Building Collapses: કર્ણાટકના બેલગાવી જિલ્લામાં ભારે વરસાદને કારણે મકાન ધરાશાયી, બે બાળકો સહિત સાત લોકોના મોત

કર્ણાટકના બેલગાવી જિલ્લામાં ભારે વરસાદને કારણે મકાન ધરાશાયી થતાં સાત લોકોના મોત. મુખ્યપ્રધાન બસવરાજ બોમ્માઈએ ભારે વરસાદને કારણે બનેલી આ દુ:ખદાયક ઘટના બાદ દુ:ખ વ્યક્ત કર્યું હતું, અને પીડિતને 5-5 લાખ રૂપિયાનું વળતર આપવાની જાહેરાત કરી હતી.

• ભારે વરસાદને કારણે મકાન ધરાશાયી થતાં સાત લોકોના મોત
• 5-5 લાખ રૂપિયાનું વળતર આપવાની જાહેરાત કરી
• એક જ પરિવારના સાત સભ્યોના મોત થયા

કર્ણાટક : કર્ણાટકના બેલગાવી જિલ્લાના બાદલ-અંકલગી ગામમાં બુધવારે ભારે વરસાદને કારણે એક મકાન તૂટી પડતાં એક જ પરિવારના સાત સભ્યોના મોત થયા હતા. પોલીસે જણાવ્યું હતું કે, સાતમાંથી પાંચનું ઘટનાસ્થળે અને બેનું હોસ્પિટલ જતાં રસ્તામાં મોત થયું હતું. મૃતકોમાં બે લગભગ 8 વર્ષની છોકરીઓ છે.

5-5 લાખ રૂપિયાનું વળતર આપવાની જાહેરાત કરી

મુખ્યપ્રધાન બસવરાજ બોમ્માઇએ આ ઘટના પર શોક વ્યક્ત કર્યો હતો. અને પીડિતને 5-5 લાખ રૂપિયાનું વળતર આપવાની જાહેરાત કરી હતી. સાથોસાથ, મુખ્યપ્રધાને જિલ્લા પ્રભારી પ્રઘાન ગોવિંદ કરજોલને ગુરુવારે સ્થળની મુલાકાત લેવા અને જિલ્લાના નાયબ કમિશનરને તમામ જરૂરી પગલાં લેવા નિર્દેશ આપ્યો.

આ પણ વાંચો : Earthquake In Pakistan : પાકિસ્તાનમાં 6.0ની તીવ્રતાનો ભૂકંપ, 15થી વધુના મોત

આ પણ વાંચો : રાહુલ-પ્રિયંકા એ મૃતક ખેડૂતના સંબંધીઓ જોડે કરી મુલાકાત, આજે બહરાઈચ જશે