નવી દિલ્હીઃઅયોધ્યામાં રામ મંદિરને લઈને કોંગ્રેસે ફરી એકવાર ભારતીય જનતા પાર્ટીને આડે હાથ લીધી છે. કોંગ્રેસે રામલલા પ્રાણ પ્રતિષ્ઠાને ભાજપનો રાજકીય કાર્યક્રમ ગણાવ્યો છે. કોંગ્રેસના પ્રવક્તા પવન ખેડાએ આજે પત્રકાર પરિષદમાં ભાજપને પ્રશ્ન પૂછ્યો હતો કે શું આ કાર્યક્રમમાં નિયમોનું પાલન કરવામાં આવી રહ્યું છે. તેમણે કહ્યું કે દેશના ચાર શંકરાચાર્યોએ કહ્યું કે અડધું બનેલા મંદિરની પ્રાણ પ્રતિષ્ઠા ન કરી શકાય.
કોંગ્રેસે ભાજપને સવાલો કર્યા :પ્રેસ કોન્ફરન્સ દ્વારા પવન ખેડાએ ભાજપને સવાલ પૂછ્યો હતો કે કોઈપણ મંદિર જ્યારે સંપૂર્ણ બની જાય ત્યારે તેની પ્રાણ પ્રતિષ્ઠા થાય છે, પરંતુ અયોધ્યાનું રામ મંદિર હજુ પૂર્ણ નથી થયું. તેમણે કહ્યું કે પ્રાણ પ્રતિષ્ઠા માટે એક વિધિ-વિધાન હોય છે, શું આ કાર્યક્રમ ધાર્મિક છે? ભાજપ પર પ્રહાર કરતા તેમણે કહ્યું કે જો આ ધાર્મિક કાર્યક્રમ નથી તો રાજકીય કાર્યક્રમ છે. કારણ કે દેશના ચાર શંકરાચાર્યોએ આની સામે વાંધો વ્યક્ત કર્યો છે.
ચૂંટણીને ધ્યાનમાં રાખીને કાર્યક્રમનું આયોજન કરાયું : ભાજપ પર આરોપ લગાવતા કોંગ્રેસ પ્રવક્તાએ કહ્યું કે, ભગવાન અને મારા બીજ વચ્ચે કોઈ વચેટિયા બની શકે નહીં. પ્રાણ પ્રતિષ્ઠા માટેની તારીખ કયા પંચાંગમાંથી લેવામાં આવી છે? લોકસભા ચૂંટણીને ધ્યાનમાં રાખીને જ તારીખ પસંદ કરવામાં આવી છે. પીએમ મોદી પર પ્રહાર કરતા તેમણે કહ્યું કે અમે એક માણસના કારણે ભગવાન સાથે રમવું સહન નહીં કરીએ. અમે એ સહન નહીં કરીએ કે કોઈ રાજકીય પક્ષનો કાર્યકર મારી અને મારા ભગવાન વચ્ચે વચેટિયા બને.
તેમણે વધુંમાં કહ્યું કે, શંકરાચાર્યએ આ કાર્યક્રમથી પોતાને દૂર રાખ્યા છે, તેથી તે ધાર્મિક કાર્યક્રમ નહીં પણ રાજકીય કાર્યક્રમનું સ્વરૂપ લઈ રહ્યા છે. આ પહેલા કોંગ્રેસ પાર્ટીના અધ્યક્ષ મલ્લિકાર્જુન ખડગે, સોનિયા ગાંધી અને અધીર રંજન ચૌધરીએ આ કાર્યક્રમમાં ભાગ ન લેવાની જાહેરાત કરી હતી.
- PM Modi Share Audio: PM મોદીના જનતાને 'રામ રામ', આજથી 11 દિવસ રાખ્યું વિશેષ અનુષ્ઠાન
- PM Modi Maharashtra Visit: વડાપ્રધાન મોદીએ નાસિકમાં કર્યો રોડ શૉ, કાલારામ મંદિરમાં કરી પૂજા અર્ચના
