નવી દિલ્હી: સિદ્ધુ મુસેવાલા હત્યા કેસમાં ફરાર આરોપી ગેંગસ્ટર ટીનુને દિલ્હી પોલીસે આજે પટિયાલા હાઉસ કોર્ટમાં રજૂ (Tinu Sidhu is accused in Musewala murder case) કર્યો હતો. અગાઉ 20 ઓક્ટોબરે થયેલી સુનાવણીમાં કોર્ટે આરોપીને 8 દિવસના રિમાન્ડ પર મોકલી આપ્યો હતો. રિમાન્ડ પૂરા થયા બાદ ગેંગસ્ટરને આજે પટિયાલા હાઉસ કોર્ટમાં રજૂ કરવામાં આવ્યો હતો. જણાવી દઈએ કે ગેંગસ્ટર ટીનુની દિલ્હી પોલીસે રાજસ્થાનથી ધરપકડ કરી હતી.
પંજાબ પોલીસને ચકમોઆપીને સિદ્ધુ મુસેવાલા હત્યા કેસમાં ફરાર આરોપી ગેંગસ્ટર દીપક ટીનુની તાજેતરમાં ફરી ધરપકડ કરવામાં આવી છે. ટીનુ સિદ્ધુ મુસેવાલા હત્યા કેસનો મુખ્ય કાવતરાખોર છે. જેના કારણે પંજાબ પોલીસે સિદ્દુ મુસેવાલા હત્યા કેસમાં પોલીસ કસ્ટડીમાંથી ભાગી જવાના કાવતરામાં સામેલ ગેંગસ્ટર દીપક ટીનુની મદદ કરનાર તેની પ્રેમિકાની ધરપકડ કરી હતી.
આરોપી ગેંગસ્ટર દીપક ટીનુની પોલીસે રાજસ્થાનના અજમેરથી ધરપકડ કરી હતી. પોલીસે તેની પાસેથી ગ્રેનેડ અને 2 ઓટોમેટિક પિસ્તોલ પણ જપ્ત કરી છે. તેને જેક અને રોહિત ગોદારાએ મદદ કરી હતી. રોહિત ગોદારા ગેંગસ્ટર સંપત નેહરાની નજીક છે અને અઝરબૈજાનમાં છે, જ્યારે જેક યુરોપમાં છે. જેક અનમોલ વિશ્નોઈની નજીક છે. સાથે જ દીપક ટીનુએ અનેક રાજ્યોમાં ગુના આચર્યા છે.
ગોળી મારીને હત્યા : 29 મેના રોજ પંજાબી સિંગર સિદ્ધુ મૂઝવાલાની માનસામાં ગોળી મારીને હત્યા કરવામાં આવી હતી. ગોલ્ડી બ્રારે મુસેવાલાની હત્યાની જવાબદારી લીધી હતી. જે ગેંગસ્ટર લોરેન્સ બિશ્નોઈનો નજીકનો સહયોગી છે. ગોલ્ડી બ્રાર હાલ કેનેડામાં છે. પોસ્ટમોર્ટમ રિપોર્ટમાં જાણવા મળ્યું છે કે મુસેવાલાના શરીરમાં 19 ગોળીઓ વાગી હતી અને 15 મિનિટમાં જ તેમનું મૃત્યુ થયું હતું. મોટાભાગની ગોળીઓ મુસેવાલાના શરીરની જમણી બાજુએ વાગી હતી. કિડની, લીવર, ફેફસાં અને કરોડરજ્જુમાં પણ ગોળીઓ વાગી છે. મૃત્યુનું કારણ હેમરેજિક શોક તરીકે નોંધવામાં આવ્યું છે.
