નવી દિલ્હીઃ ગુરુવારે કોંગ્રેસના વરિષ્ઠ નેતા અને ભૂતપૂર્વ કેન્દ્રીય ગૃહ પ્રધાન શિવરાજ પાટીલે એક પુસ્તક વિમોચન દરમિયાન જેહાદ પર વિવાદીત નિવેદન આપ્યું છે. તેમણે કહ્યું કે ગીતામાં જેહાદની વિભાવનાનો ઉલ્લેખ છે, ભગવાન કૃષ્ણે મહાભારતના યુદ્ધ દરમિયાન અર્જુનને જેહાદના પાઠ આપ્યા હતા. કોંગ્રેસના દિગ્ગજ નેતા અને ભૂતપૂર્વ કેન્દ્રીય પ્રધાન મોહસિના કિડવાઈના જીવનચરિત્રના લોન્ચિંગ પ્રસંગે બોલતા, પાટીલે કહ્યું, "એવું કહેવાય છે કે ઇસ્લામમાં જેહાદ પર ઘણી ચર્ચા છે. તમામ પ્રયાસો પછી પણ, જો કોઈ સ્વચ્છ વિચારને સમજી શકતું નથી, તો સત્તા કુરાન અને ગીતામાં તેનો ઉલ્લેખ છે.
કોણ છે પાટીલઃ શ્રી કૃષ્ણએ મહાભારતમાં ગીતાના એક ભાગમાં અર્જુનને જેહાદના પાઠ આપ્યા હતા. શિવરાજ પાટીલ વર્ષ 2004 થી 2008 સુધી કેન્દ્રીય ગૃહ પ્રધાન અને 1991 થી 1996 સુધી લોકસભાના 10માં અધ્યક્ષ હતા. તેઓ પંજાબ રાજ્યના રાજ્યપાલ અને વર્ષ 2010 થી 2015 સુધી કેન્દ્રશાસિત પ્રદેશ ચંદીગઢના પ્રશાસક હતા. કોંગ્રેસના નેતાઓ જેમ કે શશિ થરૂર અને દિગ્વિજય સિંહ, ફારુક અબ્દુલ્લા અને સુશીલ કુમાર શિંદે પણ આ કાર્યક્રમમાં હાજર રહ્યા હતા.
ધર્મમાં જેહાદની વાતઃ કોંગ્રેસના વરિષ્ઠ નેતાએ દાવો કર્યો હતો કે જેહાદનો ખ્યાલ માત્ર ઇસ્લામમાં જ નથી. પરંતુ ભગવદ ગીતા અને ખ્રિસ્તી ધર્મમાં પણ છે. ભાજપે પાટીલની ટિપ્પણી પર કોંગ્રેસ પર પ્રહારો કર્યા અને તેના પર વોટ બેંકની રાજનીતિ કરવાનો આરોપ લગાવ્યો. કોંગ્રેસના દિગ્ગજ નેતા અને ભૂતપૂર્વ કેન્દ્રીય પ્રધાન મોહસિના કિડવાઈના જીવનચરિત્રના વિમોચન પ્રસંગે, ભૂતપૂર્વ લોકસભા અધ્યક્ષ અને કેન્દ્રીય પ્રધાન પાટીલે કહ્યું કે એવું કહેવાય છે કે ઇસ્લામ ધર્મમાં જેહાદની ઘણી વાતો છે.
ખ્રિસ્તી ધર્મનો ઉલ્લેખઃ તેમણે કહ્યું કે આ ખ્યાલ ત્યારે સામે આવે છે જ્યારે સાચા ઈરાદા હોવા છતાં અને યોગ્ય કાર્ય કરવા છતાં કોઈને સમજાતું નથી, તો એવું કહેવાય છે કે વ્યક્તિ બળનો ઉપયોગ કરી શકે છે. તેમણે પોતાની ટિપ્પણીમાં દાવો કર્યો હતો કે માત્ર કુરાનમાં જ નહીં, મહાભારતમાં પણ ગીતાના ભાગમાં પણ શ્રી કૃષ્ણ અર્જુનને જેહાદની વાત કરે છે અને આ માત્ર કુરાન કે ગીતામાં જ નહીં પરંતુ ખ્રિસ્તી ધર્મમાં પણ છે.
કૃષ્ણએ અર્જુન જેહાદના પાઠ ભણાવ્યા, ખ્રિસ્તી ધર્મમાં પણ જેહાદઃ પાટીલ
આટલું સમજાવ્યા બાદ પણ લોકો હથિયાર લઈને દોડી રહ્યા છે. એની સામે બીજું કંઈ થઈ શકે એમ નથી. આનાથી તમે ભાગી શકતા નથી. આને સમજવાની જરૂર છે. હાથમાં હથિયાર રાખીને લોકોને સમજાવવા યોગ્ય નથી. આ પુસ્તક પણ તમામ ધર્મોનું સન્માન કરે છે. હાલ દુનિયામાં શાંતિની જરૂર છે. ભાજપના પ્રવક્તા શાહજાદ પુનાવાલાએ કોંગ્રેસ પર ટાર્ગેટ કરતા કહ્યું કે, આમ આદમી પાર્ટીના ગોપાલ ઈટાલિયા અને અને રાજેન્દ્ર પાલ બાદ હવે શિવરાજ પાટીલે એવું કહ્યું છે કે, કૃષ્ણએ યુદ્ધભૂમિ પર અર્જુનને જેહાદના પાઠ ભણાવ્યા છે. કોંગ્રેસે રામ મંદિરનો વિરોધ કર્યો હતો. રામના અસ્તિત્વ પર સવાલ કર્યો હતો. કોંગ્રેસે હિન્દુત્વની તુલના ISIS સાથે કરી નાંખી છે.---શિવરાજ પાટીલ
