મુંબઈ: બોમ્બે હાઈકોર્ટના જાહેર માહિતી અધિકારીએ દક્ષિણ મુંબઈમાં જૂની કોર્ટ બિલ્ડિંગના સ્ટ્રક્ચરલ ઑડિટ અંગે માહિતી અધિકાર કાયદા (આરટીઆઈ) હેઠળ માંગવામાં આવેલી માહિતી આપવાનો ઇનકાર કરતાં કહ્યું છે કે આવી વિગતો જાહેર કરી શકાશે નહીં. ન્યાયાધીશો અને અન્ય અધિકારીઓના જીવ જોખમમાં છે. પર્યાવરણ કાર્યકર્તા જોરુ બાથેનાએ ગયા મહિને બોમ્બે હાઈકોર્ટની મુખ્ય અને એનેક્સ ઈમારતોના છેલ્લા ત્રણ સ્ટ્રક્ચરલ ઓડિટની નકલો માંગતી RTI અરજી દાખલ કરી (Bombay High court on sharing information under RTI) હતી.
RTI હેઠળ માહિતી આપવાનો કોર્ટે કર્યો ઇનકાર, કહ્યું 'આનાથી જજોના જીવને ખતરો'
Published : Nov 3, 2023, 5:22 PM IST
Bombay High court on sharing information under RTI : બોમ્બે હાઈકોર્ટે કહ્યું કે માહિતીના અધિકાર હેઠળ માંગવામાં આવેલી માહિતીનો અર્થ એ નથી કે દરેક માહિતી તમને પૂરી પાડવામાં આવે. કોર્ટે જૂની ઇમારતના સ્ટ્રક્ચરલ ઓડિટ અંગેની માહિતી શેર ન કરવાને યોગ્ય ઠેરવ્યું હતું. કોર્ટે કહ્યું કે આનાથી જજો અને અન્ય અધિકારીઓના જીવ જોખમમાં આવી શકે છે.
BMCનો સ્ટ્રક્ચરલ ઓડિટ રિપોર્ટ માંગ્યો હતો:કાર્યકર્તાએ દાવો કર્યો હતો કે તેણે BMCનો સ્ટ્રક્ચરલ ઓડિટ રિપોર્ટ માંગ્યો હતો, જેના વિશે તેને માહિતી મળી હતી પરંતુ હાઈકોર્ટે માહિતી આપવાનો ઈન્કાર કર્યો હતો. હાઈકોર્ટના જાહેર માહિતી અધિકારીએ 1 નવેમ્બરે આપેલા તેમના જવાબમાં બાથેનાની અરજી ફગાવી દીધી હતી અને કહ્યું હતું કે માંગવામાં આવેલી માહિતીને જાહેર હિત સાથે કોઈ લેવાદેવા નથી.
RTI હેઠળ માહિતી આપવાનો કોર્ટે કર્યો ઇનકાર:જવાબમાં કહેવામાં આવ્યું છે કે, 'સુરક્ષાના કારણોસર માંગવામાં આવેલી માહિતી જાહેર કરી શકાતી નથી. આવી માહિતી જાહેર કરવાથી બોમ્બે હાઈકોર્ટના ન્યાયાધીશો અને અધિકારીઓના જીવન અને શારીરિક નુકસાન માટે જોખમ ઊભું થશે. બાથેનાએ કહ્યું કે તે હવે માહિતી આપવાના ઇનકાર અંગે સંબંધિત એપેલેટ ઓથોરિટી સમક્ષ અપીલ દાખલ કરશે.