તૌકતે ચક્રવાત: રાહુલે જરૂરતમંદોની મદદ કરવા પક્ષના કાર્યકરોને કરી અપીલ

કોંગ્રેસ નેતા રાહુલ ગાંધીએ શનિવારે કોંગ્રેસ કાર્યકરોને ચક્રવાત તૌક્તાના પગલે જરૂરી તમામ લોકોને શક્ય તેટલી સહાય પૂરી પાડવા અપીલ કરી હતી

• કેરળ, મહારાષ્ટ્ર, ગોવા, તમિલનાડુ, ગુજરાત અને કર્ણાટકમાં ચક્રવાતની ચેતવણી જારી કરવામાં આવી છે
• અરબી સમુદ્ર પર નીચા દબાણનો ક્ષેત્ર રચાઇ રહ્યો છે
• તિરુવનંતપુરમના 78 પરિવારોના 308 લોકોને આપત્તિગ્રસ્ત વિસ્તારોમાંથી રાહત શિબિરોમાં ખસેડાયા છે

ન્યુ દિલ્હીઃ કોંગ્રેસ નેતા રાહુલ ગાંધીએ શનિવારે કોંગ્રેસના કાર્યકરોને ચક્રવાતને પગલે જરૂરિયાતમંદ લોકોને તમામ શક્ય સહાય પૂરી પાડવા અપીલ કરી છે. કોંગ્રેસના નેતાએ તેમના સત્તાવાર ટ્વિટર હેન્ડલ પર લખ્યું છે કે, "કેરળ, મહારાષ્ટ્ર, ગોવા, તમિલનાડુ, ગુજરાત અને કર્ણાટકમાં ચક્રવાતની ચેતવણી જારી કરવામાં આવી છે.

આ પણ વાંચોઃચક્રવાત નિસર્ગઃ જોખમી પરિસ્થિતિને પહોંચી વળવા કોસ્ટગાર્ડ સજ્જ

ચક્રવાત તૌકતેના પહેલાથી જ ઘણા વિસ્તારોમાં ભારે વરસાદ વરસી રહ્યો છે

ચક્રવાત તૌકતેના પહેલાથી જ ઘણા વિસ્તારોમાં ભારે વરસાદ વરસી રહ્યો છે. હું ઇચ્છું છું કે, કોંગ્રેસ કાર્યકરો શક્ય એવી તમામ મદદ કરે તેવી અપીલ કરી છે. જરૂરિયાતમંદ લોકોની સહાય કરો અને કૃપા કરીને સલામત રહો. "તેમ રાહુલ ગાંધીએ જણાવ્યું હતું.

16મે સુધી પૂર્વ-મધ્ય અરબી સમુદ્ર પર ચક્રવાતમાં ફેરવાઈ શકે છે

આઇએમડીના જણાવ્યા મુજબ, અરબી સમુદ્ર પર નીચા દબાણનો ક્ષેત્ર રચાઇ રહ્યો છે અને તે ધીરે-ધીરે 16મે સુધી પૂર્વ-મધ્ય અરબી સમુદ્ર પર ચક્રવાતમાં ફેરવાઈ શકે છે. આ દબાણ આગામી 12 કલાકમાં ચક્રવાતી તોફાનમાં તીવ્ર બનશે. ચક્રવાતથી કેરળના કાંઠા, કર્ણાટક, લક્ષદ્વીપ, ગોવા અને મહારાષ્ટ્ર સહિતના વિસ્તારોમાં અસર પડે તેવી સંભાવના છે.

આઇએમડીએ માછીમારોને 17મે સુધીમાં દરિયામાં ન જવાની ચેતવણી આપી છે

આઇએમડીએ માછીમારોને 17મે સુધીમાં દરિયામાં ન જવાની ચેતવણી આપી છે. અહેવાલ અનુસાર, 15મેના રોજ પવનની ગતિ 40-50 કિ.મી. પ્રતિ કલાકની ઝડપે 70 કિ.મી. પ્રતિ કલાકની ઝડપે પહોંચવાની સંભાવના છે અને પ્રતિ કલાક 80 કિ.મી.ની ઝડપે પહોંચી શકે છે.

ચક્રવાતી તોફાન પહેલા રાષ્ટ્રીય ડિઝાસ્ટર રિસ્પોન્સ ફોર્સ (એનડીઆરએફ) સારી રીતે તૈયાર છે

એનડીઆરએફના અધિકારીઓએ શુક્રવારે જણાવ્યું હતું કે, કેરળ, તામિલનાડુ, કર્ણાટક, ગુજરાત અને મહારાષ્ટ્રના દરિયાકાંઠે આવેલા ચક્રવાતી તોફાન પહેલા રાષ્ટ્રીય ડિઝાસ્ટર રિસ્પોન્સ ફોર્સ (એનડીઆરએફ) સારી રીતે તૈયાર છે.

આ પણ વાંચોઃ"તૌકતે" ચક્રવાતઃ જાફરાબાદ ફિશરીઝ વિભાગ સતર્ક, વાવાઝોડાને ધ્યાનમાં લઇ બોટો પરત બોલાવા આપ્યો આદેશ

આઇએમડીએ ચક્રવાતને કારણે શુક્રવારે રેડ એલર્ટ જારી કર્યું છે

ભારતીય નૌકાદળ દ્વારા ચક્રવાત તૌકતે ભારતના પશ્ચિમ કાંઠે પહોંચતા રાજ્ય વહીવટને સંપૂર્ણ સમર્થન આપવાની ખાતરી આપી હતી. તે દરમિયાન, કેરળની રાજધાની તિરુવનંતપુરમના 78 પરિવારોના 308 લોકોને આપત્તિગ્રસ્ત વિસ્તારોમાંથી રાહત શિબિરોમાં ખસેડવામાં આવ્યા છે, જ્યાં આઇએમડીએ ચક્રવાતને કારણે શુક્રવારે રેડ એલર્ટ જારી કર્યું છે.