બેંગલુરુ:ચૂંટણી વ્યૂહરચનાકાર સુનીલ કાનુનગોલુને કેબિનેટ મંત્રીના હોદ્દા સાથે મુખ્યમંત્રી સિદ્ધારમૈયાના મુખ્ય સલાહકાર તરીકે નિયુક્ત કરવામાં આવ્યા છે, એમ કર્ણાટકના મુખ્યમંત્રી કાર્યાલયે જણાવ્યું હતું. કાનુનગોલુ કોંગ્રેસ 'ટાસ્ક ફોર્સ 2024'ના સભ્ય છે, જે 2024ની લોકસભા ચૂંટણીને ધ્યાનમાં રાખીને બનાવવામાં આવી છે. કાનુનગોલુએ કર્ણાટક ચૂંટણીમાં કોંગ્રેસ માટે વ્યૂહરચના ઘડી હોવાનું માનવામાં આવે છે.
કોણ છે આ સુનીલ કાનુનગુલુ?: કહેવાય છે કે સુનીલ કાનુનગુલુની ટીમે કોંગ્રેસની ચૂંટણી પહેલાની સ્થિતિ પર કરવામાં આવેલા સર્વેના આધારે ચૂંટણીની રણનીતિ તૈયાર કરી હતી. કોંગ્રેસના સૂત્રોના જણાવ્યા અનુસાર, કાનુનગોલુએ ઉમેદવારોની પસંદગી, મતવિસ્તારની સ્થિતિ, રાજકીય દાવપેચ અને ભાજપની વ્યૂહરચના સામે કાઉન્ટર વ્યૂહરચના ઘડીને કોંગ્રેસની જંગી જીતમાં ફાળો આપ્યો હતો. એવું કહેવાય છે કે તેમને ચૂંટણી રણનીતિકાર પ્રશાંત કિશોર સાથે કામ કરવાનો અનુભવ પણ છે. સુનીલે 2017ની ઉત્તર પ્રદેશ ચૂંટણીમાં ભાજપ સાથે કામ કર્યું હતું.
'Pay CM' ઝુંબેશનો માસ્ટરમાઈન્ડ: કર્ણાટક ચૂંટણીના છ મહિના પહેલા કોંગ્રેસ ટાસ્ક ફોર્સમાં જોડાનાર સુનીલ બેલ્લારીનો વતની છે. અગાઉની ભાજપ સરકારના કમિશનના આરોપને લોકો સુધી પહોંચાડવા માટે કોંગ્રેસ પાર્ટી દ્વારા શરૂ કરવામાં આવેલા 'પે સીએમ' અભિયાનનો તેઓ માસ્ટર માઈન્ડ હોવાનું કહેવાય છે. ભાજપ વિરુદ્ધ ડિજિટલ પ્રચાર અને ચૂંટણીની રણનીતિ નક્કી કરનાર સુનીલને હવે કર્ણાટકના મુખ્યમંત્રીના મુખ્ય સલાહકાર તરીકે નિયુક્ત કરવામાં આવ્યા છે.
વિધાનસભા ચૂંટણીમાં મોટી જીત: કર્ણાટક વિધાનસભા ચૂંટણીમાં કોંગ્રેસે 135 બેઠકો જીતી છે જ્યારે ભારતીય જનતા પાર્ટી (BJP)ને 66 બેઠકો મળી છે. આ ચૂંટણીઓમાં જનતા દળ-સેક્યુલર (JDS)ને માત્ર 19 બેઠકો મળી હતી. અપક્ષ ઉમેદવારોએ બે બેઠકો જીતી હતી. જ્યારે કલ્યાણ રાજ્ય પ્રગતિ પક્ષ અને સર્વોદય કર્ણાટક પક્ષને એક-એક સીટ મળી છે. ગયા મહિને 20મીએ સિદ્ધારમૈયા અને પ્રદેશ કોંગ્રેસ અધ્યક્ષ ડીકે શિવકુમાર સહિત આઠ ધારાસભ્યોએ અનુક્રમે મુખ્યમંત્રી અને નાયબ મુખ્યમંત્રી તરીકે શપથ લીધા હતા.
જનતાને આપેલા વચનો પૂરા કરવાના દાવા:સિદ્ધારમૈયાએ કહ્યું છે કે રાજ્ય સરકારે ચૂંટણી પ્રચાર દરમિયાન કોંગ્રેસ પાર્ટી દ્વારા આપવામાં આવેલા તમામ વચનોને અમલમાં મૂકવાનો નિર્ણય કર્યો છે. ગ્રાન્ડ ઓલ્ડ પાર્ટીએ રાજ્યમાં પુનરાગમન કરવા માટે મહિલાઓ, બેરોજગારો અને બીપીએલ પરિવારોને લક્ષ્યાંક બનાવતા પાંચ ચૂંટણી વચનો પર ધ્યાન કેન્દ્રિત કર્યું.
પાંચ મુખ્ય ગેરંટી શું છે:આ પાંચ 'મુખ્ય' ગેરંટીઓમાં તમામ ઘરોને 200 યુનિટ મફત વીજળી (ગૃહ જ્યોતિ), દરેક ઘરની મહિલા વડાને રૂ. 2,000 માસિક સહાય (ગૃહ લક્ષ્મી); BPL પરિવારના દરેક સભ્યને 10 કિલો ચોખા મફત (અન્ના ભાગ્ય); બેરોજગાર સ્નાતક યુવાનો માટે દર મહિને રૂ. 3,000 અને બેરોજગાર ડિપ્લોમા ધારકો માટે રૂ. 1,500 (બંને 18-25 વય જૂથમાં) બે વર્ષ માટે (યુવા નિધિ) અને જાહેર પરિવહન બસોમાં મહિલાઓ માટે મફત મુસાફરી (ઉચિતા પ્રયાન).
રાહુલ ગાંધીનો દાવો:કોંગ્રેસ નેતા રાહુલ ગાંધીએ કહ્યું કે કોંગ્રેસ ખોટા વચનો નથી આપતી અને જે કહે છે તે કરે છે. બુધવારે મુખ્યમંત્રી સિદ્ધારમૈયાએ કહ્યું હતું કે સરકારે તમામ પાંચ ચૂંટણી ગેરંટી લાગુ કરવાનો નિર્ણય કર્યો છે.
- Mallikarjun Kharge: હવે વિના અપોઈન્ટમેન્ટ મલ્લિકાર્જુન ખડગેને મળી શકશે એક 'આમ આદમી'
- Karnataka Cabinet Expansion: સિદ્ધારમૈયા સરકારનું વિસ્તરણ, 24 ધારાસભ્યોએ મંત્રી તરીકે શપથ લીધ
