નિકિતા હત્યાકાંડ : મહાપંચાયત બાદ હિંસક પ્રદર્શન શરૂ

નિકિતા હત્યાકાંડમાં રવિવારે ઉગ્ર ભીડે ફરીદાબાદ બલ્લભગઢ હાઇવે જામ કરી દીધો હતો. આ લોકો નિકિતા હત્યાકાંડમાં દોષીઓને ઝડપથી સજા કરવામાં આવી તેવી માંગ કરી રહ્યા છે.

• નિકિતા હત્યા કેસમાં મહાપંચાયત બાદ હિંસક વિરોધ
• પ્રદર્શનકારીઓએ હાઇવેને જામ કરી ફાયરિંગ કર્યું
• પોલીસે વિરોધ કરનારા પર લાઠીચાર્જ કર્યો

હરિયાણા : ફરીદાબાદના નિકિતા મર્ડર કેસ સંદર્ભે મહાપંચાયત બોલાવવામાં આવી હતી. સર્વ સમાજ મહાપંચાયતમાં નિર્ણય લેવામાં આવ્યો કે, 21 વર્ષીની વિદ્યાર્થીનીના કેસમાં ગુનેગારોને વહેલી તકે ફાંસીની સજા આપવામાં આવે. જે બાદ રવિવારે ઉગ્ર ભીડે ફરીદાબાદ બલ્લભગઢ હાઇવે જામ કરી દીધો હતો. લોકોની માંગ છે કે, નિકિતા હત્યાકાંડમાં દોષીઓને ઝડપથી સજા આપવામાં આવે.

મહાપંચાયત બાદ પ્રદર્શનકારીઓ રસ્તા પર ઉતરી આવ્યા

ભીડ એટલી વધારે હતી કે,પોલીસે લાઠીચાર્જ કરવો પડ્યો હતો. પોલીસને મહાપંચાયતના સમયે અંદાજો નહોતો કે, પરિસ્થિતિ આવી વિકટ બનશે. મહાપંચાયત બાદ પ્રદર્શનકારીઓ રસ્તા પર ઉતરી આવ્યા હતા અને પથ્થરબાજી શરૂ કરી દીધી હતી. જે બાદ પોલીસે લાઠીચાર્જ શરૂ કરી દીધો હતો. બાદમાં પોલીસે પંચાયતના કેટલાંક લોકો સાથે વાત કરી સમજાવીને હાઇવેથી પાછા મોકલી દીધા હતા. પોલીસે મામલો શાંત કરવાની કોશિષ કરી રહી છે. જેથી મામલો વધારે બગડે નહીં.