Siddharthnagar Urinate Case: યુપીમાં બે બાળકો સાથે અમાનવીય વર્તન, પેશાબ પીવડાવીને પ્રાઈવેટ પાર્ટ પર મરચું લગાવ્યું

યુપીમાં બે બાળકો સાથે અમાનવીય વર્તન થયું હોવાનું સામે આવ્યું છે. પેશાબ પીવડાવીને પ્રાઈવેટ પાર્ટ પર મરચું લગાવ્યું છે. પોલીસે આ અંગે તપાસ હાથ કરી હતી. જેમાં હાલ છ લોકોની અટકાયત કરવામાં આવી છે. અવાર નવાર એવા કિસ્સાઓ સામે આવી રહ્યા છે જેને સાંભળીને ચોંકી જવાઈ છે.

સિદ્ધાર્થનગરઃઉત્તર પ્રદેશના સિદ્ધાર્થનગર જિલ્લામાં માનવતાને શરમાવે તેવી ઘટના સામે આવી છે. અહી બે બાઈક સવાર યુવકોએ બોટલમાં પેશાબ કરી પીવડાવ્યો હતો. ત્યારપછી તેના પ્રાઈવેટ પાર્ટ પર પેટ્રોલ ઈન્જેક્ટ કર્યું અને મરચું લગાવ્યું. બંને બાળકોને પણ માર મારવામાં આવ્યો હતો. આ સમગ્ર ઘટનાનો વીડિયો વાયરલ થયો છે. જેના આધારે પોલીસે કાર્યવાહી કરી છ લોકોની અટકાયત કરી હતી. તેમની પૂછપરછ કરવામાં આવી રહી છે.

પેશાબ પીવાની ના પાડતા ધમકી: મામલો સિદ્ધાર્થનગર જિલ્લાના પાથરા પોલીસ સ્ટેશન વિસ્તારનો છે. વાયરલ વીડિયોમાં બાળકો સાથે અમાનવીય વર્તન કરવામાં આવ્યું તે સ્પષ્ટ જોઈ શકાય છે. કેટલાક માથાભારે છોકરાઓએ બે બાળકો સાથે દુષ્કર્મ કર્યું. છોકરાઓએ પહેલા બોટલમાં પેશાબ કર્યો અને પછી બંને બાળકોને તે પીવા કહ્યું. ઇનકાર કરવા પર, તેને ધમકી આપવામાં આવી હતી અને અભદ્ર ભાષાનો ઉપયોગ કરીને માર મારવામાં આવ્યો હતો. આ પછી તેણે બાળકો સાથે અનૈતિક કામ કર્યું.

બૂમો પાડતા રહ્યા:આ સમગ્ર ઘટનામાં ગુંડાઓને કાયદાનો કોઈ ડર દેખાતો નહોતો. છોકરાઓએ તેમને પેશાબ પીવડાવવા અને માર મારવાની સાથે બંને બાળકો સાથે અનૈતિક કૃત્યો પણ કર્યા હતા. બાળકોના પ્રાઈવેટ પાર્ટ પર પેટ્રોલ નાંખીને મરચું લગાવવામાં આવ્યું હતું. આ દરમિયાન બાળકો બૂમો પાડતા રહ્યા અને દયાની ભીખ માગતા રહ્યા. પરંતુ, છોકરાઓ શાંત ન થયા અને બંને સાથે અમાનવીય કૃત્ય કરતા રહ્યા. ઘટના અંગે એસપી અભિષેક કુમાર અગ્રવાલનું કહેવું છે કે મામલાની માહિતી મળતાની સાથે જ પોલીસ ટીમને સ્થળ પર મોકલવામાં આવી છે. વાયરલ વીડિયો પર એએસપી સિદ્ધાર્થે જણાવ્યું કે આ કેસમાં અત્યાર સુધીમાં છ લોકોની અટકાયત કરવામાં આવી છે. આ અંગે આગળની કાર્યવાહી હાથ ધરી છે.