સરકાર ટૂંક સમયમાં નવી સહકારી નીતિ લાવશે : અમિત શાહ

કેન્દ્રીય ગૃહપ્રધાન અમિત શાહ (Minister of Cooperatives Amit Shah)ને દેશના પ્રથમ સહકારી પ્રધાન (Ministry of Cooperatives) બનાવવામાં આવતા તેમણે એક કાર્યક્રમમાં કહ્યું કે, સહકારી (મંત્રાલય) દેશના વિકાસમાં ખૂબ મહત્વનું યોગદાન આપી શકે છે. આપણે નવેસરથી વિચારવું પડશે, નવું માળખું તૈયાર ( New cooperative policy ) કરવું પડશે, કાર્યક્ષેત્ર વધારવું પડશે અને પારદર્શિતા લાવવી પડશે.

• કેન્દ્ર સરકારની નવી સહકારી નીતિ લાવવાની તૈયારી
• કેન્દ્રીય પ્રધાન અમિત શાહ દેશના પ્રથમ સહકારી પ્રધાન તરીકે ચૂંટાયા
• સરકાર ભારતના ગ્રામીણ સમાજને પણ પ્રોત્સાહન આપશે

નવી દિલ્હી :કેન્દ્ર સરકાર ટૂંક સમયમાં નવી સહકારી નીતિ ( New cooperative policy )લાવવાની તૈયારી કરી રહી છે. કેન્દ્રીય ગૃહપ્રધાન અમિત શાહ (Minister of Cooperatives Amit Shah)ને નવા રચાયેલા સહકાર મંત્રાલય(Ministry of Cooperatives )ની કમાન સોંપવામાં આવી છે. આ દરમિયાન તેમણે કહ્યું કે, મારા માટે ગર્વની વાત છે કે હું દેશના પ્રથમ સહકારી પ્રધાન તરીકે ચૂંટાયો છું. મને તક આપવા બદલ હું વડાપ્રધાન નરેન્દ્ર મોદીનો આભાર માનું છું.

91 ટકા ગામોમાં નાની કે મોટી સહકારી સંસ્થાઓ

સહકાર પ્રધાન અમિત શાહે કહ્યું કે, સ્વતંત્રતાના અમૃત મહોત્સવની ઉજવણી કરીને સરકાર નવી સહકારી નીતિ શરૂ કરશે, જે ભારતના ગ્રામીણ સમાજને પણ પ્રોત્સાહન આપશે. આજે, દેશના લગભગ 91 ટકા ગામોમાં નાની કે મોટી સહકારી સંસ્થાઓ કાર્યરત છે. સહકારી પ્રધાન અમિત શાહે શનિવારે પ્રથમ રાષ્ટ્રીય સહકારી પરિષદને સંબોધતી વખતે આ જાહેરાત કરી હતી. કેન્દ્રીય બજેટ 2021 માં સરકારે સહકાર મંત્રાલયની રચનાની જાહેરાત કરી હતી.

સહકારી સંસ્થાઓનું દેશના વિકાસમાં નોંધપાત્ર યોગદાન

શાહે વધુમાં કહ્યું કે, સહકારી આંદોલન આજે વધુ સુસંગત છે અને સહકારી સંસ્થાઓ દેશના વિકાસમાં નોંધપાત્ર યોગદાન આપી શકે છે. સરકાર 5,000 અબજ ડોલરના અર્થતંત્રના લક્ષ્ય પર આગળ વધી રહી છે અને સહકારી ક્ષેત્ર આ લક્ષ્યને હાંસલ કરવામાં મહત્વનું યોગદાન આપશે. સહકાર મંત્રાલયની રચના સહકારી ક્ષેત્રને મજબૂત અને આધુનિક બનાવવા માટે કરવામાં આવી છે.

કેન્દ્ર રાજ્યો સાથે મળીને કામ કરશે

ઇન્દિરા ગાંધી ઇન્ડોર સ્ટેડિયમ ખાતે સહકારી પરિષદનું આયોજન ઇફકો, નેશનલ કોઓપરેટિવ ફેડરેશન ઓફ ઇન્ડિયા, અમૂલ, સહકાર ભારતી, નાફેડ અને ક્રિભકો દ્વારા કરવામાં આવ્યું છે. શાહે કહ્યું કે, સહકારી આંદોલનને મજબૂત કરવા માટે કેન્દ્ર રાજ્યો સાથે મળીને કામ કરશે.

આ પણ વાંચો: