નવી દિલ્હી: CBIએ દિલ્હીના ડેપ્યુટી સીએમ મનીષ સિસોદિયાની દિલ્હી સચિવાલયમાં ઓફિસ પર દરોડા પાડ્યા છે. સિસોદિયાની ઓફિસ સચિવાલયના છઠ્ઠા માળે છે. કયા કેસમાં સીબીઆઈ દરોડા પાડવા પહોંચી છે, તેના વિશે હજુ કોઈ માહિતી નથી. આ પહેલા ઓગસ્ટ મહિનામાં પણ સીબીઆઈએ દિલ્હી સરકારની નવી એક્સાઈઝ પોલિસીમાં કૌભાંડ સામે નોંધાયેલા કેસમાં નાયબ મુખ્યમંત્રીના નિવાસસ્થાને દરોડા પાડ્યા હતા.
આ પણ વાંચો:Ujjain Mahakaleshwar Temple: બાબા મહાકાલનો કરાયો અદ્ભુત શ્રૃંગાર, ભક્તોની લાગી ભીડ
મનીષ સિસોદિયાએ કર્યું ટ્વિટ: મનીષ સિસોદિયાએ ટ્વિટ કરીને આ અંગેની માહિતી આપી છે. તેમણે ટ્વીટ કર્યું, "આજે ફરી સીબીઆઈ મારી ઓફિસમાં પહોંચી છે, તેમનું સ્વાગત છે. તેઓએ મારા ઘર પર દરોડા પાડ્યા, મારી ઓફિસ પર દરોડા પાડ્યા, મારા લોકરની તલાશી લીધી, મારા ગામની પણ તલાશી લીધી. મારી વિરુદ્ધ કંઈ મળ્યું નથી અને મળશે પણ નહીં. કારણ કે મેં કંઈ ખોટું કર્યું નથી. મેં દિલ્હીના બાળકોના શિક્ષણ માટે ઈમાનદારીથી કામ કર્યું છે."
બેંક એકાઉન્ટની પણ થઈ તપાસ: 19 ઓગસ્ટના રોજ તેમના નિવાસસ્થાને દરોડા પાડવામાં આવ્યા હતા: 17 ઓગસ્ટના રોજ CBIએ દિલ્હી દારૂ કૌભાંડ કેસમાં સિસોદિયા સહિત 15 લોકો સામે FIR નોંધી હતી. જેમાં નાયબ મુખ્યપ્રધાન મનીષ સિસોદિયા, આબકારી કમિશનર આરવ ગોપી કૃષ્ણા, એક્સાઇઝ ડેપ્યુટી કમિશનર આનંદ તિવારી વગેરેના નામ હતા. તેના બે દિવસ પછી, 19 ઓગસ્ટના રોજ, સીબીઆઈ દરોડા પાડવા માટે તેમના નિવાસસ્થાને પહોંચી. આ પછી તેને 17 ઓક્ટોબરે સીબીઆઈ ઓફિસમાં પૂછપરછ માટે પણ બોલાવવામાં આવ્યા હતા. તેના ગાઝિયાબાદ સ્થિત બેંક એકાઉન્ટની પણ તપાસ કરવામાં આવી હતી.
આ પણ વાંચો:Shraddha Murder Case: કરવતથી કર્યા શ્રદ્ધાના શરીરના ટુકડા, AIIMS રિપોર્ટ,
EDની ચાર્જશીટમાં 12 લોકોના નામ: મનીષ સિસોદિયા પર આરોપ છે કે, જ્યારે એક્સાઇઝ ડિપાર્ટમેન્ટે દારૂની દુકાનો માટે લાયસન્સ જારી કર્યા, ત્યારે આ સમયગાળા દરમિયાન મનીષ સિસોદિયાએ ખાનગી વિક્રેતાઓને 144 કરોડ 36 લાખ રૂપિયાનો ફાયદો આપ્યો હતો. લાયસન્સ ફી માફ કરીને તેમને ફાયદો થયો હોવાનો આરોપ છે. સીબીઆઈએ દિલ્હી લિકર પોલિસી કૌભાંડમાં 10,000 પેજની ચાર્જશીટ દાખલ કરી છે, જેમાં દિલ્હીના ડેપ્યુટી CM સિસોદિયાનો સમાવેશ થતો નથી. જેમાં સાત લોકોને આરોપી બનાવવામાં આવ્યા છે. સીબીઆઈએ આ ચાર્જશીટ દિલ્હીની રાઉઝ એવન્યુ કોર્ટમાં દાખલ કરી છે. તે જ સમયે, EDએ આ કેસમાં અત્યાર સુધીમાં બે ચાર્જશીટ પણ દાખલ કરી છે, પરંતુ આમાં પણ સિસોદિયાનું નામ નથી. EDની ચાર્જશીટમાં 12 લોકોના નામ સામેલ છે.
AAP ધારાસભ્યની પ્રતિક્રિયા: આમ આદમી પાર્ટીના ધારાસભ્ય સંજીવ ઝાએ કહ્યું કે, BJP માટે એક માત્ર કામ બાકી છે તે છે આમ આદમી પાર્ટીના નેતાઓને પરેશાન કરવાનું. CBIએ દિલ્હીના નાયબ મુખ્યપ્રધાન મનીષ સિસોદિયાના ઘરે 14 કલાક દરોડા પાડ્યા હતા. આ પછી પણ બેનામી મિલકત, એક રૂપિયાની વસૂલાત અને કોઈપણ પ્રકારના ભ્રષ્ટાચારના પુરાવા મળ્યા નથી.
