નવી દિલ્હી: દિલ્હી હાઈકોર્ટે જમ્મુ-કાશ્મીરની સ્થાનિક પાસપોર્ટ ઓફિસને પીડીપી સુપ્રીમો મહેબૂબા મુફ્તીના પાસપોર્ટ પર ત્રણ મહિનામાં નિર્ણય લેવાનો નિર્દેશ આપ્યો છે. આ પહેલા કેન્દ્ર સરકારે કોર્ટને કહ્યું હતું કે જમ્મુ-કાશ્મીરની સ્થાનિક પાસપોર્ટ ઓફિસને મહેબૂબા મુફ્તીના પાસપોર્ટના રિન્યુઅલને લઈને નિર્દેશ આપવામાં આવ્યો છે. આ પછી કોર્ટે ત્રણ મહિનામાં નિર્ણય લેવાનો નિર્દેશ આપ્યો છે. મુફ્તીની અરજી સ્થાનિક ઓફિસમાં છેલ્લા બે વર્ષથી પેન્ડિંગ હતી. આ પછી તેણે આ કેસને દિલ્હી હાઈકોર્ટમાં પડકાર્યો હતો.
Delhi News : દિલ્હી હાઈકોર્ટે પીડીપી સુપ્રીમો મહેબૂબા મુફ્તીના પાસપોર્ટ પર આગામી ત્રણ મહિનામાં નિર્ણય લેવાનો નિર્દેશ આપ્યો
દિલ્હી હાઈકોર્ટે પીડીપી સુપ્રીમો મહેબૂબા મુફ્તીના પાસપોર્ટ પર આગામી ત્રણ મહિનામાં નિર્ણય લેવાનો નિર્દેશ આપ્યો છે. મહેબૂબા મુફ્તીએ વર્ષ 2020માં સ્થાનિક પાસપોર્ટ ઑફિસમાં તેમના પાસપોર્ટના રિન્યૂઅલ માટે અરજી કરી હતી, પરંતુ સ્થાનિક ઑફિસે આ રિન્યુઅલની અરજી ફગાવી દીધી હતી.
delhi-high-court-directs-to-take-decision-on-passport-of-pdp-supremo-mehbooba-mufti-in-next-three-months
સુનાવણી દરમિયાનકેન્દ્ર સરકાર તરફથી હાજર રહેલા એડવોકેટ કીર્તિમાન સિંહે કોર્ટને જણાવ્યું કે જમ્મુ અને કાશ્મીર સ્થાનિક પાસપોર્ટ ઓફિસને મહેબૂબા મુફ્તીના પાસપોર્ટના રિન્યૂઅલ માટેની અરજી પર વિચાર કરવાનો નિર્દેશ આપવામાં આવ્યો હતો. મહેબૂબા મુફ્તીએ અરજી દાખલ કરી હતી કે પાસપોર્ટ રિન્યુઅલ રદ કરવાના આદેશ સામે કોર્ટ જલ્દીથી નિર્દેશ જારી કરે. મહેબૂબા મુફ્તીએ 2020માં સ્થાનિક પાસપોર્ટ ઑફિસમાં પોતાના પાસપોર્ટના રિન્યૂઅલ માટે અરજી કરી હતી, પરંતુ સ્થાનિક ઑફિસે આ રિન્યુઅલની અરજીને ફગાવી દીધી હતી, ત્યારબાદ તેણે જમ્મુ-કાશ્મીર હાઈકોર્ટમાં અરજી કરી હતી.
હાઈકોર્ટે મહેબૂબાની અરજીને ફગાવી: 2021માં જમ્મુ અને કાશ્મીર હાઈકોર્ટે મહેબૂબાની અરજીને ફગાવી દેતા કહ્યું હતું કે તે કોઈપણ વ્યક્તિને પાસપોર્ટ જારી કરવાના મામલે આદેશ જારી કરી શકે નહીં. તે તેમના અધિકારક્ષેત્રમાં નથી. જો કે, શક્ય તેટલી વહેલી તકે નિર્ણય લેવા સંબંધિત ઓથોરિટીને આદેશ જારી કરી શકાય છે. કોર્ટે મહેબૂબા મુફ્તીને સંબંધિત ઓથોરિટી સમક્ષ અપીલ કરવાનો વિકલ્પ સૂચવ્યો હતો. આ પછી તેણે દિલ્હી હાઈકોર્ટમાં અરજી દાખલ કરી. દિલ્હી હાઈકોર્ટે નોંધ્યું હતું કે આ મામલો પ્રાદેશિક કાર્યાલય પાસે છે. આવી સ્થિતિમાં તેમણે પ્રદેશ કાર્યાલયને 3 મહિનામાં આ અંગે નિર્ણય લેવા અને કોર્ટને જાણ કરવાનો નિર્દેશ આપ્યો છે.