Gyanvapi Masjid Case : જ્ઞાનવાપી કેસ મામલે વધુ એક કેસની આજે કોર્ટમાં સુનાવણી

જ્ઞાનવાપી મામલે વધુ એક કેસની આજે કોર્ટમાં સુનાવણી થશે. ઉપરાંત 26 સપ્ટેમ્બરના રોજ સર્વેમાં મળેલી વસ્તુઓને સાચવી રાખવાના આદેશ આવશે. ઉલ્લેખનિય છે કે, ચાર વાદીની મહિલાઓએ સર્વે દરમિયાન મળેલા હિંદુ પ્રતીકને સુરક્ષિત રાખવાની રજુઆત કરી હતી.

વારાણસી : જ્ઞાનવાપી શૃંગાર ગૌરી મામલે લઈને કોર્ટમાં અલગ-અલગ કેસની સુનાવણી ચાલી રહી છે. આજે પણ પૂજા અને અર્પણને લઈને સ્વામી અવિમુક્તેશ્વરાનંદ સરસ્વતીની અરજી પર સુનાવણી થવાની છે. આ પહેલા 21 સપ્ટેમ્બરના ચાર વાદીની મહિલાઓની અરજી પર ડો.જય કૃષ્ણ બિસ્વાસની કોર્ટમાં સુનાવણી હાથ ધરવામાં આવી હતી. જેમાં ડીએમને સર્વે દરમિયાન મળેલા હિંદુ પ્રતીકને સુરક્ષિત રાખવાનો આદેશ આપવામાં આવ્યો હતો. મહિલાઓની માંગ પર કોર્ટે બંને પક્ષોની દલીલોને સાંભળી હતી. ત્યારબાદ કોર્ટે આ કેસમાં પોતાનો ચુકાદો અનામત રાખ્યો અને આ કેસમાં આદેશ જાહેર કરવાની તારીખ 26 સપ્ટેમ્બર નક્કી કરવામાં આવી છે.

હિંદુ પક્ષની દલીલ : હિંદુ પક્ષ તરફથી લક્ષ્મી દેવી, મંજુ વ્યાસ, સીતા સાહુ અને રેખા પાઠક દ્વારા તેમના વકીલ સુધીર ત્રિપાઠી, સુભાષ નંદન ચતુર્વેદી અને દીપક સિંહે સાથે મળીને પોતાનો પક્ષ રજૂ કર્યો હતો. જેમાં ડીએમને જ્ઞાનવાપીમાં ASI સર્વે દરમિયાન મળી આવેલા હિંદુ ધાર્મિક પ્રતીકને સુરક્ષિત અને જાળવવાના આદેશ આપવા વિનંતી કરી હતી. રાજ્ય સરકારના વિશેષ વકીલ રાજેશ મિશ્રાએ આના સમર્થનમાં પોતાની દલીલ રજૂ કરી છે. જેમાં જણાવવામાં આવ્યું છે કે, સર્વેમાં મળેલી સામગ્રીને ડીએમના સંરક્ષણમાં રાખવામાં સરકારને કોઈ વાંધો નથી.

કોર્ટનો તર્ક : હિંદુ પક્ષે વિપક્ષી અંજુમન ઈંતજામિયા મસ્જિદ સમિતિ પર સર્વે દરમિયાન અનેક પ્રસંગોએ રોકટોકનો આરોપ પણ મૂક્યો છે. જેને ડીજીસી સિવિલ મહેન્દ્ર પાંડેએ પણ સમર્થન આપ્યું છે. તેમણે કહ્યું છે કે આને તાત્કાલિક રોકવું જોઈએ. જેના પર કોર્ટે ટિપ્પણી કરી કે સર્વેનો આદેશ એએસઆઈને આપવામાં આવ્યો છે. જો ASI ને કોઈ સમસ્યાનો સામનો કરવો પડે તો તે પોતે કોર્ટમાં વાંધો ઉઠાવી શકે છે.

શું હતો મામલો ? અંજુમન ઈંતજામિયા મસ્જિદ કમિટી દ્વારા પણ હિંદુ પક્ષની દલીલનો જવાબ આપવામાં આવ્યો છે. આમાં વકીલ રઈસ અહેમદ અને એકલાક અહેમદે પણ કેસમાં પક્ષકાર તરીકે ડીએમની હાજરીને કારણે તેમના સંરક્ષણ હેઠળ સર્વે સામગ્રી આપવાનો વિરોધ કરવામાં આવ્યો છે. આ સાથે જ ફી વગર સર્વે કરવાની માંગણી અંગેની ચર્ચા પણ ગઈકાલે પૂર્ણ થઈ ગઈ છે. જેના પર કોર્ટ 26 સપ્ટેમ્બરના રોજ ચુકાદો આપશે. આ સિવાય રાખી સિંહ દ્વારા સીલ કરાયેલ વિસ્તારની તપાસ કરવાના મામલામાં કોર્ટે પ્રતિવાદીને અરજીની નકલ વાદી પક્ષ તરફથી આપવાનો આદેશ કરવામાં આવ્યા છે.