ઉતરપ્રદેશમાં પતિએ પત્ની અને સસરાને મોતને ઘાટ ઉતાર્યા પછી કર્યું કંઇક આવું...

હમીરપુરમાં ત્રણ હત્યાના બનાવથી સનસનાટી ફેલાઈ ગઈ છે. પાગલ પતિએ પત્નીને જીવતી સળગાવી દીધી હતી. જ્યારે તેણે વિરોધ કર્યો તો તેના સસરાને પથ્થરો વડે કચડી નાખવામાં આવ્યો હતો. આ પછી આરોપી પતિએ પોતાને ગોળી મારીને આત્મહત્યા કરી લીધી.

ઉત્તરપ્રદેશ :જિલ્લાના મુસ્કુરા પોલીસ સ્ટેશન વિસ્તારના પહારી ભીટારી ગામમાં રવિવારે વહેલી સવારે પારિવારિક ઝઘડાને કારણે એક પતિએ દિવાલ કૂદીને ઘરમાં ઘુસ્યો અને તેની પત્ની સૂતી હતી ત્યારે તેના પલંગને આગ લગાવીને જીવતી સળગાવી દીધી હતી. ચીસો સાંભળીને તેને બચાવવા આવેલા સસરાને પથ્થરો વડે કચડીને મોતને ઘાટ ઉતારી દેવામાં આવ્યો હતો. બાળકોનું પણ ગળું દબાવીને હત્યાનો પ્રયાસ કરવામાં આવ્યો હતો. બે લોકોની હત્યા કર્યા બાદ આરોપીએ પિસ્તોલ વડે ગોળી મારીને આત્મહત્યા કરી લીધી હતી. મામલાની માહિતી મળતા અનેક પોલીસ અધિકારીઓ ત્યાં પહોંચ્યા હતા.

પતિ-પત્ની વચ્ચે ઝઘડા થતા હતા : મળતી માહિતી મુજબ, મુસ્કરા પોલીસ સ્ટેશન વિસ્તારના પહાડી ભીટારી ગામમાં રહેતા ઓમપ્રકાશ રાજપૂત (42) તેની પત્ની અનુસુયા (40), પુત્રી કેબીસી (17), જુલી (12) અને પુત્ર પ્રિન્સ (10) સાથે રહેતા હતા. પતિ-પત્ની વચ્ચે રોજ ઝઘડા થતા હતા. આ કારણે પત્ની અનુસુયા તેના ત્રણ બાળકો સાથે છેલ્લા પાંચ મહિનાથી રથ કોતવાલી વિસ્તારના લીલાવતી નગર પઠાણપુરા વિસ્તારમાં રહેવા આવી હતી.

GRV ઈન્ટર કોલેજના 11મા ધોરણના વિદ્યાર્થી કેબીસીએ જણાવ્યું કે, તે તેની માતા અનુસુયા, બહેન જુલી અને ભાઈ પ્રિન્સ સાથે શહેરના લીલાવતી નગર પઠાણપુરામાં રહે છે. કેટલાક દિવસોથી આ વિસ્તારમાં તેમના ઘરનું બાંધકામ ચાલી રહ્યું હતું. ગુરુવારે લોદીપુરામાં રહેતા નાના નંદકિશોર (60) પણ તેની સંભાળ લેવા માટે આવ્યા હતા. શનિવારે સાંજે સાત વાગ્યે પિતા ઓમપ્રકાશ રાજપૂતના મિત્ર રતનલાલ વર્મા (55) ઉચ્ચ પ્રાથમિક શાળા ભીટારીના મુખ્ય શિક્ષક ઘરે આવ્યા હતા અને ત્યાં સૂઈ ગયા હતા.

આવી રીતે ઘટનાને અંજામ આપવામાં આવ્યો ; કેબીસી અનુસાર, મધરાત પછી પિતા ઓમપ્રકાશ રાજપૂત દિવાલ પર ચઢીને ઘરમાં પ્રવેશ્યા અને પહેલા માતા અનુસુયા જ્યારે સૂઈ રહી હતી ત્યારે તેને ખાટલા પર જીવતી સળગાવી દીધી. માતા અગ્નિનો ગોળો બનીને અહીં-ત્યાં ચીસો પાડતી દોડી ગઈ. આચાર્ય રતનલાલ વર્માએ માતાને બચાવવાનો પ્રયાસ કર્યો હતો, જેમાં તેઓ પણ દાઝી ગયા હતા. જ્યારે નાના નંદ કિશોર ચીસો સાંભળીને સ્થળ પર પહોંચ્યા ત્યારે તેમના પિતાએ તેમને જમીન પર પટકાવી દીધા અને પથ્થરોથી કચડી નાખ્યા. જેના કારણે તેનું મોત થયું હતું.

મૃતદેેહને પોસ્ટમોર્ટમ માટે ખસેડાયા : કેબીસીએ જણાવ્યું કે, પિતા ઓમ પ્રકાશે પણ તેમની અને ભાઈ પ્રિન્સનું ગળું દબાવીને હત્યા કરવાનો પ્રયાસ કર્યો હતો. બંને કોઈ રીતે પોતાની જાતને છોડાવીને ભાગી ગયા હતા. આ પછી પિતાએ જ પિસ્તોલ વડે તેને છાતી નજીક ગોળી મારી દીધી, જેના કારણે તેનું પણ મોત થયું. આ ઘટનાએ સવારે ચકચાર મચાવી દીધી હતી. અનેક પોલીસ સ્ટેશનની પોલીસ પહોંચી હતી. પોલીસે ત્રણેય મૃતદેહોને પોતાના કબજામાં લઈ પોસ્ટમોર્ટમ માટે મોકલી આપ્યા છે. એએસપી મયારામ વર્મા સીઓ ફિલ્ડ યુનિટ સાથે ઘટનાસ્થળે પહોંચી ગયા છે.