Corona new Variant Omicron:ભારતમાં ઓમિક્રોનના 214 કેસ, દિલ્હીમાં સૌથી વધુ 57 કેસ

ભારતમાં, કોવિડ-19 (Covid-9 in India) ના 6,317 નવા કેસ એક દિવસમાં નોંધાયા છે. તે જ સમયે, દેશમાં ઓમિક્રોન કેસની સંખ્યા હવે વધીને 214 થઈ ગઈ છે. કેન્દ્રીય સ્વાસ્થ્ય મંત્રાલય(Union Ministry of Health) દ્વારા આ માહિતી આપવામાં આવી છે.

નવી દિલ્હી:ભારતમાં કોવિડ-19(Covid-9 in India) ના 6,317 નવા કેસ સામે આવ્યા બાદ દેશમાં સંક્રમિતોની સંખ્યા વધીને 3,47,58,481 થઈ ગઈ છે. કોરોના વાયરસના નવા પ્રકાર 'ઓમિક્રોન'(corona new variant Omicron) ના 213 કેસ નોંધાયા છે, જેમાંથી 90 લોકો ચેપ મુક્ત થઈ ગયાછે.

ક્રમ	રાજ્ય	ઓમિક્રોન કેસ
1	દિલ્હી	57
2	મહારાષ્ટ્ર	54
3	તેલંગાણા	24
4	કર્ણાટક	19
5	રાજસ્થાન	18
6	કેરળ	15
7	ગુજરાત	14
8	જમ્મુ અને કાશ્મીર	3
9	ઓડિશા	2
10	ઉત્તર પ્રદેશ	2
11	આંધ્ર પ્રદેશ	2
12	ચંદીગઢ	1
13	લદ્દાખ	1
14	તમિલનાડુ	1
15	પશ્ચિમ બંગાળ	1
	કુલ	214

ઓમિક્રોનના કેસ 15 રાજ્યો અને કેન્દ્રશાસિત પ્રદેશોમાં નોંધાયા

કેન્દ્રીય સ્વાસ્થ્ય મંત્રાલયે સોમવારે કહ્યું કે ઓમિક્રોનના આ કેસ 15 રાજ્યો અને કેન્દ્રશાસિત પ્રદેશોમાં નોંધાયા છે. દિલ્હીમાં 'ઓમિક્રોન' પ્રકૃતિના સૌથી વધુ 57 કેસ છે, મહારાષ્ટ્રમાં 54, તેલંગાણામાં 24, કર્ણાટકમાં 19, રાજસ્થાનમાં 18, કેરળમાં 15 અને ગુજરાતમાં 14 કેસ છે. અત્યાર સુધીમાં, સમગ્ર દેશમાં ઓમિક્રોનના કુલ 213 કેસની પુષ્ટિ થઈ છે, જેમાંથી 90 લોકો સાજા થઈ ગયા છે.

કોરોનાના સક્રિય દર્દીઓની સંખ્યા ઘટી

કોરોનાના સક્રિય દર્દીઓની સંખ્યા ઘટીને 78,190 પર આવી ગઈ છે, જે 575 દિવસમાં સૌથી ઓછી છે. વધુ 318 સંક્રમિતોના મોત બાદ મૃત્યુઆંક વધીને 4,78,325 થયો છે.ડેટા અનુસાર, દેશમાં સતત 55 દિવસ સુધી કોવિડ-19ના દૈનિક કેસ 15 હજારથી ઓછા છે. સક્રિય દર્દીઓની સંખ્યા ઘટીને 78,190 થઈ ગઈ છે, જે ચેપના કુલ કેસના 0.22 ટકા છે. આ દર માર્ચ 2020 પછી સૌથી નીચો છે. છેલ્લા 24 કલાકમાં કોવિડ-19ની સારવાર હેઠળના દર્દીઓની સંખ્યામાં 907 નો ઘટાડો નોંધવામાં આવ્યો છે. દર્દીઓનો રાષ્ટ્રીય રિકવરી રેટ 98.40 ટકા છે, જે માર્ચ 2020 પછી સૌથી વધુ છે.

આ પણ વાંચોઃPM Modi In Varanasi: વડાપ્રધાન હજારો કરોડની યોજનાઓ કરશે લોન્ચ

આ પણ વાંચોઃASIAN CHAMPIONS TROPHY SEMIFINAL HOCKEY: જાપાન સામે ભારતનો પરાજય, હવે પાકિસ્તાન સામે બ્રોન્ઝ માટે ટકરાશે