નવી દિલ્હી: જનરલ અનિલ ચૌહાણ 30 સપ્ટેમ્બરે બીજા ચીફ ઓફ ડિફેન્સ સ્ટાફ તરીકેનો કાર્યભાર સંભાળશે.(CDS Lt General Anil Chauhan) સરકારી અધિકારીઓએ જણાવ્યું કે, ભારતીય સંરક્ષણ દળોના બીજા CDS ગુરુવારે સૈન્ય અધિકારીઓને મળશે. શુક્રવારે સત્તાવાર રીતે નવા CDS તરીકે ચાર્જ સંભાળશે.(Lt General Anil Chauhan Retired as next CDS ) અધિકારીઓએ આગળ જણાવ્યું હતું કે, ચૌહાણ પૂર્વ કમાન્ડમાંથી લેફ્ટનન્ટ જનરલ તરીકે નિવૃત્ત થયા હતા અને આજે નવી નિમણૂક સાથે તેમને જનરલના હોદ્દા પર બઢતી આપવામાં આવી છે.
કામગીરીનો બહોળો અનુભવ:આ પદ પર પ્રથમ વખત નિવૃત્ત અધિકારીની નિમણૂક કરવામાં આવી છે.(Chief of Defence Staff ) નિમણૂક માટેના નિયમોમાં ફેરફારની જાહેરાત કરતું ગેઝેટ નોટિફિકેશન બહાર પાડવામાં આવ્યું હતું. ચાર દાયકાની કારકિર્દીમાં લેફ્ટનન્ટ જનરલ ચૌહાણે અનેક કમાન્ડ, સ્ટાફ અને આસિસ્ટન્ટ નિમણૂંકો સંભાળી છે. તેમની પાસે જમ્મુ-કાશ્મીર અને પૂર્વોત્તર ભારતમાં આતંકવાદ વિરોધી કામગીરીનો બહોળો અનુભવ છે. એક સત્તાવાર રિલીઝમાં જણાવાયું છે કે તેઓ ચાર્જ સંભાળ્યાની તારીખથી અને આગળના આદેશો સુધી ભારત સરકારના સૈન્ય બાબતોના વિભાગના સચિવ તરીકે પણ કામ કરશે.
સેનાની 11 ગોરખા રાઈફલ્સમાં જોડાયા:લેફ્ટનન્ટ જનરલ અનિલ ચૌહાણ જનરલ બિપિન રાવત પછી દેશના બીજા CDS હશે, બિપિન રાવત ગયા વર્ષે ડિસેમ્બરમાં તમિલનાડુમાં હેલિકોપ્ટર દુર્ઘટનામાં મૃત્યુ પામ્યા હતા. નોંધનીય છે કે 18 મે 1961ના રોજ જન્મેલા લેફ્ટનન્ટ જનરલ અનિલ ચૌહાણ 1981માં ભારતીય સેનાની 11 ગોરખા રાઈફલ્સમાં જોડાયા હતા. તેઓ નેશનલ ડિફેન્સ એકેડમી, ખડકવાસલા અને ઈન્ડિયન મિલિટરી એકેડમી, દેહરાદૂનના ભૂતપૂર્વ વિદ્યાર્થી છે. મેજર જનરલના હોદ્દા પર, અધિકારીએ ઉત્તરી કમાન્ડમાં નિર્ણાયક બારામુલ્લા સેક્ટરમાં પાયદળ વિભાગની કમાન્ડ કરી હતી.
અંગોલામાં સંયુક્ત રાષ્ટ્ર મિશન તરીકે પણ સેવા:બાદમાં લેફ્ટનન્ટ જનરલ તરીકે, તેમણે ઉત્તર પૂર્વમાં કોર્પ્સની કમાન્ડ કરી અને બાદમાં સપ્ટેમ્બર 2019 થી મે 2021 માં તેમની સેવામાંથી નિવૃત્તિ સુધી પૂર્વ કમાન્ડના જનરલ ઓફિસર કમાન્ડિંગ-ઇન-ચીફ બન્યા. આ કમાન્ડ એપોઇન્ટમેન્ટ્સ ઉપરાંત, અધિકારીએ મિલિટરી ઓપરેશન્સના ડાયરેક્ટર જનરલના ચાર્જ સહિત મહત્વપૂર્ણ સ્ટાફ નિમણૂકો સંભાળી છે. આ પહેલા આ અધિકારીએ અંગોલામાં સંયુક્ત રાષ્ટ્ર મિશન તરીકે પણ સેવા આપી હતી.
ચીનની બાબતોના નિષ્ણાત:આ અધિકારી 31 મે 2021ના રોજ ભારતીય સેનામાંથી નિવૃત્ત થયા હતા. સેનામાંથી નિવૃત્ત થયા પછી પણ તેમણે રાષ્ટ્રીય સુરક્ષા અને વ્યૂહાત્મક બાબતોમાં યોગદાન આપવાનું ચાલુ રાખ્યું. સેનામાં તેમની વિશિષ્ટ સેવા માટે, લેફ્ટનન્ટ જનરલ અનિલ ચૌહાણને પરમ વિશિષ્ટ સેવા મેડલ, ઉત્તમ યુદ્ધ સેવા મેડલ, અતિ વિશેષ સેવા મેડલ, સેના મેડલ અને વિશિષ્ટ સેવા મેડલ એનાયત કરવામાં આવ્યા હતા. લેફ્ટનન્ટ ચૌહાણ ચીનની બાબતોના નિષ્ણાત હોવાનું કહેવાય છે.
લાંબો કાર્યકાળ મળવાની સંભાવના:2019 માં, જ્યારે ભારતે બાલાકોટ સ્ટ્રાઈક માટે બ્લુ પ્રિન્ટ તૈયાર કરી, ત્યારે ચૌહાણ ઈસ્ટર્ન કમાન્ડના સૈન્ય નિર્દેશક હતા. તેઓ ઓપરેશન સનરાઇઝના લેખક પણ હતા. તે ભારત-મ્યાનમારનું સંયુક્ત સૈન્ય ઓપરેશન હતું. આમાં, પૂર્વોત્તરમાં કેટલાક વિદ્રોહી જૂથોને નિશાન બનાવવામાં આવ્યા હતા. નિવૃત્તિ પછી, તેમને રાષ્ટ્રીય સુરક્ષા સલાહકાર અજીત ડોભાલની અધ્યક્ષતામાં NSCSના લશ્કરી સલાહકાર તરીકે નિયુક્ત કરવામાં આવ્યા હતા. આ નિમણૂકની એક ખૂબ જ મહત્વપૂર્ણ વિશેષતા એ છે કે, સીડીએસની નિવૃત્તિ વય 65 વર્ષ નક્કી કરવામાં આવી છે, લેફ્ટનન્ટ જનરલ ચૌહાણને 3 વર્ષ 8 મહિનાનો ઘણો લાંબો કાર્યકાળ મળવાની સંભાવના છે.
CDSએ શાનદાર કામ કર્યું છે: એસરકારની નીતિઓને લાગુ કરવા માટે તેમની પાસે યોગ્ય સમયમર્યાદા હશે. ભારતીય સેનાના મોટા ભાગના કમાન્ડરોની જેમ, CDS એ દેશના બે મુખ્ય હોટ સ્પોટ ઈશાન અને એક તરફ કાશ્મીર અને બીજી તરફ ચીનનો સામનો કરવામાં શાનદાર કામ કર્યું છે.
