સરકાર કાશ્મીર પર આર્થિક આતંકવાદ ફેલાવી રહી છે: મહેબૂબા મુફ્તી

જમ્મુ અને કાશ્મીરના ભૂતપૂર્વ મુખ્ય પ્રધાન પીપલ્સ ડેમોક્રેટિક પાર્ટીના વડા મહેબૂબા મુફ્તીએ (mehbooba mufti on kashmir situation) મંગળવારે ભારત સરકાર પર કાશ્મીરી લોકોની કમર તોડવા માટે ફળ ઉદ્યોગને નિશાન બનાવીને કાશ્મીરમાં "આર્થિક આતંકવાદ" લાદવાનો આરોપ મૂક્યો હતો. તેણીએ પરિસ્થિતિને પેલેસ્ટિનિયનો સાથે સરખાવી જેઓ ઇઝરાયેલના હાથે આર્થિક નાકાબંધીનો સામનો કરી રહ્યા છે.

કાશ્મીર: ખીણના ફળોના કેન્દ્રો પૈકીના એક એવા દક્ષિણ કાશ્મીરના શોપિયાં જિલ્લામાં ફળોના બગીચાના વેપારીઓ સાથે વાત કરતા મહેબૂબાએ (mehbooba mufti on kashmir situation) શ્રીનગર-જમ્મુ રાષ્ટ્રીય ધોરીમાર્ગ પર ફળોથી ભરેલી ટ્રકોના માર્ગને સરળ બનાવવામાં સત્તાવાળાઓની નિષ્ફળતા પર આક્રોશ ઠાલવ્યો હતો. ફળોના વેપાર સાથે સંકળાયેલા વેપારીઓનો આરોપ છે કે, ટ્રકોને જાણી જોઈને રોકવામાં આવી રહી છે. જ્યારે કાશ્મીરી ફળોના ભાવ સૌથી નીચા સ્તરે આવી ગયા છે.

તેણીએ કહ્યું,"આ એક પ્રકારનો આર્થિક આતંકવાદ (economic terrorism on kashmir) છે. ભારત સરકાર કાશ્મીરીઓની અર્થવ્યવસ્થાને તોડી નાખવા માંગે છે. ઇઝરાયલે પેલેસ્ટિનિયનો સાથે તેમની અર્થવ્યવસ્થાને તોડવા માટે આવું જ કર્યું છે," તેણીએ કહ્યું કે (mehbooba mufti in shopian ) બાગાયત એ કાશ્મીરની અર્થવ્યવસ્થાની કરોડરજ્જુ છે અને હજારો લોકો તેની સાથે પ્રત્યક્ષ અને પરોક્ષ રીતે જોડાયેલા છે. "તે કેવી રીતે શક્ય છે કે, જમ્મુથી કાશ્મીર આવતી ટ્રક એક જ દિવસમાં તેના ગંતવ્ય સ્થાને પહોંચે અને તે જ ટ્રકને તેની પરત મુસાફરીમાં ચારથી પાંચ દિવસનો સમય લાગે? આ એક કાવતરું છે. ટ્રકને જાણી જોઈને રોકવામાં આવી રહી છે," તેણીએ કહ્યું.

ટ્રાન્સપોર્ટરોએ મોટી લોન લીધી:તેણે કહ્યું કે, (pdp president mehbooba mufti ) તેણે આ મુદ્દો લેફ્ટનન્ટ ગવર્નર મનોજ સિંહા સાથે ઉઠાવ્યો છે. "મેં રાજ્યપાલને આ મુદ્દા પર ધ્યાન આપવા વિનંતી કરી છે. મેં તેમને પૂછ્યું છે કે, શા માટે વાહનોને પસાર થવા દેવામાં આવતા નથી. જો તેઓ આ તરફ ધ્યાન આપી શકતા નથી, તો તેમના માટે પરિસ્થિતિ મુશ્કેલ બની શકે છે". તેણીએ જણાવ્યું હતું કે, ફળોનો વેપાર એકલા બગીચા સાથે જોડાયેલો નથી. "ત્યાં હજારો લોકો વેપાર સાથે સંકળાયેલા છે. ટ્રાન્સપોર્ટરોએ મોટી લોન લીધી છે. તેઓએ તેને ચૂકવવી પડશે.