- ભોપાલ સાંસદ સાધ્વી પ્રજ્ઞા ઠાકુરનો ડાન્સ વિડીયો વાયરલ
- કોંગ્રેસના નરેન્દ્ર સલુજાએ કરી તીખી ટીપ્પણી
- '...ખુશીથી ઝૂમતાં જોતાં હોઈએ છીએ ત્યારે ખૂબ આનંદ થાય છે ..?'
ભોપાલઃ ભાજપના સાંસદ સાધ્વી પ્રજ્ઞા ઠાકુર (BJP MP Pragya thakur) ભલે કોર્ટમાં અસ્વસ્થ હોવાનું જણાવતાં હોય, પરંતુ એક વીડિયો આજકાલ ખૂબ વાયરલ થઈ રહ્યો છે, જેમાં તેઓ નૃત્ય કરતી જોવા મળી રહ્યાં છે. આ વીડિયો તાજેતરમાં જ તેમના બંગલામાં શૂટ કરવામાં આવ્યો હતો. કિલા રામપુરામાં રહેતાં નર્મદા પ્રસાદની બંને પુત્રીઓનો લગ્ન સમારોહ તેમના બંગલામાં યોજવામાં આવ્યો હતો, જ્યાં પ્રજ્ઞા ઠાકુર લગ્નના માહોલમાં પોતાને ડાન્સ કરતાં રોકી શક્યાં નહીં. પ્રજ્ઞા ઠાકુરના ડાન્સ (BJP MP Pragya thakur Dance )પર તીખી ટીપ્પણી કરતાં કોંગ્રેસના નરેન્દ્ર સલુજાએ વીડિયો પોસ્ટ કર્યો અને ટ્વિટર પર લખ્યું - જ્યારે પણ આપણે આપણા ભોપાલના સાંસદ બહેન પ્રજ્ઞા ઠાકુરરને બાસ્કેટબોલ રમતાં, ટેકા વિના ચાલતાં અથવા આ રીતે ખુશીથી ઝૂમતાં જોતાં હોઈએ છીએ ત્યારે ખૂબ આનંદ થાય છે ..?
ઢોલના તાલ પર થીરક્યાં પ્રજ્ઞા ઠાકુર
પ્રજ્ઞા ઠાકુરના ( BJP MP Pragya thakur) ડાન્સની બાબત એવી બની હતી કે નર્મદાપ્રસાદની બે દીકરીઓ ચંચલ અને સંધ્યાના લગ્ન કરાવવાનું મુશ્કેલ બની રહ્યું હતું. ત્યારે તેમણે સાંસદ પ્રજ્ઞા ઠાકુરનો સંપર્ક કર્યો હતો. તેમણે નર્મદાપ્રસાદને દીકરીઓના લગ્ન નક્કી કરવાનું કહ્યું અને સાથે જણાવ્યું કે બંને દીકરીના લગ્ન તેમના બંગલા પર કરવામાં આવશે.આ બાદ બંને દીકરીઓનો સંબંધ ઉજ્જૈનના નાનુખેડા ગામના ખેડૂત પરિવારમાં નક્કી કરવામાં આવ્યો અને ઉજ્જૈનથી તેમની જાન પણ આવી. જેનું સ્વાગત સાંસદ પ્રજ્ઞા ઠાકુરે જ કર્યું હતું. આમ પ્રજ્ઞા ઠાકુરના બંગલા પર લગ્નવિધિ પૂર્ણ કરવામાં આવી ત્યારે દરમિયાનમાં સાંસદ પ્રજ્ઞા ઠાકુર (BJP MP Pragya thakur) ખુશીથી ઝૂમી ઉઠ્યાં હતાં.