નવી દિલ્હી:કોંગ્રેસના વરિષ્ઠ નેતા પી ચિદમ્બરમે ગુરુવારે નાણાપ્રધાન નિર્મલા સીતારમણ પર કટાક્ષ કરતા (Chidambaram's taunt on the government) કહ્યું કે, તેમણે હવે 'મુખ્ય આર્થિક જ્યોતિષ' (ચીફ ઈકોનોમિક્સ જ્યોતિષ) ની નિમણૂક (Chief Economic Astrologer) કરવી જોઈએ. નિર્મલા સીતારમણે બ્રહ્માંડના અત્યાર સુધીના સૌથી ઉંડા સ્વરૂપને રજૂ કરતા નાસાના નવા સ્પેસ ટેલિસ્કોપથી સંબંધિત કેટલીક ટ્વિટને રીટ્વીટ કરી હતી. આ માટે ચિદમ્બરમે તેમની આકરી ટીકા કરી હતી.
આ પણ વાંચો :મોદી સરકાર માટે રાહતના સમાચાર, જથ્થાબંધ મોંઘવારીમાં થયો ઘટાડો
બેરોજગારીનો દર 7.8 ટકા નોંધાયો : પૂર્વ નાણાપ્રધાને ટ્વીટ કર્યું કે, “અમને આશ્ચર્ય નથી કે નાણાપ્રધાને ગુરુ, પ્લુટો અને યુરેનસની તસવીરો ટ્વીટ કરી તે દિવસે જ્યારે ફુગાવો 7.1 ટકા અને બેરોજગારીનો દર 7.8 ટકા નોંધાયો હતો. ચિદમ્બરમે કહ્યું કે, "પોતાની કુશળતા અને તેમના આર્થિક સલાહકારોની કુશળતામાં આશા ગુમાવીને, નાણાપ્રધાને અર્થતંત્રને બચાવવા માટે ગ્રહોને આહ્વાન કર્યું છે."
આ પણ વાંચો :ચોમાસા સત્રમાં હોબાળો થવાની સંભાવના, બંને પક્ષકારોએ કસી કમર
મુખ્ય આર્થિક જ્યોતિષીની નિમણૂક : આ શરૂ કરવા માટે, તેમણે કહ્યું કે, તેમણે એક નવા CEA એટલે કે મુખ્ય આર્થિક જ્યોતિષી (ચીફ ઈકોનોમિક્સ જ્યોતિષ) ની નિમણૂક કરવી જોઈએ. નાણામંત્રી નિર્મલા સીતારમણના આ ટ્વીટ પર ચિદમ્બરમે ઝાટકણી કાઢી છે.
