પૂર્વ કેન્દ્રીય પ્રધાન ઉમા ભારતીએ ચમોલી દુર્ઘટનાગ્રસ્ત વિસ્તારની મુલાકાત લીધી

પૂર્વ કેન્દ્રીય પ્રધાન અને ભાજપના વરિષ્ઠ નેતા ઉમા ભારતી આપત્તિજનક વિસ્તાર રૈની અને તપોવન પહોંચ્યા હતા. જ્યાં તેમણે આપત્તિથી પ્રભાવિત લોકોને મળ્યાં અને તેમની સ્થિતિ જાણી હતી.

• પૂર્વ કેન્દ્રીય પ્રધાન ઉમા ભારતી આપત્તિજનક વિસ્તાર રૈની અને તપોવન પહોંચ્યાં
• ઋષિ ગંગા પાવર પ્રોજેક્ટમાં ગુમ થયેલા લોકોની અધિકારીઓ પાસેથી માહિતી એકઠી કરી
• ઉમા ભારતીએ કહ્યું કે, 'ગૌરા દેવીની ભૂમિમાં આ વિનાશક પૂરથી તે ખૂબ જ દુ:ખી છું.'

ચમોલી (ઉત્તરાખંડ): પૂર્વ કેન્દ્રીય પ્રધાન અને ભાજપના વરિષ્ઠ નેતા ઉમા ભારતી આપત્તિજનક વિસ્તાર રૈની અને તપોવન પહોંચ્યા હતા. જ્યાં તે આપત્તિથી પ્રભાવિત લોકોને મળ્યાં હતાં. ઉમા ભારતી રૈની પાસે પહોંચી અને પહેલા બીઆરઓ દ્વારા બાંધવામાં આવતા મોટર બ્રિજના નિર્માણ વિશે પૂછપરછ કરી હતી. આ સાથે તેમણે ઋષિ ગંગા પાવર પ્રોજેક્ટમાં ગુમ થયેલા લોકો વિશે અધિકારીઓ પાસેથી માહિતી પણ એકઠી કરી હતી. તે પછી ઉમા ભારતી ગૌરા દેવીના સ્મારક સ્થળે પહોંચી અને પુષ્પો અર્પણ કર્યા હતા. સ્થાનિક મહિલાઓએ ઉમા ભારતીએ સર્ચ ઓપરેશનમાં વિલંબ કરતાં નારાજગી વ્યક્ત કરી હતી અને કહ્યું હતું કે, કોઈ તેમની વાત સાંભળતું નથી. ઉમા ભારતીએ લોકોને સમજાવતી વખતે કહ્યું કે, તે આ સમગ્ર મામલે ઉત્તરાખંડ સરકાર અને કેન્દ્ર સરકાર સાથે વાત કરશે.

ધરતી પર પર્યાવરણ બચાવવાની ઝૂંબેશ

ઉમા ભારતીએ કહ્યું કે, ગૌરા દેવીની ભૂમિમાં આ વિનાશક પૂરથી તે ખૂબ જ દુ:ખી છે. તેમણે કહ્યું કે, જે ધરતીથી પર્યાવરણ બચાવવાની ઝૂંબેશ હાથ ધરવામાં આવી હતી, તે આજે નાશ પામી છે. પૂર્વ કેન્દ્રીય પ્રધાન ઉમા ભારતી પણ તપોવન પહોંચી હતી, જ્યાં તેમણે સ્થાનિક લોકો સાથે મુલાકાત કરી હતી અને તપોવન વિસ્તારમાં કુદરતી આપત્તિ વિશે માહિતી એકઠી કરી હતી. તે પછી ઉમા ભારતી NTPCની બૈરાજ સ્થળ પર પહોંચી હતી. જ્યાં તેમણે NTPC અધિકારીઓ પાસેથી સર્ચ ઓપરેશન અંગે પૂછપરછ કરી હતી. ઉમા ભારતીએ NTPCના અધિકારીઓ એસડીઆરએફ, એનડીઆરએફના જવાનો અને અધિકારીઓને વહેલી તકે ગુમ થયેલા લોકોને શોધી કાઢવા અને સર્ચ ઓપરેશનને ઝડપી બનાવવા જણાવ્યું હતું.