Jack Dorsey on Farmer Protest: ખેડૂત આંદાલનમાં ભારત સરકારે ટ્વિટર પર પણ દબાણ કર્યું હતું

ટ્વિટરના સહ-સ્થાપક જેક ડોર્સીના જણાવ્યા અનુસાર, ટ્વિટરને ભારત તરફથી ખેડૂતોના આંદોલન દરમિયાન સરકારની ટીકા કરનારા લોકોના એકાઉન્ટ બ્લોક કરવા માટે ઘણી વિનંતીઓ મળી હતી. ડોર્સીએ કહ્યું કે ભારત સરકારે ટ્વિટર પર દબાણ કર્યું હતું. જેમાં દેશમાં પ્લેટફોર્મ બંધ કરવાની, કર્મચારીઓના ઘરે દરોડા પાડવા અને ટ્વિટરની ઓફિસો બંધ કરવાની ધમકીઓ સામેલ છે. સંપૂર્ણ સમાચાર વાંચો...

નવી દિલ્હી:ટ્વિટરના ભૂતપૂર્વ સીઈઓ જેક ડોર્સીએ આરોપ લગાવ્યો છે કે ભારત સરકારે ખેડૂતોના વિરોધ અને કેન્દ્રની ટીકા કરનારા પત્રકારોને લઈને ટ્વિટરને ઘણી વિનંતીઓ કરી હતી. આ પછી દબાણ કર્યું અને ટ્વિટર કર્મચારીઓ પર દરોડા પાડવાની ધમકી આપી. ડોર્સીએ 12 જૂને યુટ્યુબ ચેનલ બ્રેકિંગ પોઈન્ટ્સને આપેલા ઈન્ટરવ્યુમાં આ આરોપો લગાવ્યા હતા. ઇન્ટરવ્યુ દરમિયાન, ડોર્સીને ટ્વિટરના સીઇઓ તરીકેના તેમના કાર્યકાળ દરમિયાન વિદેશી સરકારો તરફથી જે દબાણોનો સામનો કરવો પડ્યો હતો તેના વિશે પૂછવામાં આવ્યું હતું.

જેના જવાબમાં ડોર્સીએ કહ્યું કેભારત સરકારે ખેડૂતોના આંદોલન દરમિયાન અમને ઘણી વિનંતીઓ કરી હતી. ખાસ કરીને સરકારની ટીકા કરતા પત્રકારોના ખાતાઓ અંગે. તેમણે કહ્યું કે અમને સરકાર દ્વારા ધમકી પણ આપવામાં આવી હતી કે અમે ભારતમાં ટ્વિટર બંધ કરી દઈશું. અમે તમારા કર્મચારીઓના ઘરો પર દરોડા પાડીશું. તેમણે કહ્યું કે સરકાર તરફથી કહેવામાં આવ્યું છે કે જો તમે અમારી વાત નહીં માનો તો અમે ભારતમાં તમારી ઓફિસ બંધ કરી દઈશું.

ડોર્સીએ કહ્યું કે અને અમે માનીએ છીએ કે ભારત એક લોકશાહી દેશ છે. આ પછી તેણે તુર્કી સહિત અન્ય દેશો સાથે પોતાના અનુભવની તુલના કરી. તેમણે તુર્કી અને ભારતને સમાન ગણાવ્યા. ફેબ્રુઆરી 2021 માં, ખેડૂતોના આંદોલન દરમિયાન, કેન્દ્રએ ટ્વિટરને વિરોધ સાથે સંબંધિત લગભગ 1,200 એકાઉન્ટ્સ દૂર કરવા કહ્યું હતું. તે એકાઉન્ટ્સ ખાલિસ્તાન સમર્થકો અથવા પાકિસ્તાન દ્વારા સમર્થિત હોવાની શંકા હતી. ડોર્સીએ તે સમયે વિરોધને સમર્થન આપતી કેટલીક ટ્વીટ્સ 'લાઇક' કરી હતી. જેના કારણે ટ્વિટરની તટસ્થતા પર સવાલો ઉભા થયા હતા.