ધનબાદઃ ધનબાદ રેલવે ડિવિઝનના પ્રધાનખંટા સ્ટેશન નજીક છતાકુલી ગામ પાસે અંડરપાસ તૂટી પડવાને (Railway Underpass In Dhanbad Collapsed) કારણે કાટમાળ નીચે દબાઈને 4 મજૂરોના મોત (Death Of 4 Laborers In Dhanbad) થયા છે. તે જ સમયે, બે મજૂરો ઈજાગ્રસેત થયા હોવાનું કહેવાય છે. ઘટનાની માહિતી મળતાં જ ડીઆરએમ આશિષ બંસલ, આસિસ્ટન્ટ કમાન્ડન્ટ આરપીએફ અને જીઆરપીના વરિષ્ઠ અધિકારીઓ ટીમ ફોર્સ સાથે ઘટનાસ્થળે પહોંચી ગયા છે અને સ્થિતિને સામાન્ય બનાવવામાં વ્યસ્ત છે.
આ પણ વાંચો:રાષ્ટ્રપતિ ગોટાબાયા રાજીનામાની સત્તાવાર જાહેરાત પહેલા દેશ છોડીને પહોંચ્યા માલદીવ
કેવી રીતે સર્જાયો અકસ્માત : ગ્રામજનોના જણાવ્યા મુજબ રાત્રે અંડરપાસ બનાવવાનું કામ ચાલી રહ્યું હતું. દરમિયાન રેલવે લાઇન પરથી એક માલગાડી પસાર થઇ હતી. જે બાદ અચાનક માટી ધસી પડી હતી. ગ્રામજનોએ જણાવ્યું હતું કે, મજૂરો રેલવે લાઇનની નીચે 10 ફૂટ નીચે કામ કરી રહ્યા હતા. અંડરપાસ તૂટી પડતાં 6 મજૂરો કાટમાળ નીચે દટાયા હતા. ઘટના બાદ ગ્રામજનોની મદદથી 2 મજૂરોને બહાર કાઢવામાં આવ્યા હતા, પરંતુ 4 હજુ પણ માટીમાં દટાયેલા છે. આ 4 મજૂરોના મોત થયા છે. મૃત્યુની પુષ્ટિ થતાં જ ગામલોકો ગુસ્સે થઈ ગયા અને વળતરની માગ કરવા લાગ્યા.
આ પણ વાંચો:હાઈકોર્ટ અગ્નિપથ યોજનાને પડકારતી તમામ અરજીઓની સુનાવણી 20 જુલાઈએ કરશે
રાહત અને બચાવ કાર્ય શરૂ : દુર્ઘટના બાદ ડીઆરએમની સૂચના પર રેસ્ક્યુ ટીમ તાત્કાલિક ઘટનાસ્થળે પહોંચી અને બચાવ કાર્ય શરૂ કર્યું. વરિષ્ઠ ડીસીએમ અખિલેશ પાંડેએ કહ્યું કે, આ ઘટનાનું કારણ હજુ જાણી શકાયું નથી. તપાસ ટીમની રચના કરવામાં આવી હતી, જે આ મામલાની તપાસ કરશે અને દોષિતો સામે કાર્યવાહી કરવામાં આવશે.
