જબલપુર : બાગેશ્વર ધામના પીઠાધીશ્વર પંડિત ધીરેન્દ્ર શાસ્ત્રીનું વિવાદાસ્પદ નિવેદન હવે દેશના અલગ-અલગ ખૂણે રામ નવમીની શોભાયાત્રા પર થયેલા પથ્થરમારાને લઈને સામે આવ્યું છે. બાગેશ્વર ધામના પીઠાધીશ્વર પંડિત ધીરેન્દ્ર શાસ્ત્રીએ કહ્યું કે, "રામ પ્રેમની મૂર્તિ છે, તે દરેકના છે અને રામ પર પથ્થર ફેંકવા એ દેશની દુર્ભાગ્ય છે. હવે આ કામ નહીં ચાલે, હવે હિન્દુઓએ એક થવું પડશે." આ સિવાય કથાકાર પંડિત ધીરેન્દ્ર શાસ્ત્રીએ કહ્યું હતું કે "ધર્મ વિરોધીઓ, સાવધાન રહો, હવે તે નહીં ચાલે. જો તમારે ભારતમાં રહેવું હોય તો તમારે સીતા-રામ કહેવું પડશે."
વડોદરામાં પથ્થરમારો : વડોદરામાં રામ નવમીના દિવસે નીકળેલી શોભાયાત્રામાં પથ્થરમારાનો બનાવ બન્યો હતો. આ પથ્થરમારાની ઘટના શહેરના ફતેપુરા વિસ્તારમાં આવેલા પાંજરીગર મહોલ્લામાં સૌપ્રથમ બની હતી. ત્યારબાદ સાંજ કુંભારવાડા વિસ્તારમાંથી નીકળેલ રામજીની સવારીમાં એકાએક પથ્થરની વર્ષા થતા અફરાતફરીનો માહોલ સર્જાયો હતો. આ ઘટનામાં 6થી 7 લોકોનેએ ઈજાઓ પહોંચી હતી. સાથે જ ફતેપુરા વિસ્તારમાં 15થી વધુ વાહનોમાં તોડફોડ કરવામાં આવી હતી. પોલીસ દ્વારા આ તોફાની તત્વો સામે લાઠીચાર્જ સાથે ટીયર ગેસના સેલ છોડવાની ફરજ પડી હતી.
આ પણ વાંચો :Dhirendra Shashtri: પતિ પત્નીને કથામાં ન લઈ ગયો, પત્નીએ આત્મહત્યા કરી લીધી
મુંબઈમાં પથ્થરમારો : દર વર્ષની જેમ આ વર્ષે પણ રામ નવમી પર મુંબઈના મલાડ વિસ્તારમાં હિન્દુ સંગઠનો દ્વારા શોભા યાત્રા કાઢવામાં આવી હતી. આ શોભાયાત્રા માલવાણી વિસ્તારમાંથી પસાર થઈ ત્યારે બંને પક્ષો સામસામે આવી ગયા હતા. શોભા યાત્રાના આયોજકોનું કહેવું છે કે તેમના પર પથ્થરમારો કરવામાં આવ્યો હતો. ઘટના બાદ પોલીસે ભીડને અલગ કરી દીધી હતી. સ્થાનિક લોકોએ પણ ભીડને અલગ કરી હતી. ભાજપના નેતાઓએ માલવણી પોલીસ સ્ટેશનનો ઘેરાવ પણ કર્યો હતો. ભાજપના નેતા દ્વારા કેટલાક ઘાયલ યુવકોને તેમના મેડિકલ રિપોર્ટ્સ સાથે પોલીસ સ્ટેશનમાં રજૂ કરવામાં આવ્યા હતા. હાલમાં, હજુ સુધી કોઈ કેસ નોંધવામાં આવ્યો નથી. ઘટના બાદ પથ્થરમારો અને અથડામણની અલગ-અલગ તસવીરો અને વીડિયો સામે આવ્યા છે. મુંબઈના મલાડમાં રામ નવમીની શોભાયાત્રામાં જે હંગામો થયો હતો. તેનો એક વીડિયો છે. વીડિયોમાં પથ્થરમારો કરનારને પથ્થર ફેંકતી વખતે કેદ કરવામાં આવ્યો છે. મલાડના માલવાણી વિસ્તારના ઘણા વીડિયો સામે આવ્યા છે.
આ પણ વાંચો :બાગેશ્વર ધામના ધીરેન્દ્ર શાસ્ત્રી મુદ્દે કથાકાર મોરારી બાપુએ મોટું નિવેદન આપી દીધુ
પશ્ચિમ બંગાળમાં પથ્થરમારો :પશ્ચિમ બંગાળના હાવડામાં રામ નવમીના દિવસે શરૂ થયેલો હંગામો અટકવાનો નામ નથી લઈ રહ્યો. શુક્રવારે (31 માર્ચ) ફરી એકવાર હિંસા શરૂ થઈ. હાવડાના શિવપુરમાં પથ્થરમારાની ઘટના બની છે. આ પહેલા ગુરુવારે હાવડામાં રામ નવમીના શોભાયાત્રા પર પથ્થરમારો કરવામાં આવ્યો હતો. આ દરમિયાન અનેક વાહનોને આગ ચાંપી દેવામાં આવી હતી. પથ્થરમારો શુક્રવારે શરૂ થયો જ્યારે એબીપીની ટીમ એક દિવસ પહેલા થયેલી હિંસાની સ્થિતિ બતાવવા શિવપુર પહોંચી હતી. આ દરમિયાન શુક્રવારે બપોરે 1.15 મિનિટે પથ્થરમારો શરૂ થયો હતો.
