ઝારખંડથી ચેન્નઈ કામ કરવા ગયેલા 9 શ્રમિકોમાંથી 1નું મોત, પરિજનોમાં ચિંતા

ઝારખંડના જામતાડા જિલ્લાના સાવલાપુર ગામથી ચેન્નઈ કામ કરવા ગયેલા 9 શ્રમિકોમાંથી 1નું મોત થવાથી અન્ય શ્રમિકોના પરિવારો ભયભીત થઇ ગયા છે. આ ઘટના બાદ મૃતકના પરિવારજનો તેમજ તેના સાથી શ્રમિકોના પરિવારમાં ભયનો માહોલ છે.

ઝારખંડ: જામતાડા જિલ્લાના સાવલાપુર ગામથી ચેન્નઈ કામ કરવા ગયેલા 9 શ્રમિકોમાંથી 1 શ્રમિકનું મોત થવાથી અન્ય શ્રમિકોના પરિવારો ભયભીત થઇ ગયા છે. અન્ય 8 શ્રમિકોના પરિવાર તેમને પાછા લાવવા માટે સરકાર અને વહીવટતંત્ર પાસે મદદ માગી રહ્યાં છે.

આ મામલે જામતાડા જિલ્લાના ડેપ્યુટી કમિશનરનો સંપર્ક કરતા તેમણે જણાવ્યું કે, આ મામલે રાજ્ય સરકારને માહિતી આપવામાં આવી છે. તેમજ મૃતદેહને લાવવા કાર્યવાહી કરવામાં આવી રહી છે. ડેપ્યુટી કમિશનરે ખાતરી આપી હતી કે, કામદારોને સમયસર પરત લાવવામાં આવશે.