Surgical Strike: પૂંછ આતંકવાદી હુમલા પછી, બીજી સર્જિકલ સ્ટ્રાઈકનો પાકિસ્તાનને ડર

પુંછ આતંકી હુમલા બાદ પાકિસ્તાન વધુ એક સર્જિકલ સ્ટ્રાઈકને લઈને ચિંતિત છે. પાકિસ્તાનના પૂર્વ રાજદ્વારી અબ્દુલ બાસિતે વીડિયો જાહેર કરીને આ વાત કહી છે. તેમણે કહ્યું કે પાકિસ્તાનના શહેરોમાં સર્જિકલ સ્ટ્રાઈકની ચર્ચા થઈ રહી છે.

નવી દિલ્હીઃપૂંછમાં આતંકી હુમલા બાદ પાકિસ્તાનના પૂર્વ રાજદ્વારી અબ્દુલ બાસિતને આશંકા છે કે, ભારત પાકિસ્તાન પર બીજી સર્જિકલ સ્ટ્રાઈક કરી શકે છે. હાલમાં જ એક વીડિયો દ્વારા બાસિતે કહ્યું છે કે, હવે પાકિસ્તાનમાં લોકો ભારત દ્વારા બીજી સર્જિકલ સ્ટ્રાઈકની વાત કરી રહ્યા છે. મને નથી લાગતું કે ભારત હવે આમ કરશે, કારણ કે ભારત આ વર્ષે SCO મીટિંગ અને G20ની અધ્યક્ષતા કરી રહ્યું છે. ભારત આવતા વર્ષે ચૂંટણી દરમિયાન ફરી આવું કરી શકે છે. જણાવી દઈએ કે તારીખ 20 એપ્રિલના રોજ રાજૌરી સેક્ટરમાં આતંકી હુમલામાં સેનાના પાંચ જવાનો શહીદ થયા હતા.

ઠેરવવાનો પ્રયાસ: અબ્દુલ બાસિતે પૂંછ આતંકી હુમલાને યોગ્ય ઠેરવવાનો પણ પ્રયાસ કર્યો હતો. તેમણે કહ્યું કે આ હુમલો મુજાહિદ્દીન દ્વારા કરવામાં આવ્યો હોય કે અન્ય કોઈએ, તેઓએ નાગરિકોને નહીં પરંતુ સેનાને નિશાન બનાવ્યા છે. જો તમે કોઈ આંદોલન કરી રહ્યા છો, તો તમે સેનાને નિશાન બનાવી રહ્યા છો, નાગરિકોને નહીં. આંતરરાષ્ટ્રીય કાયદો પણ આને મંજૂરી આપે છે. પૂર્વ પાકિસ્તાની રાજદ્વારીએ એમ પણ કહ્યું કે ભારત જાણે છે કે આપણે ક્યાં ઉભા છીએ. પૂર્વ પાકિસ્તાની રાજદ્વારી અબ્દુલ બાસિતનો આ વીડિયો પૂંછ આતંકી હુમલાના થોડા દિવસો બાદ સામે આવ્યો છે.

આતંકવાદીઓની હાજરી વિશે ઇનપુટ:તમને જણાવી દઈએ કે તારીખ 20 એપ્રિલના રોજ રાજૌરી સેક્ટરમાં અજાણ્યા આતંકવાદીઓ દ્વારા સેનાના એક વાહન પર ગ્રેનેડથી હુમલો કરવામાં આવ્યો હતો. આ હુમલામાં પાંચ જવાન શહીદ થયા હતા. સૂત્રોના જણાવ્યા અનુસાર આતંકીઓ લશ્કર-એ-તૈયબા (LeT)ના હોવાની આશંકા છે. હુમલા બાદ સેનાએ શુક્રવારે લગભગ છથી સાત આતંકીઓના જૂથને શોધી કાઢવા માટે મોટાપાયે ઓપરેશન શરૂ કર્યું હતું. સંરક્ષણ સૂત્રોએ એએનઆઈને તે સમયે જણાવ્યું હતું કે સેના અને સુરક્ષા એજન્સીઓને તે વિસ્તારની નજીકના રાજૌરી-પૂંઠ સેક્ટરમાં બે જૂથોમાં કાર્યરત 6-7 આતંકવાદીઓની હાજરી વિશે ઇનપુટ મળ્યા છે.

ઉરીમાં હુમલો:હુમલામાં 18 જવાનો શહીદ થયા જમ્મુ-કાશ્મીરના ઉરી સેક્ટરમાં અંકુશ રેખા પાસે ભારતીય સેનાના સ્થાનિક મુખ્યાલય પર આતંકવાદી હુમલામાં 18 જવાનો શહીદ થયા હતા. તેને ભારતીય સેના પરના સૌથી મોટા હુમલાઓમાંનો એક માનવામાં આવે છે. 18 સપ્ટેમ્બર 2016ના રોજ થયેલા ઉરી હુમલામાં સરહદ પાર બેઠેલા આતંકવાદીઓનો હાથ હોવાનું જણાવાયું હતું. આ હુમલાનો બદલો લેવા માટે ભારતે 29 સપ્ટેમ્બરે પાકિસ્તાન પર સર્જિકલસ્ટ્રાઈક કરી હતી.