મુંબઈ: રાષ્ટ્રીય સ્વયંસેવક સંઘ (RSS)ના વડા મોહન ભાગવતે વિદેશી દળો પર ભારત વિરુદ્ધ દુષ્પ્રચાર ફેલાવવાનો આરોપ લગાવ્યો છે. રાષ્ટ્રીય સ્વયંસેવક સંઘ (RSS)ના વડા ભાગવતે રવિવારે કહ્યું કે ભારતને 'વિશ્વગુરુ' બનવા તરફ આગળ વધતું રોકવા માટે દેશ વિશે ખરાબ પ્રચાર કરવામાં આવી રહ્યો છે.
આ પણ વાંચોઃMP NEWS : મોત પહેલા યુવકે મધ્યપ્રદેશ પોલીસ પર લગાવ્યો ગંભીર આરોપ
ગેરમાન્યતાઓ પ્રગતિને ધીમી કરેઃમુંબઈમાં એક કાર્યક્રમમાં આરએસએસ ચીફ ભાગવતે કહ્યું કે, 1857 પછી (પ્રથમ સ્વતંત્રતા યુદ્ધ પછી) દેશ વિશે આવી ગેરસમજો ફેલાવવામાં આવી હતી, પરંતુ સ્વામી વિવેકાનંદે આવા તત્વોને જડબાતોડ જવાબ આપ્યો હતો. તેમણે કહ્યું કે, આ ગેરમાન્યતાઓ આપણી પ્રગતિને ધીમી કરવા માટે ફેલાવવામાં આવી રહી છે કારણ કે 'દુનિયામાં કોઈ અમારી સાથે તર્કના આધારે દલીલ કરી શકે નહીં'.
વિશ્વગુરુ બનવા તરફ કદમઃ ભાગવતે કહ્યું, 'અમે આગામી 20-30 વર્ષમાં વિશ્વગુરુ બનવાના છીએ. આ માટે આપણે ઓછામાં ઓછી બે પેઢીઓને તૈયાર કરવાની જરૂર છે, જે પરિવર્તન લાવશે. ભાગવતે કહ્યું કે, ભારતે છેલ્લા કેટલાક વર્ષોમાં ઘણું હાંસલ કર્યું છે પરંતુ વૈશ્વિક સ્તરે ફેલાતી ખોટી માહિતીનો સામનો કરવા માટે દેશે પેઢીઓને તૈયાર કરવાની અને "વિશ્વમાં સારા લોકોને આકર્ષિત કરવાની" જરૂર છે.
આ પણ વાંચોઃCongress Raised Questions : કોંગ્રેસે ઈન્દિરા ગાંધીની તસવીર કરી શેર, PM મોદીના ટાઈગર સફારી પ્રવાસ પર ઉઠાવ્યા સવાલ
નીચું જોનારાઓને યોગ્ય જવાબઃ રાષ્ટ્રીય સ્વયંસેવક સંઘના વડાએ કહ્યું, '1857 પછી અમારી વિરુદ્ધ કેટલીક ખોટી માન્યતાઓ ફેલાવવામાં આવી હતી. તે સ્વામી વિવેકાનંદ હતા જેમણે અમને નીચું જોનારાઓને યોગ્ય જવાબ આપ્યો. પરિણામે જેઓ આપણને ગુલામ બનાવવા માંગતા હતા તેઓને પણ તેમની વિચારસરણી બદલવાની ફરજ પડી. ભાગવતે કહ્યું કે ભારતે છેલ્લા કેટલાક વર્ષોમાં ઘણું હાંસલ કર્યું છે, પરંતુ વૈશ્વિક સ્તરે ખોટી માહિતી ફેલાવવામાં આવી રહી છે, જેનો સામનો કરવા દેશે પેઢીઓને તૈયાર કરવાની જરૂર છે. આ સિવાય દુનિયાભરમાંથી સારા લોકોને આકર્ષવાની પણ જરૂર છે.
