ગોવામાં ભયાનક માર્ગ અકસ્માત થતા એકજ પરિવારના 3 લોકો મૃત્યુને ભેટ્યા

મૃતક કારવાર તાલુકાના માજાલીના વતની હતા અને ઉલ્લાસ નાગેકરનો પરિવાર હાલમાં વાસ્કોનો રહેવાસી છે. ઉલ્લાસ સહિત તેના પરિવારના કુલ 8 સભ્યો વાસ્કોથી કારમાં કારવારના પાનાકોણા ખાતે સતેરી દેવીના દર્શન કરવા આવ્યા હતા. Karwar family died, Goa road accident

વાસ્કોઃભગવાનની પ્રાર્થના કરીને પરત ફરી રહેલી કારને ભયાનક અકસ્માત (Goa road accident) નડ્યો અને કારવાર પરિવારના સભ્યોના મોત (Karwar family died) થયા છે. તે સિવાય આ અકસ્માતમાં ઘણા લોકો ઈજાગ્રસ્ત થયા છે અને તેમને હોસ્પિટલમાં દાખલ કરવામાં આવ્યા છે. આ ઘટના ગોવાના વાસ્કોમાં બની હતી.

ગોવામાં ભયાનક માર્ગ અકસ્માત

સતેરી દેવીના દર્શન ઃ મૃતક કારવાર તાલુકાના માજાલીના વતની હતા અને ઉલ્લાસ નાગેકરનો પરિવાર હાલમાં વાસ્કોનો રહેવાસી છે. ઉલ્લાસ સહિત તેના પરિવારના કુલ 8 સભ્યો વાસ્કોથી કારમાં કારવારના પાનાકોણા ખાતે સતેરી દેવીના દર્શન કરવા આવ્યા હતા. દેવીના દર્શન કર્યા બાદ તેઓ વાસ્કો પાછા ફર્યા હતા. આ સમયે, ગોવાના કાનાકોનામાં મનોહર પર્રિકર નેશનલ હાઈવેના (Manohar Parrikar National Highway) બાયપાસ પર એક ભયાનક અકસ્માત થયો હતો.

સભ્યો ગંભીર રીતે ઇજાગ્રસ્તઃમડગાંવ તરફથી એક ઝડપી કાર ડિવાઈડર સાથે અથડાઈ હતી અને જમણી બાજુથી આવી રહેલી ઉલ્લાસ પરિવારની કાર અને બાઇકને ટક્કર મારી હતી. આ ભયાનક અકસ્માતમાં ઉલ્લાસા નાગેકર, તેમની પત્ની વીણા નાગેકર અને તેમના પુત્ર હરીશ નાગેકરનું મૃત્યુ થયું હતું અને પરિવારના બાકીના સભ્યો ગંભીર રીતે ઇજાગ્રસ્ત થયા હતા.

સ્કુટર સવારને પણ ગંભીર ઈજાઓ ઃઅકસ્માત સર્જનાર કારના ચાલક અને સ્કુટર સવારને પણ ગંભીર ઈજાઓ પહોંચી હતી અને ઈજાગ્રસ્તોને હોસ્પિટલમાં દાખલ કરવામાં આવ્યા હતા.