મુંબઇના ધારાવીમાં સિલિન્ડર બ્લાસ્ટ: 14થી વધુ લોકો ઇજાગ્રસ્ત, રાહતકાર્ય ચાલુ...

મુંબઇના ધારાવીમાં સિલિન્ડર બ્લાસ્ટ થયો છે. 14માંથી 2 લોકોની હાલત ગંભીર છે. આ બે લોકો 70 ટકા બળી ગયા છે. ધારાવીના શાહૂ નગરમાં આજે 29 ઓગસ્ટે 12.30 વાગ્યે આ દુર્ઘટના ઘટી હતી.

• ધારાવીના શાહૂ નગરમાં આજે બપોરે 12.30 વાગ્યે દુર્ઘટના ઘટી હતી
• સાયન હોસ્પિટલમાં ઇજાગ્રસ્તની સારવાર શરૂ કરવામાં આવી છે
• 14માંથી 2 લોકોની હાલત વધુ ગંભીર છે

મુંબઇ- ધારાવી વિસ્તારમાં સિલિન્ડર બ્લાસ્ટ થવાથી 14 લોકો ઇજાગ્રસ્ત થયા છે. ઇજાગ્રસ્તને મધ્ય મુંબઇ સ્થિત સાયન હોસ્પિટલમાં લઇ જવામાં આવ્યા છે. બીએમસી દ્વારા આપવામાં આવેલી જાણકારી મુજબ, હાલ સાયન હોસ્પિટલમાં ઇજાગ્રસ્તની સારવાર શરૂ કરવામાં આવી છે. 14માંથી 2 લોકોની હાલત વધુ ગંભીર છે. આ બે લોકો 70 ટકા બળી ગયા છે. ધારાવીના શાહૂ નગરમાં આજે બપોરે 12.30 વાગ્યે આ દુર્ઘટના ઘટી હતી.

આ પણ વાંચો- મુંબઇના વર્લીમાં મનીષ કૉમર્શિયલ સેન્ટરમાં સિલિન્ડર બ્લાસ્ટ

આગ લાગવાનું કારણ હજુ સુધી જાણી શકાયું નથી

દુર્ઘટનાની જાણકારી મળતા જ ફાયર બ્રિગેડની ગાડીઓ ઘટના સ્થળે પહોંચી ગઇ હતી. ફાયર બ્રિગેડની બે ગાડીઓ અને એક પાણીના ટેન્કરથી આગ ઓલવવાની પ્રક્રિયા ચાલી રહી છે. આગ લાગવાનું કારણ હજુ સુધી જાણી શકાયું નથી. ફાયર બ્રિગેડના અધિકારીના જણાવ્યા અનુસાર આગ 12:45 વાગ્યે લાગી હતી.