દિલ્હીના મુખ્યપ્રધાન કેજરીવાલે વડાપ્રધાનને લખ્યો પત્ર, રસીકરણની શરતમાં રાહતની માગ કરી

દિલ્હીના મુખ્યપ્રધાન કેજરીવાલે વડાપ્રધાન નરેન્દ્ર મોદીને એક પત્ર લખીને નવું રસીકરણ કેન્દ્ર ખોલવા માટેની શરતોમાં રાહતની વિનંતી કરી છે. આ સાથે રસીકરણ માટેની વયમર્યાદામાં છૂટછાટની માગ પણ કરવામાં આવી છે.

• રસીકરણ માટેની વયમર્યાદામાં છૂટછાટની માગ
• નવું રસીકરણ કેન્દ્ર ખોલવા માટેની શરતોમાં રાહતની વિનંતી
• દિલ્હી સરકાર ત્રણ મહિનાની અંદર તમામ દિલ્હીવાસીઓને રસી આપી શકે છે

નવી દિલ્હી: દિલ્હીમાં કોરોના વધતા જતા મામલા વચ્ચે મુખ્યપ્રધાન અરવિંદ કેજરીવાલે વડાપ્રધાન નરેન્દ્ર મોદીને એક પત્ર લખ્યો છે. દિલ્હીના મુખ્યપ્રધાન કેજરીવાલે વડાપ્રધાન નરેન્દ્ર મોદીને એક પત્ર લખીને નવું રસીકરણ કેન્દ્ર ખોલવા માટેની શરતોમાં રાહતની વિનંતી કરી છે. આ સાથે રસીકરણ માટેની વયમર્યાદામાં છૂટછાટની માગ પણ કરવામાં આવી છે. મુખ્યપ્રધાન અરવિંદ કેજરીવાલે પત્ર દ્વારા અપીલ કરી છે કે કોરોના રસી બધા લોકોને ઉપલબ્ધ કરાવવી જોઈએ.

દેશભરમાં કોરોનાના વધતા ચેપથી નવી ચિંતા અને પડકાર રજૂ થયો છે

અરવિંદ કેજરીવાલે પત્રમાં કહ્યું છે કે, દેશભરમાં કોરોનાના વધતા ચેપથી નવી ચિંતા અને પડકાર રજૂ થયો છે. આપણે રસીકરણ અભિયાનને વધુ ઝડપથી આગળ વધવું પડશે. તેથી રસીકરણ કેન્દ્રો ખોલવાની શરતોમાં છૂટછાટ અને રસીકરણની વયમર્યાદાની ફરજ દૂર કરવી જોઈએ જેથી ચેપને કાબૂમાં કરી શકાય. મુખ્યપ્રધાન કેજરીવાલે કહ્યું કે, જો નવા કેન્દ્રો ખોલવાના નિયમોને સરળ બનાવવામાં આવે અને દરેકને રસી આપવાની મંજૂરી મળે તો દિલ્હી સરકાર ત્રણ મહિનાની અંદર તમામ દિલ્હીવાસીઓને રસી આપી શકે છે. બધા લોકોમાં કોરોના ચેપ માટે ઇમ્યુનાઇઝેશન લાગુ કરી શકાય છે.

આ પણ વાંચો:અંબાજી ST ડેપોમાં 370 ડ્રાઈવર કન્ડક્ટરો માટે કોરોના રસીકરણ શરુ કરવામાં આવ્યું

વડાપ્રધાન મોદીએ પણ દેશની જનતા પર ધ્યાન આપવું જોઈએ: રાઘવ ચઢ્ઢા

તે જ સમયે, આમ આદમી પાર્ટીના પ્રવક્તા અને ધારાસભ્ય રાઘવ ચઢ્ઢાએ કહ્યું કે, ભારતે 84 દેશોમાં 6 કરોડ 45 લાખ મિલિયન ડોઝની નિકાસ કરી છે. અન્ય દેશોના લોકોને વધુ પ્રાધાન્ય આપવામાં આવી રહ્યું છે. વડાપ્રધાન મોદીએ પણ દેશના લોકોના હિતોનું રક્ષણ કરવું જોઈએ.

આ પણ વાંચો:ડાંગ જિલ્લાનાં સાપુતારા અને વઘઇમાં 158 લોકોને રસી અપાઈ