કોવિશીલ્ડ રસીના બે ડોઝ વચ્ચે 12-16 અઠવાડિયાનો તફાવત હોવો જોઈએ આ પણ વાંચોઃકોરોના રસી લીધા પછી પણ અનુસરો કોરોના ગાઈડલાઈન
બન્ને રસીના બે-બે ડોઝ આપવામાં આવી રહ્યા છે
ભારતમાં કોરોના વાઇરસ વિરુદ્ધ ચાલી રહેલા રસીકરણના અભિયાનના ભાગ રૂપે બે રસીઓનો ઉપયોગ કરવામાં આવી રહ્યો છે - સીરમ સંસ્થાની કોવિશીલ્ડ અને ભારત બાયોટેકની કોવેક્સિન. આ બન્ને રસીના બે-બે ડોઝ આપવામાં આવી રહ્યા છે. ઘણા રાજ્યોમાં રસીનો અભાવ છે. ત્રીજો તબક્કો શરૂ થયા પછી પણ, ઘણા રાજ્યોમાં 18 થી 44 વર્ષની વયના લોકોમાં રસીકરણ શરૂ થયું નથી. આ દરમિયાન, એવા સમાચાર આવ્યા છે કે, સરકારી પેનલે કોવિશીલ્ડના બે ડોઝ વચ્ચેનું અંતર વધારવાની ભલામણ કરી છે.
સગર્ભા સ્ત્રીઓને કોવિડ -19ની કોઈપણ રસી લેવાનો વિકલ્પ આપી શકાય છે
કોવિશીલ્ડના ડોઝ વચ્ચેના અંતરની ભલામણ ત્યારે આવી હતી, જ્યારે રસી નિર્માતા કંપની સીરમ ઇન્સ્ટીટ્યૂટ વેક્સિનના ઉત્પાદનને લઇને સંઘર્ષ કરી રહ્યા છે. માગ પ્રમાણે ઉત્પાદન થઈ રહ્યું નથી. જૂથે કહ્યું છે કે, સગર્ભા સ્ત્રીઓને કોવિડ -19ની કોઈપણ રસી લેવાનો વિકલ્પ આપી શકાય છે અને સ્તનપાન કરાવતી મહિલાઓ બાળકને જન્મ આપ્યા પછી કોઈપણ સમયે રસી મૂકાવી શકે છે.
સાર્સ-સીઓવી-2થી સંક્રમિત લોકોએ તંદુરસ્ત થયા પછીના છ મહિના સુધી રસી ન લેવી જોઇએ
સૂત્રોએ જણાવ્યું હતું કે, NTAGIએ એમ પણ કહ્યું છે કે, જે લોકો કોવિડ -19નો ભોગ બન્યા છે અને તપાસ દ્વારા સાર્સ-સીઓવી-2થી સંક્રમિત થવાનું બહાર આવ્યું છે, તેઓને તંદુરસ્ત થયા પછીના છ મહિના સુધી રસી ન લેવી જોઇએ.
આ પણ વાંચોઃએફડીએએ અમેરિકામાં 12 થી 15 વર્ષના બાળકો માટે ફાઇઝર રસીને આપી મંજૂરી
કોવિશીલ્ડ રસીના બે ડોઝ ચારથી આઠ અઠવાડિયાના અંતરમાં રાખવામાં આવે છે
હાલમાં, કોવિશીલ્ડ રસીના બે ડોઝ ચારથી આઠ અઠવાડિયાના અંતરમાં રાખવામાં આવે છે. NTAGIના સૂચનો રસીકરણને જોવાવાળા કોવિડ -19 સંબંધી રાષ્ટ્રીય નિષ્ણાત જૂથને મોકલવામાં આવશે. છેલ્લા ત્રણ મહિનામાં આ ત્રીજી વખત છે. જ્યારે કોવિશીલ્ડના ડોઝ વચ્ચે અંતર વધારવામાં આવ્યું છે. માર્ચમાં કેન્દ્ર સરકારે વધુ સારા પરિણામ માટે રાજ્યોને 28 દિવસનું અંતર વધારીને 6-8 અઠવાડિયા કરવા જણાવ્યું હતું.
