- ડૉ. અનિલકુમાર મિશ્રાએ સમગ્ર દેશનું નામ રોશન કર્યું
- કોરોનાની સારવારમાં ઉપયોગી દવાની શોધમાં ખૂબ મહત્વની ભૂમિકા
- અનિલ મિશ્રાના દાવા મુજબ કોરોના સંક્રમિત બાળકોને પણ 2-ડીજી દવા આપી શકાય
બલિયા(ઉત્તરપ્રદેશ) : જિલ્લાના લાલ ડૉ. અનિલકુમાર મિશ્રાએ જિલ્લા સાથે સમગ્ર દેશ અને રાજ્યનું નામ રોશન કર્યું છે. બલિયા જિલ્લાના રહેવાસી ડૉ. અનિલકુમાર મિશ્રા ભારતીય સંરક્ષણ સંશોધન સંસ્થા એટલે કે DRDના વરિષ્ઠ વૈજ્ઞાનિક છે અને તેમણે કોરોનાના દર્દીઓની સારવાર માટે બનાવેલી 2-ડિઓક્સી-ડી-ગ્લુકોઝ (2-ડીજી) દવાની શોધમાં ખૂબ મહત્વની ભૂમિકા ભજવી હતી.
DRDOના વરિષ્ઠ વૈજ્ઞાનિક ડૉ. અનિલકુમાર મિશ્રાએ દવા બનાવવા માટે મહત્વની ભૂમિકા ભજવી
કોરોના વાયરસની સારવાર માટેની 2-ડિઓક્સી-ડી-ગ્લુકોઝ (2-ડીજી) દવા હાલમાં દેશભરમાં ચર્ચામાં છે. ક્લીનિકલ ટ્રાયલ રિપોર્ટ્સ અનુસાર, આ દવા હોસ્પિટલમાં કોરોના દર્દીઓમાં ઝડપથી સુધારો લાવવામાં ઘણી મદદરૂપ છે. આ સિવાય તે દર્દીઓના વધારાના ઓક્સિજન પરની નિર્ભરતા પણ ઘટાડે છે. DRDOના વરિષ્ઠ વૈજ્ઞાનિક ડૉ. અનિલકુમાર મિશ્રાએ આ દવા બનાવવા માટે મહત્વની ભૂમિકા નિભાવી છે. ડૉ. અનિલ મિશ્રાના દાવા મુજબ કોરોના સંક્રમિત બાળકોને પણ 2-ડીજી દવા આપી શકાય છે. બાળકો પણ આ દવાથી જલ્દીથી સ્વસ્થ થઈ જાય છે. DCGIએ ક્લિનિકલ ટ્રાયલ પછી DRDOની એન્ટિ કોવિડ દવાના કટોકટી ઉપયોગને મંજૂરી આપી દીધી છે. DRDOએ આ દવા ડૉ. રેડ્ડીજ લેબોરેટરીઝના સહયોગથી આ દવા તૈયાર કરી છે.
આ પણ વાંચો : પંતજલિની કોરોનાની દવાના વિજ્ઞાપન પર આયુષ મંત્રાલયની રોક, રામદેવે કહ્યું- કોમ્યુનિકેશન ગેપ હતો
વર્ષ 1984માં ગોરખપુર યુનિવર્સિટીમાંથી MSC કર્યું
કોરોના દર્દીઓ માટે આ પ્રકારની ગેમ ચેન્જર દવા બનાવનાર ડૉ. અનિલ મિશ્રાનો જન્મ ઉત્તર પ્રદેશના બલિયા જિલ્લામાં થયો હતો. તેમણે વર્ષ 1984માં ગોરખપુર યુનિવર્સિટીમાંથી MSC અને 1988માં બનારસ હિન્દુ યુનિવર્સિટી (BHU)ના કેમિસ્ટ્રી વિભાગમાંથી PHD કરી. આ પછી તે ફ્રાન્સની બર્ગોર્ગે યુનિવર્સિટીમાં પ્રોફેસર રોજર ગિલાર્ડ સાથે ત્રણ વર્ષ માટે પોસ્ટડોક્ટોરલ ફેલો રહ્યા. આ પછી તેમણે યુનિવર્સિટી ઓફ કેલિફોર્નિયામાં પ્રોફેસર C.F. મેયર્સ સાથે પોસ્ટડોક્ટોરલ ફેલો પણ હતો. ડૉ. એ.કે. મિશ્રા 1994થી 1997 દરમિયાન ફ્રાન્સના INSERM, પ્રોફેસર ચટલ સાથે સંશોધન વૈજ્ઞાનિક પણ હતા. ડૉ. અનિલ મિશ્રા વારંવાર બલિયાના સિકંદરપુર વિસ્તારમાં તેમના ગામ મિસ્રીચકની મુલાકાત લે છે. તેઓનો જન્મ આ ગામમાં સ્વર્ગસ્થ વિજય શંકર મિશ્રા અને સુશીલા મિશ્રામાં થયો હતો.
આ પણ વાંચો : પાટણની સંસ્થા કોરોનાના દર્દીઓને પહોંચાડી રહી છે ઓક્સિજન સિલિન્ડર
વર્ષ 1997માં DRDOમાં વરિષ્ઠ વૈજ્ઞાનિક તરીકે જોડાયા
આ પછી, ડૉ. અનીલ મિશ્રા વર્ષ 1997માં DRDOની સંસ્થા ન્યુક્લિયર મેડિસિન એન્ડ એલાયડ સાયન્સિસના વરિષ્ઠ વૈજ્ઞાનિક તરીકે જોડાયા હતા. તેઓ જર્મનીના મેક્સ-પ્લાન્ક ઇન્સ્ટિટ્યૂટના પ્રોફેસરની મુલાકાત લેતા અને 2002થી 2003 સુધી INMASના વડા પણ હતા. ડૉ. અનીલ મિશ્રા હાલમાં સંરક્ષણ સંશોધન અને વિકાસ સંગઠન (DRDO)ના સાયક્લોટ્રોન અને રેડિયો ફાર્માસ્યુટિકલ સાયન્સ વિભાગમાં કાર્યરત છે. ડૉ. અનિલ રેડિયોકેમિસ્ટ્રી, ન્યુક્લિયર કેમિસ્ટ્રી અને ઓર્ગેનિક કેમિસ્ટ્રીમાં સંશોધન કરે છે. તેમનો હાલનો પ્રોજેક્ટ 'મોલેક્યુલર ઇમેજિંગ પ્રોબ્સનો વિકાસ' છે.
