નવી દિલ્હી: સેન્ટ્રલ ડ્રગ્સ ઓથોરિટી ઓફ ઈન્ડિયા (Central Drug Authority Of India)ની નિષ્ણાત સમિતિએ સોમવારે 12થી 18 વર્ષની વયના બાળકો માટે જૈવિક E's કોવિડ-19 રસી 'કોર્બેવેક્સ' (Corbevax Vaccine India)ના ઈમરજન્સી ઉપયોગને અમુક શરતો સાથે મંજૂરી (corbevax vaccine approval) આપવાની ભલામણ કરી છે. સૂત્રોએ આ માહિતી આપી હતી. તેમણે કહ્યું કે, સરકારે હજુ સુધી 15 વર્ષથી ઓછી ઉંમરના બાળકોને રસી આપવાનો નિર્ણય લીધો નથી.
ભારતમાં જ વિકસિત કોવિડ-19ની આરબીડી આધારિત રસી
નીતિ આયોગના સભ્ય (આરોગ્ય) વીકે પોલે તાજેતરમાં યોજાયેલી પ્રેસ કોન્ફરન્સમાં જણાવ્યું હતું કે,રસીકરણ (Vaccination In India)ની વધારાની જરૂરિયાત અને આ માટે વધુ વસ્તીનો સમાવેશ કરવા માટે નિયમિતપણે સમીક્ષા કરવામાં આવે છે. ડ્રગ્સ કંટ્રોલર જનરલ ઓફ ઈન્ડિયા (Drugs Controller General of India)એ ઇમરજન્સી માટે 28 ડિસેમ્બરના રોજ મર્યાદિત ધોરણે કોર્બેવેક્સને મંજૂરી આપી દીધી છે. આ ભારતમાં જ વિકસિત કોવિડ-19 સામે આરબીડી આધારિત રસી છે. જો કે આ રસીને દેશના રસીકરણ અભિયાનમાં શામેલ કરવામાં આવી નથી.
આ પણ વાંચો:Corona campaign India: વેક્સિનેશનના અભિયાનને 1 વર્ષ પૂર્ણ, રાજ્યમાં 97.4 ટકા લોકોને મળી ચુક્યો છે રસીનો પ્રથમ ડોઝ
અંતિમ મંજૂરી માટે DCGIને કરવામાં આવી ભલામણ
સૂત્રોએ જણાવ્યું કે, કોવિડ-19 પર CDSCOની વિષય નિષ્ણાત સમિતિ (CDSCO Subject Expert Committee)એ અરજી પર ચર્ચા કરી અને અમુક શરતોને આધીન 12થી 18 વર્ષની નીચેના વયજૂથમાં મર્યાદિત કટોકટીના ઉપયોગ માટે બાયોલોજિકલ EK કોર્બોવેક્સનો ઉપયોગ કરવાની મંજૂરીની ભલામણ કરી. તેમણે કહ્યું કે, આ ભલામણને અંતિમ મંજૂરી માટે DCGIને મોકલવામાં આવી છે.
આ પણ વાંચો:Vitamin D કોવિડ-19 સામે લડવામાં મદદ કરી શકે? વાંચો અહેવાલ...
28 દિવસની અંદર 2 ડોઝ લેવાના રહેશે
નોંધનીય છે કે 9 ફેબ્રુઆરીએ DCGIને મોકલવામાં આવેલી અરજીમાં બાયોલોજિકલ E Ltdના ગુણવત્તા અને નિયમનકારી બાબતોના વડા (Head of Quality and Regulatory Affairs) શ્રીનિવાસ કોસારાજુએ જણાવ્યું હતું કે, કંપનીને કોર્બોવેક્સના 5થી 18 વર્ષની વય જૂથ પર બીજા-ત્રીજા તબક્કાના ક્લિનિકલ ટ્રાયલ્સ માટે ગયા વર્ષે સપ્ટેમ્બરમાં મંજૂરી આપવામાં આવી હતી. કોર્બોવેક્સ રસી સ્નાયુ દ્વારા શરીરમાં પહોંચાડવામાં આવશે અને તેને 28 દિવસની અંદર 2 ડોઝમાં લેવાની રહેશે. રસી 2થી 8 ડિગ્રી સેલ્સિયસ તાપમાને સંગ્રહિત થાય છે.
