શોપિયાંમાં એન્કાઉન્ટરમાં એક આતંકીનો ઠાર, ઓપરેશન હજુ ચાલુ

જમ્મુ-કાશ્મીરના શોપિયાના બસકુચન વિસ્તારમાં એન્કાઉન્ટર (Encounter In Shopian) શરૂ થયું છે. પોલીસ અને સુરક્ષા દળો આતંકવાદીઓને વળતો જવાબ આપી રહ્યા છે. ઓપરેશન હજૂ પણ ચાલું છે.

જમ્મુ કાશ્મીર :જમ્મુ કાશ્મીરના શોપિયાના બાસ્કુચાન વિસ્તારમાં આજે સવારથી આતંકવાદીઓ અને સુરક્ષાદળો વચ્ચે એન્કાઉન્ટર (Encounter In Shopian) ચાલી રહ્યું છે. સુરક્ષા દળોએ જણાવ્યું હતું કે, આ કાર્યવાહીમાં એક આતંકવાદી માર્યો ગયો છે અને સર્ચ ઓપરેશન હજુ પણ ચાલુ છે. ગત ગુરુવારે પણ જમ્મુ કાશ્મીરના શોપિયાના સૈયદપુરા વિસ્તારમાં આતંકવાદીઓની હાજરી હોવાની માહિતી મળ્યા બાદ સુરક્ષા દળોએ સર્ચ ઓપરેશન (Security forces launched search operation) શરૂ કર્યું હતું.

સર્ચ ઓપરેશન હાથ ધરવામાં આવ્યું :આ દરમિયાન, સુરક્ષા દળોએ દક્ષિણ કાશ્મીરના શોપિયન જિલ્લાના સૈયદપુરા પુરા વિસ્તારને કોર્ડન કરવાની સાથે ઘર ઘર સર્ચ ઓપરેશન શરૂ કર્યું હતું. 44 રાષ્ટ્રીય રાઈફલ્સ CRPF બટાલિયન અને જમ્મુ-કાશ્મીર પોલીસની 14 બટાલિયન દ્વારા સંયુક્ત રીતે સર્ચ ઓપરેશન હાથ ધરવામાં આવ્યું હતું. સુરક્ષા દળોએ વિસ્તારના પ્રવેશ અને બહાર નીકળવાના માર્ગો પર ચુસ્ત ચાંપતી નજર રાખી હતી. આ સાથે જ ગામમાં લાઇટો ગોઠવીને સર્ચ ઓપરેશન (Security forces launched search operation) હાથ ધરવામાં આવ્યું હતું.