મુંબઈ:દરિયાકાંઠાના વિસ્તારોમાં ફરી એકવાર ચક્રવાતી તોફાન 'બિપરજોય'નો ખતરો તોળાઈ રહ્યો છે. હવામાન વિભાગની વાત માનીએ તો આવતીકાલે બિપરજોયે વધુ ભયાનક સ્વરૂપ ધારણ કર્યું છે. જેને લઈને સૌરાષ્ટ્ર-કચ્છના છ જિલ્લાઓને એલર્ટ પર રાખવામાં આવ્યા છે. હવામાન વિભાગના જણાવ્યા અનુસાર, અત્યંત ખતરનાક ચક્રવાત બિપરજોય 15 જૂને કચ્છ જિલ્લા અને પાકિસ્તાનના કરાચી વચ્ચે લેન્ડફોલ કરે તેવી શક્યતા છે. દરમિયાન, ખરાબ હવામાનને કારણે ગઈકાલે મુંબઈ એરપોર્ટ પર ઘણી ફ્લાઈટ્સ મોડી પડી હતી.
ચક્રવાતી તોફાન 'બિપરજોય'નો ખતરો તોળાઈ રહ્યો ફ્લાઇટ મોડી, મુસાફરોને રાહ જોવી પડી:ખરાબ હવામાનને કારણે મુખ્ય રનવે અસ્થાયી રૂપે બંધ કરવો પડ્યો હતો. જેના કારણે મુંબઈ એરપોર્ટ પર અનેક ફ્લાઈટ્સ મોડી પડી હતી. ત્યારે રવિવારે રાત્રે મુસાફરોને કલાકો સુધી રાહ જોવી પડી હતી. ભારતીય હવામાન વિભાગે સોમવારે મુંબઈમાં વરસાદ અને વાવાઝોડાની આગાહી કરી છે કારણ કે ચક્રવાત બિપરજોય એક 'અત્યંત ગંભીર ચક્રવાત વાવાઝોડા'માં તીવ્ર બન્યું છે અને 15 જૂને પશ્ચિમ કિનારે ત્રાટકે તેવી ધારણા છે.
મુસાફરો પરેશાન જોવા મળ્યા: માહિતી મેળવવા માટે અહીં-તહીં દોડતા જોવા મળ્યા હતા. આ બધાને ધ્યાનમાં રાખીને, એર ઈન્ડિયાએ ટ્વિટ કર્યું કે ખરાબ હવામાનને કારણે, મુંબઈ એરપોર્ટ પર રનવે 09/27ને અસ્થાયી રૂપે બંધ કરવામાં આવ્યો હતો. આથી કેટલીક ફ્લાઇટ્સ મોડી પડશે અને કેટલીક રદ કરવામાં આવી છે. દરમિયાન, અકાસા એરએ જણાવ્યું હતું કે ફ્લાઇટ QP 1367 મુંબઈ-બેંગલુરુ મુંબઈ એરપોર્ટ પર હવાઈ ટ્રાફિકની ભીડને કારણે વિલંબિત થઈ હતી. જેથી ઘણા મુસાફરો પરેશાન જોવા મળ્યા હતા.
સોશિયલ મીડિયા પર હોબાળો:એક યુઝરે ટ્વિટ કર્યું કે મુંબઈ એરપોર્ટ પર અકાસા એરમાં સંપૂર્ણ અરાજકતા. બેંગલુરુ જતી ફ્લાઈટ બે વખત મોડી પડી હતી. ગરીબ લોકો પોતાનો સામાન લઈને અહીંથી ત્યાં દોડી રહ્યા હતા. આ કેટલું ખરાબ છે? કેટલુ શરમજનક. જ્યારે અન્ય એક વ્યક્તિએ એક વીડિયો પોસ્ટ કર્યો જેમાં એક મહિલા મુંબઈ એરપોર્ટ પર ઈન્ડિગો એરલાઈન્સ સ્ટાફ સાથે દલીલ કરતી જોઈ શકાય છે.
- Cyclone biparjoy yellow alert: ચક્રવાત બિપરજોય 15 જૂને ગુજરાતના કચ્છમાં ત્રાટકી શકે છે, પાકિસ્તાનના વડા પ્રધાને પણ આપી સૂચના
- Gujarat Cyclone Biporjoy: ભારતીય હવામાન વિભાગે શેર કરેલા ફોટોસમાં જૂઓ ચક્રવાટનો મિજાજ, ગુજરાતના દરિયા કિનારે હાઈ એલર્ટ
