Karnataka Assembly Election 2023: કોંગ્રેસના નેતા ડીકે શિવકુમારનો ચૂંટણી વાયદો, સત્તા પર આવીશું તો હનુમાન મંદિર બનશે

કર્ણાટક વિધાનસભા ચૂંટણીમાં કોંગ્રેસ દ્વારા બજરંગ દળ પર પ્રતિબંધ મૂકવાની જાહેરાતનો વિવાદ ખતમ થતો જણાતો નથી. ડેમેજ કંટ્રોલ માટે કોંગ્રેસે હવે રાજ્યમાં નવું હનુમાન મંદિર બનાવવાની જાહેરાત કરી છે.હનુમાનજીના નામથી મત? આજ દિન સુધી લોકો ભગવાન પાસે કંઇ માંગતા હતા હવે તો ભગવાના નામે જીત મેળવાની. ગજબનું રાજકારણ ભારતમાં જોવા મળી રહ્યું છે.

મૈસુર (કર્ણાટક): ભારતની ચૂંટણી ઉપર સવાલ થાય છે કે આ રાજકીય ચૂંટણી છે કે પછી ધર્મની ચૂંટણી.રામ મંદિરનો મુદ્દો હોય કે ગુજરાતમાં આવેલા યાત્રાધામ અને શક્તિપીઠ પાવાગઢમાં મહાકાળી માતાજીના મંદિરે ઐતિહાસિક નરેન્દ્ર મોદી ધજા લહેરાવી હતી તે મુદ્દો હોય. તમામ ધર્મ કામ ચૂંટણી માટે કરવામાં આવી રહ્યા છે. ધર્મના કામમાં ઢિલાશ ના હોય તો ધર્મના નામે મત પણ કેમ હોય એ પણ આજના સમયનો સવાલ છે. કર્ણાટક વિધાનસભા ચૂંટણીમાં રાજકારણમાં ભારે ગરમાવો જોવા મળી રહ્યો છે. ડેમેજ કંટ્રોલ માટે કોંગ્રેસે હવે રાજ્યમાં નવું હનુમાન મંદિર બનાવવાની જાહેરાત કરી છે.

હનુમાન મંદિરો:કોંગ્રેસના ચૂંટણી ઢંઢેરામાં બજરંગ દળ પર પ્રતિબંધની જાહેરાત વચ્ચે પાર્ટીના વરિષ્ઠ નેતા અને કર્ણાટક કોંગ્રેસના અધ્યક્ષ ડીકે શિવકુમારે હવે એક નવું વચન આપ્યું છે. તેમણે કહ્યું કે જો કોંગ્રેસ સત્તામાં આવશે તો તેણે રાજ્યમાં ભગવાન હનુમાન મંદિરો બનાવવાનું વચન આપ્યું છે. તેમણે એમ પણ કહ્યું કે જો પાર્ટી સત્તામાં આવશે તો કર્ણાટકમાં હાલના હનુમાન મંદિરોનો વિકાસ કરવામાં આવશે. ગુરુવારે મૈસુરમાં પત્રકારો સાથે વાત કરતા ડીકે શિવકુમારે કહ્યું હતું કે અમે સત્તામાં આવ્યા બાદ તાત્કાલિક અસરથી રાજ્યભરમાં હનુમાન મંદિરોના વિકાસ માટે પ્રતિબદ્ધ છીએ.

આ પણ વાંચો

ભાષણ સમાપ્ત:કર્ણાટકમાં પોતાના ચૂંટણી સંબોધન દરમિયાન પણ પીએમ નરેન્દ્ર મોદીએ 'જય બજરંગબલી'ના નારા લગાવીને પોતાનું ભાષણ સમાપ્ત કર્યું હતું. આ દરમિયાન બજરંગ દળ અને અન્ય દક્ષિણપંથી સંગઠનો વિરોધ કરી રહ્યા છે. સંગઠનો કોંગ્રેસ પાર્ટી પાસેથી હિન્દુ સમુદાયની માફી માંગે તેવી માંગ કરી રહ્યા છે. કેન્દ્રીય પ્રધાન શોભા કરંદલાજેએ પણ જાહેરાત કરી હતી કે તેઓ, ભાજપના સભ્યો સાથે, વિરોધના ચિહ્ન તરીકે ગુરુવારે બેંગલુરુમાં મલ્લેશ્વરમના એક મંદિરમાં હનુમાન ચાલીસાનો પાઠ કરશે.

બજરંગબલી નારા: અમારી સરકાર રાજ્યભરમાં નવા હનુમાન મંદિરો પણ બનાવશે. કોંગ્રેસ ચૂંટણી જીતશે તેમાં કોઈ શંકા નથી. અમને તારીખ 13મી મેના રોજ ઓછામાં ઓછી 140 થી 150 બેઠકો મળી રહી છે. કોંગ્રેસે તેના ઢંઢેરામાં બજરંગ દળ અને પોપ્યુલર ફ્રન્ટ ઓફ ઈન્ડિયા (PFI) જેવા સંગઠનો પર પ્રતિબંધ મૂકવાનો ઉલ્લેખ કર્યો છે, જો તેઓ સત્તામાં આવશે. ભાજપે તેના ચૂંટણી ઢંઢેરામાં પીએફઆઈ અને બજરંગ દળની સમાનતા કરવા બદલ કોંગ્રેસ પાર્ટીની ટીકા કરી છે.