મુંબઈ:મહારાષ્ટ્રમાં ચાલી રહેલા રાજકીય સંકટ વચ્ચે શિવસેનાના બળવાખોર નેતા એકનાથ (Eknath Shinde talk Raj Thackeray) શિંદેએ MNS પ્રમુખ રાજ ઠાકરે સાથે રાજ્યની વર્તમાન રાજકીય પરિસ્થિતિ અંગે ચર્ચા કરી. સોમવારે, MNS નેતાએ આ (raj thackeray on maharashtra political crisis) ચર્ચાની પુષ્ટિ કરી. MNS નેતાએ વધુમાં કહ્યું કે, શિંદેએ રાજ ઠાકરે સાથે બે વાર ફોન પર વાત કરી અને તેમના સ્વાસ્થ્ય વિશે (maharashtra political crisis) પણ પૂછપરછ કરી. MNSના એક નેતાએ પુષ્ટિ આપી, "શિવસેનાના બળવાખોર ધારાસભ્ય એકનાથ શિંદે MNS પ્રમુખ રાજ ઠાકરે સાથે બે વાર ફોન પર વાત કરી હતી. શિંદેએ મહારાષ્ટ્રની તાજેતરની રાજકીય પરિસ્થિતિ પર પણ ઠાકરે સાથે વાત કરી હતી અને તેમના સ્વાસ્થ્ય વિશે પૂછપરછ કરી હતી."
આ પણ વાંચો:સંજય રાઉતના વિવાદાસ્પદ નિવેદન પર એકનાથ શિંદેએ આપી પ્રતિક્રિયા
સમર્થન આપવા બદલ પાર્ટીની ટીકા: અગાઉ રવિવારે, શિંદે, જે હાલમાં અન્ય ધારાસભ્યો સાથે ગુવાહાટીમાં છે, તેણે મુંબઈ બોમ્બ ધડાકાના દોષિતો, દાઉદ ઈબ્રાહિમ અને નિર્દોષ લોકોના જીવ લેવા માટે જવાબદાર લોકોને કથિત રીતે સમર્થન આપવા બદલ પાર્ટીની ટીકા કરી હતી. બળવાખોર ધારાસભ્યએ ટ્વિટર પર કહ્યું કે, તેણે આવા નિર્ણયને અનુસરવા કરતાં મરી જવું વધુ સારું માન્યું. શિંદેએ કહ્યું, "બાળાસાહેબ ઠાકરેની શિવસેના એ લોકોનું સમર્થન કેવી રીતે કરી શકે કે, જેમનો મુંબઈ બોમ્બ ધડાકાના ગુનેગારો, દાઉદ ઈબ્રાહિમ અને મુંબઈના નિર્દોષ લોકોની હત્યા માટે જવાબદાર લોકો સાથે સીધો સંબંધ હતો. તેથી જ અમે આવું પગલું ભર્યું."
પોસ્ટમોર્ટમ માટે વિધાનસભામાં મોકલવામાં આવશે: તેમણે વધુમાં કહ્યું કે, બળવાખોર ધારાસભ્યો હિંદુત્વની વિચારધારાને અનુસરવા માટે મૃત્યુ પામ્યા પછી પણ તેને પોતાનું ભાગ્ય ગણશે. તેમણે કહ્યું કે, હિંદુત્વની વિચારધારાને અનુસરવા માટે ભલે આપણે મરવું પડે, પરંતુ અમે તેને આપણું ભાગ્ય ગણીશું. પાર્ટીના કાર્યકરોને સંબોધતા શિવસેનાના સાંસદ સંજય રાઉતે બળવાખોર ધારાસભ્યોને "જીવંત લાશો" કહ્યા અને કહ્યું કે, તેમની "આત્માઓ મરી ગઈ છે". જ્યારે તેમના મૃતદેહ પાછા આવશે, ત્યારે તેમને પોસ્ટમોર્ટમ માટે સીધા જ વિધાનસભામાં મોકલવામાં આવશે. તેઓ જાણે છે કે, અહીં લાગેલી આગમાં શું થઈ શકે છે. આ બાદ તરત જ શિંદેની ટિપ્પણી આવી.
ફ્લોર ટેસ્ટનો સામનો કરવા તૈયાર: જોકે શિવસેનાના નેતા આદિત્ય ઠાકરેએ દાવો કર્યો હતો કે, 20 મેના રોજ સીએમ ઉદ્ધવ ઠાકરેએ એકનાથ શિંદેને સીએમ બનવા માટે કહ્યું હતું, પરંતુ તે સમયે તેમણે ડ્રામા કર્યો હતો અને હવે બરાબર એક મહિના પછી તેમણે બળવો કર્યો હતો. ખાસ કરીને પૂર્વ પ્રધાન અને શિવસેનાના ધારાસભ્ય દીપક કેસરકર જે હવે એકનાથ શિંદે કેમ્પમાં છે. કેસરકરે કહ્યું કે, શિંદે જૂથના ધારાસભ્યો કોઈપણ સમયે મહારાષ્ટ્ર વિધાનસભામાં ફ્લોર ટેસ્ટનો સામનો કરવા તૈયાર છે, પરંતુ તે પહેલાં એકનાથ શિંદે જૂથને માન્યતા આપવી જોઈએ. રસપ્રદ વાત એ છે કે, શિંદે જૂથે તેના જૂથનું નામ 'શિવસેના બાળાસાહેબ' રાખ્યું છે.
આ પણ વાંચો:મહારાષ્ટ્રમાં રાજકીય સંકટમાં વધુ એક વધારો, શિવસેનાના સાંસદ સંજય રાઉતને EDનું તેડૂં
ગેરલાયકાતની નોટિસ સામે સુપ્રીમ કોર્ટનો સંપર્ક: શિવસેનાના સ્થાપક બાળાસાહેબ ઠાકરેના નામ પરથી જૂથનું નામકરણ ઉદ્ધવ જૂથમાંથી તીવ્ર પ્રતિક્રિયાઓ આકર્ષિત કરે છે કારણ કે, મુખ્ય પ્રધાને કહ્યું હતું કે, જેઓએ પક્ષ છોડી દીધો છે તેઓએ પક્ષના સ્થાપકના નામ પર મત માંગવો જોઈએ નહીં. દરમિયાન શિંદેએ બળવાખોર ધારાસભ્યો સામે ડેપ્યુટી સ્પીકર દ્વારા જાહેર કરવામાં આવેલી ગેરલાયકાતની નોટિસ સામે સુપ્રીમ કોર્ટનો સંપર્ક કર્યો છે. અરજીમાં શિંદેના સ્થાને ગૃહમાં શિવસેનાના ધારાસભ્ય નેતા તરીકે અજય ચૌધરીની નિમણૂકને પણ પડકારવામાં આવી છે.
