જમ્મુ-કાશ્મીરમાં દરેક પંચાયતને 50 લાખની જગ્યાએ હવે 1 કરોડ રૂપિયા મળશે

જમ્મુ-કાશ્મીરમાં પંચાયતોને મળતી ધનરાશિમાં વધારો કરાયો છે. આ વર્ષથી હવે જમ્મુ-કાશ્મીરમાં પંચાયતોને 1-1 કરોડ રૂપિયાની ધનરાશિ આપવામાં આવશે. આ પહેલા દરેક પંચાયતને 50 લાખ રૂપિયા આપવામાં આવતા હતા. જમ્મુ-કાશ્મીરના ઉપરાજ્યપાલ મનોજ સિન્હાએ કહ્યું હતું કે, ત્રિસ્તરીય પંચાયતી રાજના દરેક સ્તર પર સરકાર ધ્યાન આપી રહી છે.

• જિલ્લા વિકાસ પરિષદોને 10-10 કરોડ રૂપિયા અપાશે
• DDC અધ્યક્ષને પણ સરકાર તરફથી મળશે રૂપિયા 25-25 લાખ
• જમ્મુના કન્વેન્શન સેન્ટરમાં ઉપરાજ્યપાલ મનોજ સિન્હાએ આપી માહિતી

આ પણ વાંચોઃસિંધુ જળ સમજૂતી અંગે ભારત અને પાકિસ્તાનની બેઠક પૂર્ણ, પાકિસ્તાન કેમ ભડક્યું? જુઓ

જમ્મુ-કાશ્મીરઃ જિલ્લા વિકાસ પરિસદો (DDC)ને 10-10 કરોડ રૂપિયા આપવામાં આવશે. આ રીતે DDC અધ્યક્ષને પણ સરકાર તરફથી 25-25 લાખ રૂપિયા વિકાસ નિધિ આપવામાં આવશે. આ જોગવાઈ પંચાયતી રાજ વ્યવસ્થાને મજબૂત કરવા માટે છે.

આ પણ વાંચોઃસિંધુ જળ કરાર: ભારત અને પાકિસ્તાનના સંબંધોમાં અગત્યનો મુદ્દો

ગયા વર્ષની સરખામણીએ આ વર્ષે જમ્મુ-કાશ્મીરના બજેટમાં વધારો

જમ્મુના કન્વેન્શન સેન્ટરમાં વાતચીત કરતા મનોજ સિન્હાએ કહ્યું કે, જમ્મુ-કાશ્મીરને ગયા નાણાકીય વર્ષના 1.01 લાખ કરોડ રૂપિયાની તુલનામાં આ વર્ષે 1.08 લાખ કરોડ બજેટ મળ્યું છે. આ માટે તેઓ વડાપ્રધાન નરેન્દ્ર મોદી અને નાણાંપ્રધાનના આભારી છે. તેમણે વધુમાં ઉમેર્યું કે, ગ્રામીણ વિકાસ, શિક્ષા, પીવાના પાણી, આવાસ અને શહેરી વિકાસ જેવા ક્ષેત્રોના બજેટમાં પણ વૃદ્ધિ કરવામાં આવી છે.