લખનઉ:મુખ્યપ્રધાન યોગી આદિત્યનાથે(CM Yogi Adityanath) શનિવારે પ્રથમ કેબિનેટમાં (Cabinet Meeting) મોટો નિર્ણય લીધો છે. પ્રધાન પરિષદની બેઠક પછી મુખ્યપ્રધાને જાહેરાત કરી છે કે 15 કરોડ ગરીબ લાભાર્થીઓને ત્રણ મહિના માટે મફત રાશન આપવામાં આવશે . આ યોજનાનો સમયગાળો ત્રણ મહિના માટે લંબાવવામાં આવ્યો છે. એટલે કે અંત્યોદય કાર્ડ ધારકોને એપ્રિલ, મે અને જૂન મહિના સુધી મફત રાશન આપવામાં આવશે.
આ પણ વાંચો:યોગી આદિત્યનાથની કેબિનેટમાં જ્ઞાતિ સમીકરણ પર ફોકસ, જાણો ક્યા જાતિના પ્રધાનોને મળ્યું સ્થાન
મુખ્યપ્રધાન અન્ન યોજના : મુખ્યપ્રધાન યોગી આદિત્યનાથે (CM Yogi Adityanath) કહ્યું કે, મુખ્યપ્રધાન અન્ન યોજના કોરોનાના સમયગાળા દરમિયાન શરૂ કરવામાં આવી હતી. દેશના 80 કરોડ લોકોને તેનો લાભ મળી રહ્યો છે. અનાજની સાથે દાળના પેકેટ અને મીઠું, ખાંડ વગેરે પણ આપવામાં આવી રહ્યું છે. હવે આગામી 3 મહિના સુધી રાજ્યના 15 કરોડ લોકોને આ લાભ મળતો રહેશે.
CM યોગી આદિત્યનાથની પ્રથમ કેબિનેટ બેઠક યોજાઈ હતી : મુખ્યપ્રધાન યોગી આદિત્યનાથની (CM Yogi Adityanath) પ્રેસ કોન્ફરન્સ દરમિયાન ડેપ્યુટી મુખ્યપ્રધાન કેશવ પ્રસાદ મૌર્ય, ડેપ્યુટી મુખ્યપ્રધાન બ્રિજેશ પાઠક, પ્રધાન સુરેશ ખન્ના અને પ્રધાન સ્વતંત્ર દેવ સિંહ હાજર હતા. રાજ્યમાં તાજેતરમાં પૂર્ણ થયેલી વિધાનસભા ચૂંટણી દરમિયાન આ યોજનાએ નિર્ણાયક ભૂમિકા ભજવી હતી. યોગી આદિત્યનાથે શુક્રવારે સતત બીજી વખત રાજ્યના મુખ્યપ્રધાન તરીકે શપથ લીધા, ત્યારબાદ શનિવારે સવારે અહીં તેમની આગેવાની હેઠળની સરકારની પ્રથમ કેબિનેટ બેઠક યોજાઈ હતી.
આ પણ વાંચો:લખનૌ: CM યોગીએ લીધી શેલ્ટર હોમની મુલાકાત
આજે હતી પ્રધાન પરિષદની બેઠક :પ્રધાન પરિષદની બેઠક બાદ વીડિયો વાતચીત દરમિયાન મુખ્યપ્રધાન યોગી આદિત્યનાથ (CM Yogi Adityanath), નાયબ મુખ્યપ્રધાન કેશવ પ્રસાદ મૌર્ય બ્રિજેશ પાઠક, કેબિનેટ પ્રધાન સ્વતંત્ર દેવ સિંહ અને સુરેશ ખન્ના ઉપસ્થિત રહ્યા હતા. મુખ્યપ્રધાનએ કહ્યું કે, અમે પ્રથમ નિર્ણય લીધો છે. નવી બનેલી સરકાર ત્રણ મહિનાની મફત રાશન યોજનાને લંબાવવાની છે. તેમણે કહ્યું કે, મુખ્યપ્રધાન અન્ન યોજના કોરોના સમયગાળા દરમિયાન શરૂ કરવામાં આવી હતી. દેશના 80 કરોડ લોકોને તેનો લાભ મળી રહ્યો હતો અને પહેલા આ યોજના માર્ચ 2022 સુધી જ હતી. અનાજની સાથે-સાથે કઠોળના પેકેટ અને મીઠું, ખાંડ વગેરે પણ આપવામાં આવી રહ્યું છે અને આગામી 3 મહિના સુધી રાજ્યના 15 કરોડ લોકોને આનો લાભ મળતો રહેશે. ઉલ્લેખનીય છે કે, આજે મળેલી પ્રધાન પરિષદની બેઠકમાં તમામ કેબિનેટ પ્રધાનો, સ્વતંત્ર હવાલો ધરાવતા તમામ રાજ્ય પ્રધાનઓ અને રાજ્ય કક્ષાના તમામ પ્રધાનએ હાજરી આપી હતી.
