દેશભરમાં શુક્રવારે ઉજવવામાં આવશે ઇદ, આજે અંતિમ રોઝા છે

દિલ્હીની જામા મસ્જિદના શાહી ઇમામદ સૈયદ અહમદ બુખારીએ જાહેરાત કરી છે કે, ચંદ્ર જોવા મળ્યો નથી, તેથી હવે ઇદ-ઉલ-ફિત્ર 14 મે 2021ના ​​રોજ દેશભરમાં ઉજવાશે. શુક્રવારે ભારતમાં ઈદનો તહેવાર ઉજવવામાં આવશે. ઈદનો ચંદ્ર બુધવારે જોવા મળ્યો ન હતો, તેથી આજે રમઝાનનો છેલ્લો રોઝા છે. તે જ સમયે, મુસ્લિમ ધાર્મિક નેતાઓ અને સંગઠનોએ લોકોને અપીલ કરી છે કે, તેઓ કોરોનાને ધ્યાનમાં રાખીને ઈદની નમાઝ તેમના ઘરોમાં જ અદા કરે.

• બુધવારે દિલ્હી સહિત દેશના કોઈ ભાગમાં ઇદનો ચંદ્ર જોવા મળ્યો નથી
• શુક્રવારે ઈદ-ઉલ-ફિત્રનો તહેવાર ઉજવવામાં આવશે
• આજે રમઝાન મહિનાનો 30મો અને છેલ્લો રોઝા છે

ન્યુ દિલ્હી: બુધવારે દિલ્હી સહિત દેશના કોઈ ભાગમાં ઇદનો ચંદ્ર જોવા મળ્યો નથી, તેથી શુક્રવારે ઈદ-ઉલ-ફિત્રનો તહેવાર ઉજવવામાં આવશે. આજે રમઝાન મહિનાનો 30મો અને છેલ્લો રોઝા છે. ફતેહપુરી મસ્જિદના શાહી ઇમામ મૌલાના મુફ્તી મુકરમે જણાવ્યું કે, ઈદનો ચંદ્ર દિલ્હી સહિત દેશના કોઈ પણ ભાગમાં જોવા મળ્યો નથી, તેથી શુક્રવારે ઈદની ઉજવણી કરવામાં આવશે. તેમણે કહ્યું કે, શવ્વાલની પ્રથમ તારીખ (ઇસ્લામિક કેલેન્ડરનો 10 મો મહિનો) શુક્રવારે હશે. ઈદ શવ્વાલ મહિનાના પહેલા દિવસે થાય છે.

આ પણ વાંચોઃવડોદરામાં ઇદ પર મુસ્લિમ સમાજના લોકોએ ઘરમાં જ રહી નમાઝ અદા કરી

12 મેના રોજ ઈદનો ચંદ્ર જોવા મળ્યો ન હતો

તે જ સમયે, જામા મસ્જિદના શાહી ઇમામ સૈયદ અહમદ બુખારીએ એક વીડિયો જાહેર કરતાં કહ્યું કે, ક્યાંયથી ચંદ્ર દેખાવાના સમાચાર મળ્યા નથી. તેમણે કહ્યું, '12 મેના રોજ ઈદનો ચંદ્ર જોવા મળ્યો ન હતો. ઉત્તર પ્રદેશ, આસામ, બંગાળ, મધ્યપ્રદેશ, મહારાષ્ટ્ર, ગુજરાત અને રાજસ્થાનથી કોઈ ચંદ્ર દર્શન થયાના અહેવાલ પ્રાપ્ત થયા નથી. બુખારીએ કહ્યું કે, 'ઇદ 14 મીમે શુક્રવારે હશે અને હું તમને ઈદ મુબારક રજૂ કરું છું.

14 મેના રોજ ઇદ થશે

બીજી તરફ, મુસ્લિમ સંગઠન ભવન એ શરિયાએ પણ ઘોષણા કરી છે કે, બુધવારે દિલ્હી અને દેશના કોઈપણ ભાગથી ચંદ્ર નિહાળવાના કોઈ સમાચાર મળ્યા નથી અને 14 મેના રોજ ઇદ થશે.

લોકોને ઘરે નમાઝ પઢવા અપીલ કરાઇ

અગાઉ, જામા મસ્જિદના શાહી ઇમામ સૈયદ અહમદ બુખારી અને ફતેહપુરી મસ્જિદ, ચાંદની ચોકના શાહી ઇમામ મુફ્તિ મુકરમ અહમદે કોવિડ-19નો સ્થિતિને જોતા ઇદની નમાઝ ઘરે જ અદા કરવાની અપીલ કરી હતી. બુખારીએ કહ્યું હતું કે, પરિસ્થિતિની અતિશયોક્તિને ધ્યાનમાં રાખીને મારી અપીલ છે કે, તમારા ઘરમાં ઈદ નમાઝ અદા કરવામાં આવે તો વધુ સારું.

ઈદના દિવસે પણ મસ્જિદ તરફ ન આવવાને બદલે ઘરોમાં નમાઝ વાંચે

મુફ્તી મુકરમે કહ્યું હતું કે, ગયા વર્ષે અમે રમઝાનમાં ઘરોમાં રહીને પ્રાર્થના કરી. ઘરોમાં ઇદની નમાઝ અદા કરી હતી. રોગનો ભય હજી પણ છે અને સંક્રમણ ખૂબ વધારે છે. તેથી, હું તમામ લોકોને અપીલ કરીશ કે, ઈદના દિવસે પણ મસ્જિદ તરફ ન આવવાને બદલે ઘરોમાં નમાઝ અદા કરે. શરિયામાં તેની પરવાનગી અસ્તિત્વમાં છે.

આ પણ વાંચોઃવડોદરામાં ઇદ એ મિલાદ પર્વ નિમિતે મુસ્લિમ સમાજના અગ્રણીઓ સાથે શાંતિ સમિતિની બેઠક મળી

મોટી સંખ્યામાં એકઠા ન થશો અને સારું એજ રહેશે કે ઘરોમાં નમાઝ અદા કરવામાં આવે

મુસ્લિમ સંગઠન જમીયત ઉલામા-એ-હિન્દના અધ્યક્ષ મૌલાના અરશદ મદનીએ પણ કહ્યું હતું કે, હું કોરોનાને લગતા તમામ પ્રોટોકોલો અને માર્ગદર્શિકા અનુસાર ઇદની નમાઝ અદા કરવા તમામને અપીલ કરું છું. મોટી સંખ્યામાં એકઠા ન થશો અને સારું એજ રહેશે કે ઘરોમાં નમાઝ અદા કરવામાં આવે.