નવી દિલ્હીઃઆગામી બજેટ સત્રમાં (budget session 2022) કોંગ્રેસ ફરી એકવાર પેગાસસ મુદ્દે કેન્દ્રમાં ભાજપની આગેવાની હેઠળની સરકારને ઘેરશે. કોંગ્રેસના લોકસભા નેતા અધીર રંજન ચૌધરીએ રવિવારે કોંગ્રેસ સંકલન જૂથની બેઠકની (Congress coordination group meeting) અધ્યક્ષતા કરી હતી. જેમાં પક્ષના પાર્લામેન્ટ સ્ટ્રેટેજી ગ્રુપ દ્વારા આગામી બજેટ સત્રમાં હાથ ધરવામાં આવનાર પેગાસસ તેમજ અન્ય મુદ્દાઓને આખરી ઓપ આપવામાં આવ્યો હતો.
આ પણ વાંચો :ન્યૂયોર્ક ટાઈમ્સનો દાવો - "ભારતે પેગાસસને ઈઝરાયેલ પાસેથી ડિફેન્સ ડીલમાં ખરીદ્યું"
મોદી સરકારે દેશદ્રોહ કર્યો : રાહુલ ગાંધી
આ દરમિયાન ન્યૂયોર્ક ટાઈમ્સના રિપોર્ટના હવાલેથી રાહુલ ગાંધીએ ટ્વિટ (Rahul gandhi on Pegasus) કર્યું હતું કે, "મોદી સરકારે આપણી લોકશાહીની પ્રાથમિક સંસ્થાઓ, રાજ્યના નેતાઓ અને જનતાની જાસૂસી કરવા માટે પેગાસસને ખરીદ્યું હતું. ફોન ટેપ કરીને શાસક પક્ષ, વિપક્ષ, સેના, ન્યાયતંત્ર તમામને નિશાન બનાવ્યા છે. આ દેશદ્રોહ છે. મોદી સરકારે દેશદ્રોહ કર્યો છે."
આ પણ વાંચો:કેન્દ્ર સરકાર સતત બીજા વર્ષે રજૂ કરશે ડિજિટલ બજેટ, શું હશે વિશેષતા?
આજે સંકલન જૂથની બેઠક
કોંગ્રેસના નેતાઓ ગૌરવ ગોગોઈ, શશિ થરૂર, મનીષ તિવારી, સુરેશ અને મણિકમ ટાગોર આ બેઠકમાં સામેલ થયા હતા. રાષ્ટ્રપતિના સંબોધન બાદ આજે સોમવારે ફરીથી સંકલન જૂથની બેઠક મળશે.
