નવી દિલ્હીઃકેન્દ્ર સરકાર એક કરોડથી વધુ કર્મચારીઓ અને પેન્શનધારકોને સારા સમાચાર આપી શકે છે. સરકાર મોંઘવારી ભથ્થાને 3 ટકાથી વધારીને 45 ટકા કરી શકે છે. હાલમાં મોંઘવારી ભથ્થું (DA) 42 ટકા છે. કર્મચારીઓ અને પેન્શનરો માટે મોંઘવારી ભથ્થું શ્રમ બ્યુરો દ્વારા દર મહિને બહાર પાડવામાં આવતા ઔદ્યોગિક કામદારો માટેના ગ્રાહક ભાવ સૂચકાંક (CPI-IW)ના આધારે નક્કી કરવામાં આવે છે. લેબર બ્યુરો એ શ્રમ મંત્રાલયની એક શાખા છે.
મોંઘવારી ભથ્થામાં વધારો :ઓલ ઈન્ડિયા રેલ્વેમેન ફેડરેશનના જનરલ સેક્રેટરી શિવ ગોપાલ મિશ્રાએ ન્યૂઝ એજન્સી પીટીઆઈ-ભાષાને જણાવ્યું કે, 'જૂન 2023 માટે સીપીઆઈ-આઈડબ્લ્યુ 31 જુલાઈ, 2023ના રોજ રિલીઝ કરવામાં આવી હતી. અમે મોંઘવારી ભથ્થામાં ચાર ટકા વધારાની માંગ કરી રહ્યા છીએ. પરંતુ સરકાર મોંઘવારી ભથ્થામાં ત્રણ ટકાનો વધારો કરી શકે છે. તે 45 ટકા રહેવાની શક્યતા છે.
હાલનું મોંઘવારી ભથ્થું : તેમણે વધુમાં માહિતી આપી હતી કે, નાણા મંત્રાલયનો ખર્ચ વિભાગ તેની આવકની અસર સાથે DAમાં વધારો કરવા માટેની દરખાસ્ત તૈયાર કરશે. ત્યારબાદ આ પ્રસ્તાવને કેન્દ્રીય કેબિનેટ સમક્ષ મંજૂરી માટે મૂકવામાં આવશે. ડીએમાં વધારો 1 જુલાઈ, 2023થી લાગુ થશે. હાલમાં એક કરોડથી વધુ કેન્દ્ર સરકારના કર્મચારીઓ અને પેન્શનરોને 42 ટકા મોંઘવારી ભથ્થું મળી રહ્યું છે. DA માં છેલ્લું પુનરાવર્તન 24 માર્ચ 2023 ના રોજ કરવામાં આવ્યું હતું અને તે 1 જાન્યુઆરી 2023 થી અમલમાં આવ્યું હતું.
મોંઘવારી ભથ્થું શું છે?કેન્દ્રીય કર્મચારીઓને મોંઘવારીમાંથી રાહત આપવા અને તેમનું જીવનધોરણ સુધારવા માટે સરકાર દ્વારા મોંઘવારી ભથ્થું આપવામાં આવે છે. મોંઘવારી વધવાની સાથે કર્મચારીઓના ડીએમાં પણ વધારો થાય છે. દેશની વર્તમાન મોંઘવારી પ્રમાણે દર 6 મહિને ડીએની ગણતરી કરવામાં આવે છે. સરકારી કર્મચારીઓ, જાહેર ક્ષેત્રના કર્મચારીઓ અને પેન્શનરોને મોંઘવારી ભથ્થું આપવામાં આવે છે.
- FOOD PRICE INDEX FOR JULY: જાણો ગયા મહિના કરતા, કઈ ખાદ્ય ચીજોના ભાવ વધ્યા અને ઘટ્યા
- Personal Loan Tips: પર્સનલ લોન લેવા માગો છો, તો આ 6 બાબતોનું ધ્યાન રાખો
