હોટલમાં લાગી આગ, ચારનાં મોત પર હોટલ માલિકની ધરપકડ

ઉત્તર પ્રદેશની રાજધાની લખનઉની એક હોટલમાં આગ લાગી હતી. શહેરની મધ્યમાં એટલે કે હઝરતગંજમાં આવેલી હોટેલ લેવાનામાં સોમવારે સવારે આગ લાગી હતી. આગ લાગી ત્યારે હોટલની અંદર ઘણા મહેમાનો હાજર હતા, તેમને બહાર કાઢવામાં આવી રહ્યા છે. ફાયર બ્રિગેડ અને વહીવટીતંત્રના ઉચ્ચ અધિકારીઓ ઘટના સ્થળે પહોંચી ગયા છે. અત્યાર સુધીમાં ચાર લોકોના મોત થયા છે. આ ઘટનાની તપાસ અગ્ર સચિવ ગૃહ, અગ્ર સચિવ મેડિકલ અને અન્ય વરિષ્ઠ અધિકારીઓની ઉચ્ચ સ્તરીય સમિતિ દ્વારા કરવામાં આવશે. fire broke out levana hotel

લખનઉ :રાજધાની લખનઉની હોટલ લેવાનામાં સોમવારે સવારે ભીષણ આગ લાગી (fire broke out levana hotel) હતી. આ અકસ્માતમાં અત્યાર સુધીમાં 4 લોકોના મોત થયા છે. તે જ સમયે, સિવિલ હોસ્પિટલના બર્ન યુનિટમાં 9 ઈજાગ્રસ્ત લોકોની સારવાર ચાલી રહી છે. હોટલની અંદર ઘણા લોકો ફસાયા હોવાની આશંકા છે. હોટલમાં લાગેલી આગથી વિસ્તારમાં ચકચાર મચી ગઈ હતી. લખનઉના ખુર્રમ નગરના રહેવાસી બોબી ઉર્ફે અમન ગાઝી અને ચિયાના મૃતદેહ હોટલના રૂમમાંથી મળી આવ્યા હતા. અગાઉ ગુરનૂર આનંદ અને લખનઉના સાહિબા કૌરની ઓળખ મૃતકોમાં થઈ હતી. fire in hotel levana

20થી વધુ લોકો ફસાયા :જેસીપી લો એન્ડ ઓર્ડર પિયુષ મોરડિયાએ જણાવ્યું કે, આ હોટલના બે માલિકો રોહિત અને રાહુલની સાથે હોટલના જીએમ સાગર શ્રીવાસ્તવની પૂછપરછ માટે અટકાયત કરવામાં આવી છે. યોગ્ય કલમો હેઠળ કેસ નોંધવામાં આવ્યો છે. તેમણે જણાવ્યું કે, પોલીસ દ્વારા FIR દાખલ કરવામાં આવી રહી છે. આ હોટલ શહેરના VIP વિસ્તાર હઝરતગંજમાં આવેલી છે. હોટલની બહાર એક પ્રત્યક્ષદર્શીએ જણાવ્યું કે, હજુ પણ 20થી વધુ લોકો અંદર ફસાયા હોવાની આશંકા છે. ફાયર બ્રિગેડની 15-20 ગાડીઓ ઘટનાસ્થળે આગ ઓલવવામાં લાગેલી છે. આગ કેવી રીતે લાગી તે હજુ સુધી જાણી શકાયું નથી.

ફાયર બ્રિગેડની ટીમ ઘટના સ્થળે :જણાવવામાં આવી રહ્યું છે કે, અકસ્માતની માહિતી મળતાની સાથે જ વરિષ્ઠ પોલીસ અને જિલ્લા અધિકારીઓ ઘટના સ્થળે પહોંચી ગયા હતા. ફાયર બ્રિગેડની ટીમો આગ પર કાબૂ મેળવવા પ્રયાસ કરી રહી છે. આગ લાગવાનું કારણ હજુ સુધી જાણી શકાયું નથી. પ્રાથમિક તબક્કે આગ લાગવાનું કારણ શોર્ટ સર્કિટ જણાવવામાં આવી રહ્યું છે. આ મામલે વધુ તપાસ ચાલુ છે. જણાવવામાં આવી રહ્યું છે કે, હોટલના સ્ટાફે તરત જ આ અંગે ફાયર વિભાગને જાણ કરી હતી. હાલ આગ લાગવાનું કારણ જાણવામાં આવી રહ્યું છે. આગ આટલી બધી કેમ લાગી તે અંગે તપાસ ચાલી રહી છે. તપાસ બાદ જ મામલાની તસવીર સ્પષ્ટ થશે.