નવી દિલ્હી: એન્ફોર્સમેન્ટ ડિરેક્ટોરેટ (ED)એ વિદેશી ભંડોળમાં અનિયમિતતા માટે ફોરેન એક્સચેન્જ મેનેજમેન્ટ એક્ટ (FEMA) હેઠળ BBC India સામે કેસ નોંધ્યો છે. બીબીસી ઈન્ડિયા દ્વારા વિદેશી ભંડોળની અનિયમિતતા, ભંડોળના ડાયવર્ઝન અને ફોરેન એક્સચેન્જ મેનેજમેન્ટ એક્ટ, 1999 (ફેમા) હેઠળ નિયમોના ઉલ્લંઘનની તપાસ કરવા માટે આ કાર્યવાહી કરવામાં આવી હતી. આ પગલું એવા સમયે લેવામાં આવ્યું છે, જ્યારે આવકવેરા વિભાગે ફેબ્રુઆરીમાં નવી દિલ્હી અને મુંબઈમાં બ્રિટિશ બ્રોડકાસ્ટરની ઓફિસમાં સર્વે હાથ ધર્યો હતો.
આ પણ વાંચોઃUmesh pal murder case: અતીકના પુત્ર અસદનું એન્કાઉન્ટર, શૂટર ગુલામ પણ માર્યો ગયો
ભારત સરકારની આકરી ટીકાઃ આવકવેરા વિભાગની વહીવટી સંસ્થા સેન્ટ્રલ બોર્ડ ઓફ ડાયરેક્ટ ટેક્સિસ (સીબીડીટી) એ તે સમયે કહ્યું હતું કે, મીડિયા જૂથ BBCની ભારતમાં કાર્યરત વિવિધ સંસ્થાઓ દ્વારા દર્શાવવામાં આવેલી આવક અને નફાના આંકડા ભારતમાં તેમની કામગીરી સાથે સુસંગત નથી અને તે તેના વિદેશી એકમોને વિદેશમાં મોકલવામાં આવેલી કેટલીક રકમ પર ટેક્સ ચૂકવવામાં આવ્યો નથી. BBC એ ભારતીય સુરક્ષા એજન્સીઓના રડાર હેઠળ આવી જ્યારે તેણે વિવાદાસ્પદ દસ્તાવેજી 'ઈન્ડિયાઃ ધ મોદી ક્વેશ્ચન' પ્રકાશિત કરી, જેમાં ભારત સરકારની આકરી ટીકા કરવામાં આવી હતી અને તેના પર દેશની છબી ખરાબ કરવાનો આરોપ મૂકવામાં આવ્યો હતો.
આ પણ વાંચોઃNCP સાથે અજિત પવારનું ભવિષ્ય ઉજ્જવળ છે, ભાજપમાં નહીં જોડાયઃ સંજય રાઉત
યુટ્યુબને બ્લોક કરવાનો નિર્દેશઃ આવકવેરા વિભાગના સર્વે બાદ ઇડીએ અગાઉ બીબીસીને સમન્સ મોકલીને આ મામલે તપાસની માંગણી કરી હતી. બીબીસીના વહીવટી અને સંપાદકીય વિભાગના એક અધિકારીની અહીં EDના મુખ્યાલયમાં પૂછપરછ કરવામાં આવી રહી છે. તમને જણાવી દઈએ કે, જાન્યુઆરીમાં સરકારે ડોક્યુમેન્ટ્રીની લિંક વીડિયો અને ટ્વિટર પોસ્ટ દ્વારા શેર કર્યા બાદ તરત જ સોશિયલ મીડિયા પ્લેટફોર્મ યુટ્યુબને બ્લોક કરવાનો નિર્દેશ આપ્યો હતો. 2002ના ગુજરાત રમખાણોમાં વડા પ્રધાન નરેન્દ્ર મોદીની ભૂમિકા પર સવાલ ઉઠાવતી આ દસ્તાવેજી ફિલ્મની ભારત સરકાર અને દેશની જનતાના કેટલાક વર્ગો દ્વારા વ્યાપક ટીકા કરવામાં આવી હતી. BBC ને નકલી સમાચાર અને પ્રચાર ફેલાવવાના આરોપોનો સામનો કરવો પડ્યો, અને ભારત સરકારે પ્રસારણકર્તા પર દેશને અસ્થિર કરવાનો પ્રયાસ કરવાનો આરોપ મૂક્યો.
